San Lucas 16:31 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³¹ Abrahamñapaꞌ alla otererr: “Ñerraꞌm amach eꞌmhñoterrñañeto Yompor poꞌñoñ ñeñth ateth kellkëꞌth Moisés ñamha allowen ñeñth aꞌmhtayeꞌth Yompor poꞌñoñ awath, theꞌña amaꞌt eseshaꞌch tanterrtsa rromothpaꞌ amach eshek xhapanetoña poeyoxhreto atthoch kothapeꞌcherret ello eꞌñe kowen Yomporekop.”

San Lucas 16:31 Iomraidhean Croise

San Lucas 16:30

Ñañapaꞌ ateth oterranerr Abraham: “Ñatoꞌ amach eꞌmhñoterrñañeto Yompor poꞌñoñ, tharraña nompore Abrahama ñerraꞌm eseshaꞌ tanterrtsa rromoth ñeñthchaꞌ orrterrawet allempoñapaꞌ poꞌñoxh ñeñthchaꞌña kothapeꞌchaterrawet ello eꞌñe kowen Yomporekop.”

San Lucas 17:1

Allempoña Jesúspaꞌ alla serrpareꞌtaterranerr poeyochreshaꞌ, ñeñthpaꞌ ateth otanet: —Xhokmach waponaya ñeñthchaꞌ yetpatyeneꞌ oꞌch ateth phatey ñeñth ama pokteyeꞌ enteno Yompor. Tharraña napaꞌ oꞌch notas, atarrchaꞌ yoroxhenoꞌtsen amaꞌt erraꞌtsena acheñer ñeñth orrtateneꞌ ñeñthchaꞌ topatyeneꞌ poꞌpsheñeñ ñeñth nameꞌñenaya oꞌch ateth phatyenanet ñamet ñeñth amaꞌt mamesha ama pokteyeꞌ enteno Yompor.

San Juan 5:47

Tharraña ñerraꞌm ama sameꞌñeññaño ñeñth ateth kellkonaseꞌth ña, ñeñthoꞌmarña napaꞌxhoꞌña amach errothenoth sameꞌñonoña namha neñoñ.

Los Hechos 19:8

Pablopaꞌ nanak serrpareꞌtateꞌth all Efeso. Patheꞌtets semana oꞌchxhoꞌ beꞌthosos judioneshaꞌ poꞌprawo oꞌchxhoꞌ serrpareꞌtatanet ateth pena Yompor poꞌkowenña ñeñth attho atarr ayochreshathtena ña. Ama mechaꞌteꞌthe amaꞌt mamesha. Oꞌchxhoꞌ yexhatanet allochñapaꞌ oꞌch ameꞌñatanet. Attheñapaꞌ oꞌ maꞌpmha arrorr.

Los Hechos 26:28

Allempoña Agripapaꞌ ateth otan Pablo: —Xhaꞌt photenapañ thayekmapaꞌ oꞌch phameꞌñatna Cristo.

Los Hechos 28:23

Allempoñapaꞌ aꞌpoktachet allempoch waxhaꞌtet alloꞌtsen Pablo allempoꞌch serrpareꞌtatanet. Allempoña oꞌ xhap allempoch waxhaꞌtetpaꞌ allempopaꞌ shonteꞌ acheñ waxhaꞌtatsa Pablesho. Allempoña Pablopaꞌ eꞌñe ellapen serrpareꞌtatawet; aꞌpothanet ateth pena Yompor poꞌkowenña ñeñth attho ayochreshathtena ña. Ñamha lleyatyesanet Moisés poꞌñoñ all oten atethchaꞌ pha ñeñthchaꞌ Cristotats. Ñamha lleyatyesanet poꞌñoñ ñeñth aꞌmhtayeꞌth awath Yompor poꞌñoñ all oten ñamha atethchaꞌ pha ñeñthchaꞌ Cristotats. Ñapaꞌ nanak moeneñ oꞌch ameꞌñatanet attho Jesúspaꞌ poꞌñoxh ñeñth Cristotats.

2 Corintios 4:3

Attho yeserrpareꞌteññañ Yompor poꞌñoñ ñeñth poꞌñoxh alloch yekeshperra tharraña patantarr acheñeneshaꞌpaꞌ amach xhapaneto poeyoxhreto ñeñth alloch yekeshperra. Ñeñth ateth petsapaꞌ alloꞌna senet allchaꞌ chenkaꞌwerret.

2 Corintios 5:11

Ñeñthpaꞌ amaꞌt atarr yoroxhen yenteñeñña Yompor, tharraña nokoppaꞌ ama yoroxhenayaye tharroꞌmar Yomporpaꞌ entenen eꞌñe kowen ñeñth ateth nepena. Theꞌpaꞌ aña palltetsa oꞌch nokthapeꞌchater allowen acheñeneshaꞌ atthoch ñetpaꞌxhoꞌña eꞌñech kowen entapretennet. Amaꞌt sapaꞌxhoꞌña theꞌpaꞌ nekwenes, nemneñ oꞌch señoter samha eꞌñe seyoxhro attho eꞌñe neñmañeshaꞌ kowen es nephaꞌyen.