San Lucas 16:19 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁹ Elloña Jesúspaꞌ ateth serrpareꞌtatanet: —Eñall poesheñarr ñeñth atarr ekhllayoreth ñeñth chorrenaya shetamoets atarr koxhneshareꞌ ñeñth atarr kowen apomotyesareth. Epayeꞌ koshatseꞌtatyeñ ñeñth allpon echyen. Eꞌñe poksheñothpaꞌ eꞌñe ellapeneꞌth rrallmeꞌchats.

San Lucas 16:19 Iomraidhean Croise

San Marcos 15:17

Allñapaꞌ paꞌllokchameꞌteñothet Jesús chorrachet shetamoets tsamamoenoꞌ kellwemamtena ñeñth paꞌshtam pen ñeñth poꞌñoxh amhchaꞌtarethtetsa. Pelltaꞌtoñet ñamha choyoꞌmets agrexhpaꞌ ñeñthña choyoꞌmhtachet ñeñth ateth choyoꞌmhtena ñeñth poꞌñoxh amhchaꞌtarethtetsa.

San Marcos 15:20

Oꞌña achmhareꞌtwawetpaꞌ allempoñapaꞌ rrotamperet shetamoets tsamamoen chorrateret eꞌñe ña paꞌshtam. Allempoñapaꞌ anmet aꞌyo allchaꞌ korsoꞌtampeñetaꞌ.

San Lucas 15:13

Eꞌñe allponmatatsa ñeñthña poechoyomer penpaꞌ oꞌ eꞌñe pomwawanman ora allowen ñeñth allpon aph pompor allo agapan shonteꞌ kelle atthoch ta bhaxhayo poꞌpoñ anetso. Allempoña xhap bhaxhayopaꞌ allñapaꞌ sosyaꞌtsañexhna ateth phaꞌyesos. Atthoña amaꞌt shonteꞌ poꞌkhllayor ñeñth anem oꞌ eꞌñe aꞌgastaꞌwawe eꞌñe pottatseꞌteñoth.

San Lucas 16:1

Elloña Jesúspaꞌ alla tomaꞌntaterranerr poeyochreshaꞌ, ñeñthpaꞌ ateth serrpareꞌtaterraneterr: —Eñall yakma poesheñarr ñeñth atarr ekhllayoreth. Ñapaꞌ echenan paꞌcheñer ñeñth poꞌtarwas peneꞌ oꞌch kowamphsan ora allpon ñeñth echyen pamoꞌmteꞌ. Ñamha ñach kellkëneꞌ poꞌpotantañ ñeñth allpon tebhaꞌyeññañet pamoꞌmteꞌ. Attheña allempoña poesheñaꞌtets acheñeneshaꞌpaꞌ aꞌmethampeñetaꞌ pamoꞌmtayesho, ateth otoñet pamoꞌmteꞌ: “Oꞌkaꞌye attha aꞌchenkatatsreꞌtaphña ñeñth penen ñeñthchaꞌ pekwamphsatsreꞌteneꞌ.”

San Lucas 16:18

‘Ama aꞌwañatpawoyaye Yompor poꞌñoñ ñeñth ateth yoteneꞌ ama asaꞌpawo yethapor tharroꞌmar ñerraꞌm eseshaꞌ serreꞌ poethapor oꞌch yorerran poꞌpsheñeñ koyaneshaꞌ ñeñthchaꞌ poethapor perretpaꞌ ñeñthñapaꞌ xhach ochñaꞌtamperrana poethaporesheꞌmañ; ñeñthpaꞌ ama kowenayeꞌ enteñe Yompor. Ñamha ñeñthchaꞌ yorerreꞌ koyaneshaꞌ asareth, ñeñth yakmarpaꞌ xhach chetapreten thaporets; ñeñthpaꞌxhoꞌña ama kowenayeꞌ enteñe Yompor.

San Lucas 16:20

Eñall ñamha poesheñarr ñeñth atarr wokchañetets ñeñthñapaꞌ xha ora poetsaren, ñeñthpaꞌ añ paꞌsoꞌcheñ Lázaro. Ñañapaꞌ allach ellapeneꞌth aꞌyoth yetarroth allothekma beꞌthen ekhllayoreth paꞌpakllo.

El Apocalipsis 17:4

Ñeñthña koyaneshaꞌpaꞌ añ chorrena yetsñorromamoen epoet tsamamoen. Ñamha allo aññoꞌtena ñeñthpaꞌ ateth ñerraꞌm orollmemen ñeñth atarr kowen, ñamha mapyellmetholleshaꞌ ñeñth nanak poptallmeꞌchyetsa ñeñth nanak tsaꞌteꞌ ñamha poꞌser ñeñth atarr kowen orrtateneꞌ ña. Pototh orrenan poꞌpajoꞌ orotaten. Ñeñth pajoꞌpaꞌ eꞌñe eꞌchorrenan paꞌnamen sosyaꞌtsañexhno ñeñth atarr yetsenaꞌten ñeñth attho nanak kañoreshaꞌten.

El Apocalipsis 18:16

ateth otenet: —Llekëñtsa-bee añ atarr anets tharroꞌmar ñapaꞌ oꞌ ateth perratheꞌ ñeñth atarr añekmoen anetser ñeñth ateth ñerraꞌmrratheꞌ poesheñarr koyaneshaꞌ ñeñth nanak kowen aññoꞌtetsa. Añchaꞌ chorrena ñeñth atarr koxhneshaꞌ yetsñorromamoen epoet ñamha tsamamoen ñamha ñapaꞌ nenan oro, ñamha mapyetholleshmaꞌth ñeñth atarr koxhneshaꞌ poptallmeꞌchyetsa ñamha nenan koxhneshaꞌ seretsoxhno.

El Apocalipsis 18:7

Ñeñth allpon koshatseꞌtyeseꞌth, theꞌñapaꞌ ñeñthepaꞌchña allpon llekaterrayerr. Ñeñth allpon echyeseꞌth, theꞌñapaꞌ ñeñthepaꞌchña allpon moeroxhtaterreꞌ. Tharroꞌmar ña awañmoꞌchpaꞌ pommoꞌcheñoth ateth oteꞌth poeyoxhro: “Napaꞌ attho nanen na nekonañopaꞌ atarr naꞌmhchaꞌtarethtena. Napaꞌ ama añeyayno ñeñth rrethorrnaneshaꞌ. Na amaꞌt awathapaꞌ amach nellkërro tharroꞌmar amach es nemoeroxhtaterraye.”