San Lucas 16:18 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁸ ‘Ama aꞌwañatpawoyaye Yompor poꞌñoñ ñeñth ateth yoteneꞌ ama asaꞌpawo yethapor tharroꞌmar ñerraꞌm eseshaꞌ serreꞌ poethapor oꞌch yorerran poꞌpsheñeñ koyaneshaꞌ ñeñthchaꞌ poethapor perretpaꞌ ñeñthñapaꞌ xhach ochñaꞌtamperrana poethaporesheꞌmañ; ñeñthpaꞌ ama kowenayeꞌ enteñe Yompor. Ñamha ñeñthchaꞌ yorerreꞌ koyaneshaꞌ asareth, ñeñth yakmarpaꞌ xhach chetapreten thaporets; ñeñthpaꞌxhoꞌña ama kowenayeꞌ enteñe Yompor.

San Lucas 16:18 Iomraidhean Croise

San Mateo 19:9

Na theꞌpaꞌ oꞌch notas: Ñerraꞌm eseshaꞌ serreꞌ poethapor, poethaporñapaꞌ ñerraꞌm ama xho agënano poꞌpsheñeñ yakma, ñeñth eꞌñe attha serreꞌ poethapor, ñañapaꞌ xhach ochñaꞌtamperrana poethaporesheꞌmañ ñerraꞌm oꞌch alla yorerranerr poꞌpoñ koyaneshaꞌ. Ñeñthpaꞌ ama pokteyeꞌ enteñe Yompor. Ñamha ñeñthchaꞌ yorerreꞌ koyaneshaꞌ asareth, ñeñthña yakmarpaꞌ xhach chetapreten thaporets. Ñeñthpaꞌxhoꞌña ama pokteyeꞌ enteñe Yompor.

San Lucas 16:19

Elloña Jesúspaꞌ ateth serrpareꞌtatanet: —Eñall poesheñarr ñeñth atarr ekhllayoreth ñeñth chorrenaya shetamoets atarr koxhneshareꞌ ñeñth atarr kowen apomotyesareth. Epayeꞌ koshatseꞌtatyeñ ñeñth allpon echyen. Eꞌñe poksheñothpaꞌ eꞌñe ellapeneꞌth rrallmeꞌchats.

1 Corintios 7:4

Tharroꞌmar koyaneshaꞌ ñeñth arrollarethpaꞌ ama eꞌñe ñapthayaye poꞌchets, ñeñthpaꞌ poerrollaroꞌnach. Ñamha yakmapaꞌxhoꞌña amach ñapthayaye poꞌchets, ñeñthpaꞌ poethaporoꞌnach.