San Lucas 16:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ ‘Tharraña amaꞌt attheñpaꞌ ñeñth ateth anareth Yompor poꞌñoñ amaꞌt pathrra kellek poeshempothollowenpaꞌ amach chenkërro. Tharroꞌmar Yompor poꞌñoñpaꞌ amach errotheno yaꞌwañatere ñeñth attho sherbeney. Patsña epoet enet ñeñthpaꞌ wañerrchaꞌ.

San Lucas 16:17 Iomraidhean Croise

San Mateo 5:18

Eꞌñe poꞌñoxh notenes: Ama awaporeꞌtpawoyaye Yompor poꞌñoñ ñeñth ateth anareth awathotheñ, amaꞌt thayotheñ tharrempowach esempowañenchaꞌ chenkaꞌwerra pats ñamha enet. Amaꞌt pathrra ñoñets ñeñth ateth anarethpaꞌ amach chenkërro amaꞌt eꞌñe pathrra kellek poeshempothollowenpaꞌ amach chenkërro amaꞌt thayotheñ tharrempowach esempowañenchaꞌ eꞌñe etsotwerra ñeñth ateth oten awathotheñ.

San Lucas 21:33

Esempopaꞌ añ enet ñeñth sentenpaꞌ eꞌñech chenkaꞌwerra; patspaꞌxhoꞌña atthekmach perra eꞌñech chenkaꞌwerra. Tharraña naña neñoñpaꞌ amach chenkërro amaꞌt eꞌñe errponaña.

Romanos 3:31

Ñatoꞌ sa theꞌpaꞌ xhatheꞌ sotenapañ yeyemteñoth Cristo, theꞌpaꞌ Yompor poꞌñoñ ñeñth ateth anareth awathotheñpaꞌ oꞌch yewaporeꞌch, oꞌwañchaꞌ sherbhaꞌy. Tharraña oꞌch notas, elloña atthoña eꞌñe yeñoten, ñeñthoꞌmarña Yompor poꞌñoñpaꞌ atarr sherbeney.

1 San Pedro 1:25

Tharraña ñeñth Parets poꞌñoñpaꞌ amach awañañathto amaꞌt errponaña. Ñeñth poꞌñoñpaꞌ ñeñthara kowen ñoñets ñeñth oꞌ serrpareꞌtatwaset samha.

2 San Pedro 3:10

Tharraña amaꞌt amoꞌ werro, esempopaꞌ machayothach werra. Ateth ñerraꞌm eñeth amach es yepxhenopaꞌ machayothach wapa tsapo. Eꞌñech ateth perraña ñamha Yepartseshar Cristo, eꞌñech machayotha werra. Allempopaꞌ wañerrchaꞌ enet. Eꞌñe poepotrrareñothpaꞌ wañchaꞌ. Wañchaꞌ ora ñeñth orretyetsa ñamha amaꞌt ora allpon eñall, pañnaꞌtwerrchaꞌ ñamha eꞌyowach. Tsoꞌñapaꞌ ñach eꞌñe eꞌyatwerreꞌ allowen ñeñth eñall. Patspaꞌxhoꞌña ñamha ora ñeñth ayexhkatareth arr patsropaꞌ poywach.

El Apocalipsis 20:11

Allempoña oꞌ nenterrerr atarr añekmoen konañ ñeñth atarr wallamaꞌth ñamha ñeñth anets all. Ñaña eꞌñe poꞌpartsoteñoth aꞌchenkatwan añ pats ñamha enet, oꞌ eꞌñe chenkaꞌwerra poktakma. Ñokpoet ama eñalle allchaꞌ aꞌpoet amaꞌt eꞌñe koñeꞌtha.

El Apocalipsis 21:1

Allempoña na ñeñthen Juanan allpaꞌ oꞌ nenterrerr poꞌpoñ enet ñeñth eꞌñe etserra, patspaꞌxhoꞌña oꞌ etserraterr. Tharroꞌmar ñeñth ateth yenten enet theꞌ ñamha pats, ñeñthpaꞌ oꞌ eꞌñe chenkaꞌwerra oꞌ wañerr. Ñeñth etserra patspaꞌ allña amaꞌt saꞌp ñeñth yenten añekmoen ama eñalle.

El Apocalipsis 21:4

Theꞌña Yomporpaꞌ oꞌ aꞌwañamperrnay yellkëña, theꞌña amaꞌt awathapaꞌ amach alla yeyawerreꞌthe. Theꞌ amaꞌt awathapaꞌ amach yerromoerreꞌthe amach yellkërreꞌthe. Theꞌ amaꞌt awathapaꞌ amach eñalleterreꞌthe yaweñets amaꞌt ñamha atserrpeñets amach eñalle. Tharroꞌmar añexhno ñeñth allpon yellkatyesayeꞌth theꞌñapaꞌ oꞌ eꞌñe wañerr.