San Lucas 16:14 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁴ Añña fariseoneshaꞌ ñeñth eꞌmoeneꞌ Jesús ñeñth ateth serrpareꞌtatenan acheñeneshaꞌ, ñetñapaꞌ aña atarr yeꞌchapretenet kelle. Ñeñthoꞌmarña ñet allempopaꞌ poesasareꞌteñothet Jesúspaꞌ xha atarr cheꞌtatseteñet.

San Lucas 16:14 Iomraidhean Croise

San Mateo 23:13

‘Atarr nanak llekëñtsoꞌtsenes fariseoneshachaꞌ ñamha samha ñeñthes eꞌñe etsotayenayeñ ñoñets ñeñth ateth anareth judioneshakop tharroꞌmar sapaꞌ sommoꞌcheñotheꞌna atarr seshkareꞌtyen. Tharroꞌmar amaꞌt sapaꞌ amakaꞌye senteññañeña Yompor poꞌkowenña, ellonethpaꞌxhoꞌña xhokma sepatareꞌteñña poꞌpotantañ ñeñth eꞌneneꞌ Yompor poꞌkowenña. Xha saꞌnpampeñña acheñeneshaꞌ atthoch ñetpaꞌxhoꞌña amach enterrñañeto Yompor poꞌkowenña ñeñth attho atarr ayochreshathtena ña poeꞌntañoth.

San Mateo 9:24

Jesúsñapaꞌ ateth otosan acheñeneshaꞌ: —Sawanerra arroth, añ shopsheshaꞌpaꞌ amakaꞌye xhoyeꞌ rromoeno, xhakaꞌye moen. Ñetñapaꞌ pachmhareꞌteñothetpaꞌ attha cheꞌtatsetyesapet tharroꞌmar ñetpaꞌ eꞌñekaꞌye eñoteñet xhokaꞌye rromoen.

San Lucas 12:15

Alla oterraneterr Jesús: —Eꞌñech señota sañeña, amaꞌt seyoxhrapaꞌ amach es seyeꞌchapretannaꞌtatsto amaꞌt eꞌñe koñeꞌtha tharroꞌmar attho yokrrena arr kowen añe patsropaꞌ ñeñthpaꞌ ama añekpayaye alloch esokmañen es yechyerr ñeñthchaꞌ atarr yokshaterreꞌ tsapathoneth.

San Lucas 20:47

Tharraña ñetñapaꞌ rrethorrnaneshaꞌnaña poerratampesyenetña paꞌpakëll. Elloña eꞌñe pommoꞌcheñothetpaꞌ aña atarr moenenet oꞌch ateth penet ñerraꞌmrratheꞌ ñetpaꞌ atarroꞌ kowen acheñret ñeñthoꞌmarña arrchaꞌ maꞌyochenet all shontena acheñeneshaꞌ, amach thematenayaya maꞌyocheneto. Ñeñthoꞌmarña theꞌ napaꞌ oꞌch notas, ñeñth ateth petsa pommoꞌcheñothpaꞌ elloña atarrchaꞌ aꞌkoñchaꞌtarethterret.

San Lucas 23:35

Acheñeneshaꞌñapaꞌ attha kowanrrorteñet all thomxhenet aꞌyeneth. Paꞌmhchaꞌtaretherneshet ñetñapaꞌ atarr es otnareꞌteñet, ateth otatseꞌtyeñet. —Theꞌña phapaꞌ oꞌ phaꞌkeshphatyes poꞌpotantañ, theꞌñapaꞌ phaꞌkeshphaterra eꞌñe phañeña ñerraꞌm poꞌñoxhtheꞌ ñeñtheph akren Yompor ñeñthchaꞌ Cristotosets.

2 Timoteo 3:2

Tharroꞌmar allempopaꞌ atethchaꞌ perra acheñeneshaꞌ. Allempo acheñpaꞌ nanakchaꞌ moparrareret, ñamha añach patherr kothapeꞌchenet ñeñth ateth moenenet eꞌñe ñokpoeta. Ñamha allempopaꞌ nanakchaꞌ yeꞌchapretenet kelle. Ñamha allempopaꞌ nanakchaꞌ ommoꞌchenet ñeñth echyenet, atarrchaꞌ kowen entyerret eꞌñe ñañeñeta, poꞌpotantaññapaꞌ amach esoyeꞌ asherben entyereto. Ñamha allempopaꞌ nanakchaꞌ achmhareꞌteret Yompor, ñamha allempopaꞌ oꞌwañchaꞌ ameꞌñyet amaꞌt ñeñth pamoꞌmteꞌ penet, ñamha ñetpaꞌ amach es koshatenaweto amaꞌt koñeꞌtha. Ñamha allempopaꞌ nanakchaꞌ tsenaꞌteret allowen ñeñth anareth Partsokop.

Hebreos 11:36

Poꞌpotantañexhno ñetpaꞌxhoꞌña eꞌñe poeyemteñothet Yompor awantaꞌyenet paꞌnamen attho atarr atserrphatseꞌtarethetyeseteꞌth —atthoña atarr acheꞌtatsetarethteteꞌth, all ashtarethteteꞌth, ewankanatarethteteꞌth, ayottamphsarethetyeseteꞌth.