San Lucas 15:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Oꞌchña enterpaꞌ allempoñapaꞌ oꞌch agotan pamoꞌtseshaꞌ eꞌñe pakmaneshocheꞌ, atethchaꞌ otanet: “Theꞌpaꞌ oꞌch sokshapreterrna ñeñth poetallarr nekhllayor ñeñth naꞌchenkat, theꞌpaꞌ oꞌ nenter.”

San Lucas 15:9 Iomraidhean Croise

San Lucas 1:58

Allowen acheñeneshaꞌ ñeñth yexhetsa all ñesho ñamha allowen pamoꞌtseshaꞌ ñetñapaꞌ eꞌñe koshaprechet. Tharroꞌmar eñoteñet Yomporpaꞌ oꞌ orrtatoñ attho ñapaꞌ atarr moereña.

San Lucas 15:10

Theꞌpaꞌ oꞌch noterrserr, elloña atarrchaꞌ nanak koshateret Yompor poꞌmhllañotheñreneshowen ñerraꞌm esempo amaꞌt poesheñarra acheñ ñeñth atarr ochñathpaꞌ oꞌch kothapeꞌcherret ello eꞌñe kowen Yomporekop.

San Lucas 15:8

‘Ñeñthara kothaphñats, theꞌpaꞌ ñatoꞌ atethchaꞌ netmaꞌntacha poꞌpoñoneth ateth ñerraꞌm poesheñarr koyaneshaꞌ ñerraꞌm echenan xharratlla poꞌkhllayor ñeñth atarr morrentena. Ñerraꞌm xho aꞌchenkach poetallarrpaꞌ amaꞌtchaꞌ aꞌllchatanoña poꞌlampareñ atthoch tarrapoꞌtenan paꞌpakëll allchaꞌ eꞌnameꞌtyerran poetallarr poꞌkhllayor. Atthothchaꞌña enter.