San Lucas 15:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁸ ‘Ñeñthara kothaphñats, theꞌpaꞌ ñatoꞌ atethchaꞌ netmaꞌntacha poꞌpoñoneth ateth ñerraꞌm poesheñarr koyaneshaꞌ ñerraꞌm echenan xharratlla poꞌkhllayor ñeñth atarr morrentena. Ñerraꞌm xho aꞌchenkach poetallarrpaꞌ amaꞌtchaꞌ aꞌllchatanoña poꞌlampareñ atthoch tarrapoꞌtenan paꞌpakëll allchaꞌ eꞌnameꞌtyerran poetallarr poꞌkhllayor. Atthothchaꞌña enter.

San Lucas 15:8 Iomraidhean Croise

San Mateo 5:15

Ñamha ñerraꞌm esempo yaꞌllchaten lampareñpaꞌ ñeñthpaꞌ ama tharrekpayeꞌ yaꞌllchateñe oꞌch yeꞌrramampes koymho. Ñeñthpaꞌ añekopña yaꞌwortateñ oꞌch yeneꞌ enoneth atthoch eꞌñe xhoyoꞌtampeswan allowen ñeñth pokolloꞌtsaꞌyen.

San Lucas 15:7

Ñeñthoꞌmarña theꞌpaꞌ notenes: Yamoꞌmteꞌ ñeñth poeꞌtañoꞌtsen atthekmach atarr nanak kosherrana amaꞌt poesheñarra acheñ ñeñth atarr ochñath ñerraꞌm esempoch oꞌch kothapeꞌcherret ello eꞌñe kowen ñokop. Elloch metanaꞌtwerran ñeñth attho koshenana poꞌpotantañ ñeñth shonteꞌ ñeñth eꞌñe pokteꞌ es phaꞌyenet ñokop amaꞌt ñetpaꞌ shontet ateth ñerraꞌm noventa nueve carnero ñamha ñetpaꞌ amaꞌt ama pallteneto oꞌch kothapeꞌcherret ello kowen.

San Lucas 15:9

Oꞌchña enterpaꞌ allempoñapaꞌ oꞌch agotan pamoꞌtseshaꞌ eꞌñe pakmaneshocheꞌ, atethchaꞌ otanet: “Theꞌpaꞌ oꞌch sokshapreterrna ñeñth poetallarr nekhllayor ñeñth naꞌchenkat, theꞌpaꞌ oꞌ nenter.”

San Lucas 19:10

Na Ñeñthen Acheñetosets ñeñthoꞌmarña nowapa añe patsro oꞌch neꞌnyesos acheñeneshaꞌ ñeñth chenkëtsa ñeñthchaꞌña naꞌkeshphatyesos.

San Juan 10:16

Eñall poꞌpoñexhño ñeñthchaꞌ necarneror neperr, ñetpaꞌ ama parrokmateneto arr alloꞌtsen ñeñth necarneror nepen theꞌ. Añ poktetsa oꞌch nerranetaꞌ atthoch eꞌmhñoterrnanet neñoñ, allochñapaꞌ oꞌch eꞌñe parrokmaterret. Poesheñarrana ñeñthenchaꞌ kowamperrawet.

San Juan 11:52

Amach eꞌñe ñaptha pamoꞌtsnaꞌtarekpayaya rromoña Jesús, añekpaꞌnachña rroma allowenakop amaꞌt erraꞌtsenchaꞌ poechemer perr Yompor arr patsro, ñachña parrokmataterrawet.

Los Hechos 19:19

Patantarrpaꞌ oꞌ wapatyeset poꞌlibro ñeñth allo eñotet achyoꞌtatset. Eꞌñe all shontena acheñeneshaꞌ oꞌ chamaꞌtwet poꞌlibro. Allempoñapaꞌ oꞌ somoerret errpontheꞌ tsaꞌtena allpon libropaꞌ oꞌ sala amnaroch xharraꞌ mil pokhllayoret. Ñeñth allpon tsaꞌtena allowen libro.

Efesios 2:17

Ñeñthoꞌmarña Cristopaꞌ wapa. Ñach yeserrpareꞌtatoseꞌ kowen ñoñets attho ñapaꞌ ña amoꞌtstannaꞌtatañtetsa. Atthekma serrpareꞌtatosey alloweney, amaꞌt sa ñeñthes ama judioneshayayso ñeñthes atarr allapharoꞌtsaꞌyenes ateth entyenesña Yompor. Atthekma serrpareꞌtatosey amaꞌt yamha ñeñthey judioneshay ñeñthey eꞌñe allameꞌttsa entyeney Yompor.