San Lucas 15:6 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶ Oꞌchña sexhapater sepakllopaꞌ allñapaꞌ oꞌch sexhoreꞌtwer samoꞌtseshaꞌ oꞌch onaxhaꞌtet. Allñapaꞌ oꞌch sotwerr: “Theꞌpaꞌ oꞌch sokshapreterrna necarneror, theꞌpaꞌ oꞌ nenterrña ñeñth naꞌchenkaten.”

San Lucas 15:6 Iomraidhean Croise

San Lucas 1:58

Allowen acheñeneshaꞌ ñeñth yexhetsa all ñesho ñamha allowen pamoꞌtseshaꞌ ñetñapaꞌ eꞌñe koshaprechet. Tharroꞌmar eñoteñet Yomporpaꞌ oꞌ orrtatoñ attho ñapaꞌ atarr moereña.

San Lucas 15:10

Theꞌpaꞌ oꞌch noterrserr, elloña atarrchaꞌ nanak koshateret Yompor poꞌmhllañotheñreneshowen ñerraꞌm esempo amaꞌt poesheñarra acheñ ñeñth atarr ochñathpaꞌ oꞌch kothapeꞌcherret ello eꞌñe kowen Yomporekop.

San Lucas 15:24

Tharroꞌmar añ nechemer amaꞌt oꞌ rromwañ, theꞌñapaꞌ oꞌ alla tanterra. Amaꞌt oꞌ chenkaꞌwañpaꞌ theꞌñapaꞌ oꞌ alla nenter.” Allempoñapaꞌ atarr nanak koshameꞌtamphsapoeñet.

San Lucas 15:5

Allña senterpaꞌ oꞌch senatner, eꞌñech soksheñeshokmañen saner.

San Lucas 15:7

Ñeñthoꞌmarña theꞌpaꞌ notenes: Yamoꞌmteꞌ ñeñth poeꞌtañoꞌtsen atthekmach atarr nanak kosherrana amaꞌt poesheñarra acheñ ñeñth atarr ochñath ñerraꞌm esempoch oꞌch kothapeꞌcherret ello eꞌñe kowen ñokop. Elloch metanaꞌtwerran ñeñth attho koshenana poꞌpotantañ ñeñth shonteꞌ ñeñth eꞌñe pokteꞌ es phaꞌyenet ñokop amaꞌt ñetpaꞌ shontet ateth ñerraꞌm noventa nueve carnero ñamha ñetpaꞌ amaꞌt ama pallteneto oꞌch kothapeꞌcherret ello kowen.

San Juan 15:14

Ñerraꞌm eꞌñe ateth sephowen ñeñth ateth notenes sañapaꞌ ñeñthes eꞌñe neyemtena.

San Juan 3:29

Jesúspaꞌ eꞌñech ateth netmaꞌntacha ateth ñerraꞌmrratheꞌ yakma ñeñth senaꞌtetsa. Ñewa, ñeñth senaꞌtetsa ñeñthñakaꞌyeña agëneꞌña koyaneshaꞌ ñeñthchaꞌ poethapor phaꞌ. Tharraña ñeñthña poeyempaꞌ ñeñth parro epoet then ñerraꞌm añ eꞌm poeyem poꞌñoñ ñeñth senaꞌtetsapaꞌ ñañapaꞌ atarrchaꞌ koshapretana poeyem. Ñeñthoꞌmarña na theꞌpaꞌ atarr nokshapreteña Jesús.

Los Hechos 11:23

Allempo xhap Bernabé allpaꞌ entosan poꞌñoxh oꞌ orrta Yompor poemoereña all. Ñeñthoꞌmarña nanak koshosa. Oꞌ kothapeꞌchatosanet, ateth otanet: —Amach sekexhpatstere Yompor poꞌñoñ. Womenkchaꞌ sephaꞌ seyoxher.

Los Hechos 15:3

Oꞌ soꞌtwanma ñeñth ameꞌñetsapaꞌ awanmoet. Arr oñmoet Fenicioꞌmar allothñapaꞌ awanmoet Samarioꞌmar. Allña oñemwanmoetpaꞌ all serrpareꞌtyesnomoet. Añ serrpareꞌtyesnomoet attho oꞌ ameꞌña ñeñth ama judioneshayaye. Pameꞌñeñothetpaꞌ oꞌ aꞌypoꞌñaꞌwerret ñeñth awath pokthaphñet. Ñeñthña nanak koshateꞌña allowen ñeñth ameꞌñetsa.

Filipenses 2:17

Ñamha amaꞌtchaꞌ machayotha moetsataterrnet arr attho napaꞌ oꞌ nameꞌñatasa, napaꞌ atarr nokshena ñamha theꞌpaꞌxhoꞌña nokshapretensa attho sameꞌñerra. Añña sameꞌñeñapaꞌ ñeñthchaꞌ yewapateññañ Yompor ateth ñerraꞌmrratheꞌ ñeñth amtsarethtetsa ñokop. Ñamha nerraspaꞌ ñeñthchaꞌ orrtatsa ñerraꞌmrratheꞌ ñeñthchaꞌ ashatarethtatsa all ñeñthchaꞌ oꞌpatateñet Yompor.

Filipenses 4:1

Ñeñthoꞌmarña, masheñneshachaꞌ ñamha noxhaneshachaꞌ, eꞌñe nemorrenteñothespaꞌ oꞌch notas, xhokmoepaꞌch womenk sephaꞌnem seyoxher Cristokop ñeñth Yepartseshar yepen. Añpaꞌ ateth notenes tharroꞌmar sapaꞌ xhokma neyerpoensa ñamha xhokma sokshatenen attho sapaꞌ eꞌñe kowen sameꞌñena. Nanak nokshensa tharroꞌmar napaꞌ nentenes ateth ñerraꞌmrratheꞌ nekopaꞌ ñeñth oꞌ nagërr eꞌñe nethorreñoth Yomporekop eꞌñe soꞌmar. Atarr nanak nemorrentensa.

1 Tesalonicenses 2:19

Tharroꞌmar sapaꞌ saña ñeñthes atarr yokshateneꞌ. Amaꞌt allempoch werra Yepartseshar Jesucristo sapaꞌ saña ñeñtheschaꞌ atarr yeyemterra, ñeñtheschaꞌ atarr yokshaterreꞌ allempo, tharroꞌmar sapaꞌ ñeñtheschaꞌ yapataterreꞌ ñeñthchaꞌ atarr yokshateneꞌña ya allempo.

1 San Pedro 2:10

Awathpaꞌ ama esonaꞌtareyayye, theꞌñapaꞌ Yomporenaꞌtarey. Awathpaꞌ ama amoeraretheyayye, theꞌñapaꞌ oꞌ yaꞌmoerarethterra.

1 San Pedro 2:25

“Yapaꞌ awathpaꞌ atthey ñerraꞌm carnero. Yaꞌypoꞌñaꞌwyeꞌth ñeñth yekwampeneꞌ.” Tharraña theꞌñapaꞌ oꞌ alla yokthapeꞌcherr eꞌñe kowen, oꞌ yeyemtera Cristo ñeñth yekwampeneꞌ, ñeñthara ñeñth Pamoꞌmteꞌ pen ñamha yekamkëñ.