San Lucas 15:24 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁴ Tharroꞌmar añ nechemer amaꞌt oꞌ rromwañ, theꞌñapaꞌ oꞌ alla tanterra. Amaꞌt oꞌ chenkaꞌwañpaꞌ theꞌñapaꞌ oꞌ alla nenter.” Allempoñapaꞌ atarr nanak koshameꞌtamphsapoeñet.

San Lucas 15:24 Iomraidhean Croise

San Mateo 8:22

Tharraña Jesúspaꞌ ateth otererr: —Acheñeneshaꞌ ñeñth ama yerpaꞌpenaye Yompor, ñetñapaꞌ pampannaꞌtetepaꞌ parro arromñathekmoet. Tharraña phokoppaꞌ ñeñtheph oꞌ peyerpoera Yompor añ poktetsa oꞌch phokthaꞌn atthoch poꞌñoxh eꞌñe neyochreshaꞌ neperreph.

San Marcos 8:22

Allempoña xhaxhaꞌtet anetso Betsaido, allñapaꞌ wapaterrñañeterr aporoꞌyeth, ñeñthpaꞌ ateth otoset Jesús: —Añekopkaꞌye yewapateñña oꞌch phaꞌphllaklleꞌchaph atthoch pekwater.

San Lucas 10:19

Poꞌñoxhkaꞌye napaꞌ atarr awamenkath nephaꞌyesapas. Amaꞌt allowen ñeñth seꞌmoñeꞌtyeneꞌ sañapaꞌ ñeñthekopña nellsensaꞌyesas allochñapaꞌ atthoch eꞌñe saꞌmchechatyeswenaꞌ allowen paꞌnamen, amaꞌt shechpexhno ñamha yellasoxhno, eꞌñe sathmamaꞌteñothpaꞌ eꞌñe saꞌpephtseꞌtatseꞌtweñaꞌ. Allochñapaꞌ amach eñalleterreꞌthe ñeñthchaꞌ semoeroxhtateꞌ amaꞌt pathrra.

San Lucas 15:23

Oꞌch sennanaꞌ ñamha newaksher ñeñth atarr neꞌsoyaꞌtaten oꞌch semtse oꞌch yerrallmeꞌch oꞌch yokshameꞌtamphsapoeña.

San Lucas 15:25

‘Ñewa, poꞌpsheñeñ poechemer ñeñth popoꞌnar ñañapaꞌ paꞌmroꞌtsen allempo xhen poechoyomer. Allempoña err paꞌmroth eꞌñe yaꞌrroterrtsa pokollopaꞌ oꞌ eꞌmwerran koshamhñats all rekërkënet ñamha asheꞌrarañ.

San Lucas 15:32

Ñeñthoꞌmarña theꞌpaꞌ añ poktetsa oꞌch yokshameꞌtamphsapoeña pemoꞌnasheñ, oꞌch atarr nanak yokshena tharroꞌmar amaꞌt oꞌ rromwañ theꞌñapaꞌ oꞌ alla tanterra; amaꞌt oꞌ chenkaꞌwañ theꞌñapaꞌ oꞌ alla yenter.”

San Lucas 15:4

—Sapaꞌ ñerraꞌm eseshas echeneꞌ shonteꞌ secarneror, xharroch xharraꞌ sechen tharraña ñerraꞌm pomokarrña machayotha saꞌchenkachpaꞌ amaꞌt ateth sepeno. Oꞌch sesaꞌnom allowen poꞌpotantañ ñeñth oꞌ noventa nuebhamha all amayo amaꞌt atarr aꞌyopaꞌ oꞌch awes eꞌnerrayaꞌ pomokarr ñeñth chenkëtsa. Allchaꞌ seꞌnameꞌtyeraꞌpaꞌ atthothach senter.

San Lucas 19:10

Na Ñeñthen Acheñetosets ñeñthoꞌmarña nowapa añe patsro oꞌch neꞌnyesos acheñeneshaꞌ ñeñth chenkëtsa ñeñthchaꞌña naꞌkeshphatyesos.

San Lucas 9:60

Tharraña Jesúspaꞌ ateth och: —Acheñeneshaꞌ ñeñth ama yerpaꞌpenaye Yompor, ñetñapaꞌ pampannaꞌtetepaꞌ parro arromñathekmoet. Tharraña phokoppaꞌ ñeñtheph oꞌ peyerpoera Yompor añ poktetsa oꞌch awyeseph serrpareꞌtyeseꞌ Yompor poꞌkowenña ñeñth attho atarr ayochreshathtena ña.

San Juan 11:25

Jesúsñapaꞌ ateth otererr: —Napaꞌ na ñeñthen eꞌñe poꞌñoxh atantatañen, napaꞌ ñeñthen alloch eꞌñe sokrrena. Erraꞌtsenchaꞌ nameꞌñenaya na amaꞌtchaꞌ rromoenetañpaꞌ ñetpaꞌ ellochña alla korrerret.

San Juan 5:21

Ñewa, yeñoteñ Apapaꞌ tantaterran arromñatheneshaꞌpaꞌ apoerranet allochña ñetpaꞌ korretsetach. Napaꞌxhoꞌña eꞌñekaꞌye ateth nepenaña namha ñeñthen Poechemeren. Ñerraꞌm erraꞌtsenchaꞌ nemnaꞌ na oꞌch napanet allochña ñetpaꞌ korretsetach atethchaꞌkaꞌye napoerranet.

Romanos 11:15

Tharroꞌmar ñeñth attho Yomporpaꞌ awoꞌt aꞌypoꞌñan judioneshaꞌ, ñeñthpaꞌ añekop atthoch amoꞌtsterrana poꞌpoñexhno acheñeneshaꞌ arr patsro ñeñth ama judioneshayaye. Ñamha yapaꞌ yeñoteñ ñerraꞌm esempowañen allempoch judioneshaꞌpaꞌ oꞌch alla ameꞌñaꞌweret Yompor, atthochña oꞌch alla agërranet; ñetña allempopaꞌ xhach otterret ñerraꞌmrratheꞌ rromoth oꞌ tantwerret.

Romanos 12:15

Ñamha ñerraꞌm esempo eseshaꞌ atarr koshetsa, sapaꞌxhoꞌña sokshapretanetepaꞌch. Ñamha ñerraꞌm esempo eseshaꞌ yawetsa poellkëñoth, sapaꞌxhoꞌña sellkapretanetepaꞌch.

Romanos 6:11

Yapaꞌxhoꞌña atthekmoepaꞌch yentena yamha yañeña. Eꞌñe yerromapreteñoth Cristo Jesúspaꞌ oꞌch yaꞌypoꞌñerr yoꞌchñar ñeñthoꞌmarña amach errothenoth alla tarwasaterryerro yoꞌchñar. Ñamha theꞌpaꞌ eꞌñe yeparrokmateñoth Yepartseshar Cristopaꞌ oꞌch yokrraprecha eꞌñe kowen Yomporekop.

Romanos 6:13

Amach semnatatsche sechets oꞌch aña thorrena ñeñth ama kowenayeꞌ enteno Yompor. Añchaꞌña oꞌch sapwer Yompor sechets allochñapaꞌ ñachña thorratenaya añekop ñeñth eꞌñe kowen enten ña. Ñatoꞌ oꞌch yetmaꞌntacha ateth ñerraꞌmrratheꞌ xho yerromoen tharraña theꞌpaꞌ oꞌch alla yokrrerra kowen Yomporekop.

Romanos 8:2

Tharroꞌmar theꞌpaꞌ ateth ñerraꞌm napaꞌ eꞌñe neparrokmateñoth Cristopaꞌ añña Parets Poekamkëñpaꞌ ñeñthña womenk nepeneꞌ neyoxhro, allochña napaꞌ korretsanach thayotheñ amaꞌt ñamha errponowañen. Atthothña oꞌ aꞌwañamperren attho noꞌchñarpaꞌ ñeñtha womenk nephayeꞌth neyoxhro, ñeñthchaꞌ nanmayeñ rromoeñtso, ñeñthara koñcheñets.

1 Corintios 12:26

Ñeñthoꞌmarña ñerraꞌm esempo patherr yechetspaꞌ atserrtena allowen yechetspaꞌxhoꞌ oꞌch atsotapretannenet. Ñamha ñerraꞌm patherr yechetspaꞌ oꞌch orrta eꞌñe kowen allowen yechetspaꞌxhoꞌ oꞌch koshapretannenet. Atthekma yepena yamha ñeñthey ameꞌñaꞌyenaya Cristo. Eꞌñe yeparrokmatannaꞌteñoth ñerraꞌm poesheñarr yamoꞌts xha llekëna ñeñth parro yameꞌñenapaꞌ alloweney ñeñthey ameꞌñetsapaꞌ oꞌch yellkapretannena. Amapaꞌ ñerraꞌm poesheñarrotheypaꞌ nanak yokshenapaꞌ alloweneypaꞌxhoꞌña oꞌch yokshapretannena.

Efesios 2:1

Amaꞌt ateth ñerraꞌm sa: sapaꞌxhoꞌña awathpaꞌ aña sokthapeꞌchyeseꞌth ñeñth ama kowenayeꞌ enteno Yompor.

Efesios 2:5

Ñatoꞌ oꞌch netmaꞌntacha ateth ñerraꞌm oꞌ yerroma yoꞌchñaroth tharraña Yomporpaꞌ oꞌ alla tantaterrey. Ñewa, allempo tantaterran Poechemer Cristopaꞌ yaꞌnaña tantaterr tharroꞌmar eꞌñe yeparrokmaten epay Cristo. Ñamha attho xhapaterran Poꞌcristor poeꞌntaño allchaꞌ atarr kosheñtsoꞌtsen, yaꞌnaña oꞌ xhapaterr allchaꞌ atarr kosheñtsoꞌtseney yamha tharroꞌmar eꞌñe yeparrokmaten epay Poꞌcristor. Oꞌch netmaꞌntacha ateth ñerraꞌmrratheꞌ oꞌ yexhap Yompor poeꞌntaño allchaꞌ yekowentapretera Cristo.

Efesios 5:14

Ñeñthoꞌmarña sokoppaꞌ ateth axhotenes añ ñoñets: Phapaꞌ ñeñtheph ateth phatseꞌtyetsa eꞌñe attheph ñerraꞌm xha atarr rroma pemoen. Theꞌñapaꞌ oꞌch peꞌmanerra oꞌch petanterra attho rroma pemoen. Cristopaꞌ ñach phaꞌpoetarsamperreꞌ.

Colosenses 2:13

Awath sapaꞌ soꞌchñarothña ama es sokthapeꞌchperraꞌ seyoxhro amaꞌt eꞌñe mamesha ñeñth kowentetsa Yomporekop. Eꞌñe ateth sepeꞌth ñerraꞌm poꞌpoñ acheñ ñeñth ama Yomporenaꞌtareyaye. Ñeñthoꞌmarña sapaꞌ xha sotteꞌth ñerraꞌmrratheꞌ sekamkëñpaꞌ xha rromoen. Tharraña theꞌña Yomporpaꞌ oꞌ apoerres atthoch sapaꞌxhoꞌña korretsasach eꞌñe ateth pena Cristo, tharroꞌmar ñapaꞌ oꞌ peretnaꞌwerrnas allowen soꞌchñar.

1 Timoteo 5:6

Tharraña erraꞌtsen rrethorrnaneshar ñeñth attha koshatseꞌtyetsapaꞌ xhach ottena ñerraꞌmrratheꞌ oꞌ rroma, amaꞌt allempo korrenmeñ.

San Judas 1:12

Ñeñthña ashkañneshaꞌpaꞌ sapaꞌ ñeñthña sepenknaꞌntateneꞌ allempo sapxhena oꞌch serratallmeꞌchannena ñeñthes ameꞌñenaya Yompor. Sapaꞌ serratallmeꞌchannena eꞌñe semorrentannaꞌteñoth, tharraña ñetpaꞌ atthach nanak rratseꞌtyenet amach ayetñathteneto amach kowaꞌpeñetoña ñamha poꞌpsheñeñ ñeñth cheporretsa ñeñth moenets oꞌch rraꞌ ñamha. Ñetpaꞌ eꞌñe ateth penetañ ñerraꞌmrratheꞌ ñeñth kowampenayeñ carnero ñeñthchaꞌ rratenayeñ tharraña amachña carneroyeꞌña rrateno, ñeñthapaꞌ ñañeñetach atarr rretset. Ñetpaꞌ ama es sherbeneto eꞌñe attha penet ateth ñerraꞌmrratheꞌ os ñeñth ama watetso atthach matateñ mhorr. Ñamha eꞌñe atthet ñerraꞌmrratheꞌ narmetsoch ñeñth ama ameꞌtño, amaꞌtchaꞌ xhen poemeꞌteñporopaꞌ amach meꞌteno. Ñamha ñeñthña narmetsocherpaꞌ eꞌñech ateth pena ñerraꞌmrratheꞌ rromoech oꞌch yaꞌmare ora poerxhowenpaꞌ oꞌch eꞌñe poetsowa oꞌch wañ. Ñeñthña amaꞌt mameshapaꞌ amach es sherberrye.

El Apocalipsis 3:1

Allempoña ñeñth neserrpareꞌtateneꞌ ñapaꞌ alla oterrnerr: —Theꞌpaꞌ oꞌch pekellkërrerr carta añekop ñeñth kowampeneꞌ ñeñth ameꞌñetsa all anetso Sardis, oꞌch photanet ateth: “Napaꞌ oꞌch nekellkonas carta atthoch neñotatas ñeñth ateth otenes Jesucristo ñeñth eꞌñe chorratena Yompor Poekamkëñ kanxherr ñeñthara kanxherr ñeñth sherbhaꞌyets. Ñetpaꞌ poꞌpoñeꞌttsokma sherbenet. Ñamha ñeñthara Cristo ñeñth orreneꞌ kanxherr ranto. Ñapaꞌ theꞌpaꞌ ateth otenes: ‘Napaꞌ neñotwennas ora allpon ñeñth sephaꞌyen. Ñamha neñotwennas attho sa acheñeneshaꞌpaꞌ ateth entensetañ ñerraꞌmrratheꞌ eꞌñe kowen sokrrena Yomporekop. Tharraña ñeñthpaꞌ ama attheyeꞌ sepeno xhaña sottena ñerraꞌmrratheꞌ xho serromoen, amaña es sesherbenoña Yomporekop.