San Lucas 15:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Añña fariseoneshaꞌ ñamha ñeñth atarr etsotayenayeñ ñoñets ñeñth ateth anareth judioneshakop, ñetñapaꞌ amaꞌt mameshapaꞌ ama pokteyeꞌ enteñeto. Ñetñapaꞌ attha sasareꞌteñet Jesúspaꞌ ñeñthpaꞌ ateth otannaꞌtyenet: —Añ acheñer amaꞌt ñeñth atarr ochñatheneshaꞌpaꞌ esoꞌmartheꞌña eꞌñe kowen agapyenanet, ñamha alla rrallmeꞌchapreteñet.

San Lucas 15:2 Iomraidhean Croise

San Mateo 9:11

Añña fariseoneshaꞌ ñeñth alloꞌtsaꞌyen ñetña allempo ateth eñchetpaꞌ allentha otoñet poeyochreshaꞌ: —Esoꞌmareꞌtña ñeñth semaestror sepenpaꞌ rrallmeꞌchapretenanña añ acheñeneshar ñeñth poeshkëñotheꞌna cobraꞌyeneꞌ acheñeneshaꞌ ñamha epoet acheñeneshaꞌ ñeñth atarr ochñatheneshaxhno.

San Lucas 15:3

Ñeñthoꞌmar Jesúspaꞌ alla tomaꞌntaterraneterr; ñeñthpaꞌ ateth oterraneterr:

San Lucas 19:7

Allempoña acheñeneshaꞌ ateth eñchet, ñetñapaꞌ amaꞌt mameshapaꞌ ama pokteyeꞌ es entaye. Ñetpaꞌ ateth otannaꞌtyeset: —Esoꞌmarchaꞌkaꞌyeña beꞌthososña Jesús allchaꞌ mos añ acheñer paꞌpakllo ñeñth atarr nanak ochñath.

San Lucas 5:30

Fariseoneshaꞌ ñamha ñeñth atarr etsotayenayeñ ñoñets ñeñth ateth anareth, ñetñapaꞌ sasareꞌteññañet Jesús poeyochreshaꞌ. Attheñapaꞌ otarethtet: —Taꞌm, esoꞌmartheꞌña serrallmeꞌchapreteñña añ acheñeneshar ñeñth poeshkëñotheꞌna cobraꞌyeneꞌ acheñeneshaꞌ aton kelle ñamha epas acheñeneshaꞌ ñeñth atarr ochñatheneshaxhno.

San Lucas 7:39

Añña fariseo ñeñth waꞌñeneꞌ Jesús, ñañapaꞌ eñchpaꞌ ateth ot poeyoxhro: Tharraña añ yakma ñerraꞌm poꞌñoxh ñeñth aꞌmhtenayeñ Yompor poꞌñoñpaꞌ eñotapaneñchaꞌña añ koyaneshaꞌ ñeñth aꞌphlleneꞌpaꞌ atarr ekañoreshath, amach moenacheñe oꞌch aꞌphllosñañ amaꞌt paꞌtka.

Los Hechos 11:3

Oꞌ cheꞌptareꞌchet Pedro, ateth ochet: —Esoꞌmareꞌtña petaña alloꞌtsen ñeñth ama judioneshayaye, amaꞌt allpaꞌ oꞌtheꞌ xha perrallmeꞌchapretosanet.

Gálatas 2:12

allempo eꞌñe errteꞌ xhets masheñ Pedro Antioquíopaꞌ ñapaꞌ allentha rrallmeꞌchapretosan ñeñth ama judioneshayaye. Tharraña allempoña xhaxhaꞌt ñamha poesheñaꞌtets ñeñth wetsa masheñ Jacoboeshothpaꞌ allempoña masheñ Pedropaꞌ oꞌwañ rrallmeꞌchapretan ñeñth ama judioneshayaye, tharroꞌmar ñapaꞌ añ mechaꞌten ñeñth kotheneꞌ judioneshaꞌ pokthaphña. Ñeñthoꞌmarña eꞌñe allempopaꞌ oꞌwañ rrallmeꞌchapretanet, ñamha oꞌwañ yemtanet.

1 Timoteo 1:15

Ñeñthoꞌmar theꞌpaꞌ oꞌ neñoter añepaꞌtña ñoñets ñeñth eꞌñe poꞌñoxh: Cristo Jesúspaꞌ añekopña wapa añ patso atthoch aꞌkeshphatosan allowen ochñatheneshaꞌ. Ñeñthoꞌmarña theꞌ napaꞌ neñotena, allowen ñeñth ochñatheneshaꞌpaꞌ na ello metanaꞌtwenawet poꞌchñaret. Ñeñthoꞌmar theꞌpaꞌ aña poktetsa oꞌch yameꞌñaꞌwerra ñeñthara añ ñoñets.