San Lucas 15:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ Attheñapaꞌ machayotha xhapoña poeyoxhro, ateth ot: “Apa paꞌtarwasañer amaꞌt shontetpaꞌ echyenet poerrar, ello poechareꞌtyena. Naña arrpaꞌ oꞌ nerromoerrmoch nachporrñoth.

San Lucas 15:17 Iomraidhean Croise

San Lucas 15:16

Ña paꞌchporrñothpaꞌ atarr moeneñ oꞌch rrapretosan chañcho poerrar atthoch yetosa. Amaꞌt chañchopaꞌ paꞌtalleꞌtsa poerrar pen ñapaꞌxhoꞌña ñeñthaña atarr moenen oꞌch rros tharraña amaꞌt chañcho ama eseshayeꞌ apoenaye poerrar ñeñthchaꞌ rraꞌ.

San Lucas 16:23

Ñañapaꞌ alla xhap koñchaꞌpoetso ñeñth oꞌpatenaya ñeñth rromoets ñeñth ama ameꞌñetso. Allñapaꞌ atarr moeroxhtosa all koñchosa. Attheñapaꞌ kowaꞌ enonethpaꞌ allothña entosan Abraham allapharoꞌtsen ento. Allñapaꞌ alloꞌtsen epoet Lázaro.

San Lucas 8:35

Acheñeneshaꞌñapaꞌ allentha awanmoet awoꞌch enteñetaꞌ. Oꞌ xhaxhaꞌtet Jesúseshopaꞌ allñapaꞌ entoset yakma ñeñth chorreꞌth oneñeth. Alla anen allameꞌtets Jesús paꞌtkoth ashtamath. Oꞌ eñoterra oꞌ kowenterra. Ñetñapaꞌ xha atarr mechaꞌnaꞌtoset.

Los Hechos 12:11

Allempoñapaꞌ xhapoña Pedro poeyoxhro, ateth ot: —Poꞌñoxhepaꞌt ama xhoyeꞌ nexhopoꞌteñe. Yomporepaꞌt moeñeneꞌ poꞌmhllañotheñer atthoch aꞌkeshphaten. Theꞌpaꞌ Herodespaꞌ amach erroth phaꞌno. Judioneshaꞌpaꞌxhoꞌña eꞌñe orrena oꞌpatenna.

Los Hechos 2:37

Allempoñapaꞌ ñeñth matrraꞌtatsa allpaꞌ oꞌ xhapanet poeyoxhro añ ñoñets. Nanak llekanrrortet. Ateth ochet Pedro ñamha poꞌpotantañexhno Jesús poellsensar. Eꞌñe poellkëñothet ateth otet: —Masheñneshachaꞌ, errothenwachkaꞌye yeperraña theꞌ.

Efesios 5:14

Ñeñthoꞌmarña sokoppaꞌ ateth axhotenes añ ñoñets: Phapaꞌ ñeñtheph ateth phatseꞌtyetsa eꞌñe attheph ñerraꞌm xha atarr rroma pemoen. Theꞌñapaꞌ oꞌch peꞌmanerra oꞌch petanterra attho rroma pemoen. Cristopaꞌ ñach phaꞌpoetarsamperreꞌ.