San Lucas 15:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Ña paꞌchporrñothpaꞌ atarr moeneñ oꞌch rrapretosan chañcho poerrar atthoch yetosa. Amaꞌt chañchopaꞌ paꞌtalleꞌtsa poerrar pen ñapaꞌxhoꞌña ñeñthaña atarr moenen oꞌch rros tharraña amaꞌt chañcho ama eseshayeꞌ apoenaye poerrar ñeñthchaꞌ rraꞌ.

San Lucas 15:16 Iomraidhean Croise

San Mateo 7:6

Jesúspaꞌ ateth oterraneterr poꞌpoñ: —Ñeñth ama kexhpoenaye pachmhareñ ñamha pathpareñ amach alla seserrpareꞌtaterraneteꞌthe Parets poꞌkowenña. Tharroꞌmar ñetpaꞌ attha penet ñerraꞌmrratheꞌ ochek. Ñewa, ochek ñerraꞌm esempo amaꞌtchaꞌ atarr kowen yaphpaꞌ yaꞌnach rremaꞌpes xhach axhotaꞌteypaꞌ oꞌch shetsay. Ñamha amaꞌt ateth ñerraꞌm chañcho ñerraꞌm esempo es yenaꞌ ñesho amaꞌtchaꞌ atarr kowen yenten ya, yeser, chañchoñapaꞌ atthach athmamaꞌtamphsey tharroꞌmar chañchopaꞌ ama esoyeꞌ entenano amaꞌt ñeñth atarr kowen.

San Lucas 15:15

Allempoña ñapaꞌ oꞌ awoꞌ alloꞌtsen aneꞌtañ all eꞌnyenan tarwas. Aneꞌtaññapaꞌ aña aph poꞌtarwas oꞌch awyesos aꞌyeneth allchaꞌ kowampesyesoñ poꞌchañchor.

San Lucas 15:17

Attheñapaꞌ machayotha xhapoña poeyoxhro, ateth ot: “Apa paꞌtarwasañer amaꞌt shontetpaꞌ echyenet poerrar, ello poechareꞌtyena. Naña arrpaꞌ oꞌ nerromoerrmoch nachporrñoth.