San Lucas 15:13 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹³ Eꞌñe allponmatatsa ñeñthña poechoyomer penpaꞌ oꞌ eꞌñe pomwawanman ora allowen ñeñth allpon aph pompor allo agapan shonteꞌ kelle atthoch ta bhaxhayo poꞌpoñ anetso. Allempoña xhap bhaxhayopaꞌ allñapaꞌ sosyaꞌtsañexhna ateth phaꞌyesos. Atthoña amaꞌt shonteꞌ poꞌkhllayor ñeñth anem oꞌ eꞌñe aꞌgastaꞌwawe eꞌñe pottatseꞌteñoth.

San Lucas 15:13 Iomraidhean Croise

San Lucas 15:12

Ñeñthña poechoyomer penpaꞌ ateth otan pompor: “Apachaꞌ ñeñth ora allpon pechen theꞌ napaꞌ nemneñ oꞌch phapoen eꞌñe thayekma ñeñth allpon phoꞌpatatenna.” Allempoña pompor ora ñeñth allpon echyenpaꞌ oꞌ apaꞌyesan epsheñoꞌmar poechemereshaꞌ ñeñth allpon oꞌpatatyenanet eꞌñe poesheñaꞌttset.

San Lucas 15:14

Oꞌ eꞌñe aꞌgastaꞌwan ora poꞌkhllayorpaꞌ allempoña allpaꞌ oꞌ orrta moexheñets all ñeñthe anetsro. Ñañapaꞌ oꞌwañ errayeꞌ entan poerrar ñeñthchaꞌ rren.

San Lucas 15:30

Theꞌña oꞌ wena ñeñth pechemermaꞌth pepen amaꞌt ora oꞌ aꞌgastaꞌwonaph pekhllayor eꞌñe poekañoreshaꞌteñoth, theꞌña phapaꞌ oꞌ pemtsatapoeñ becer ñeñth yeꞌsoyaꞌtaten.”

San Lucas 16:1

Elloña Jesúspaꞌ alla tomaꞌntaterranerr poeyochreshaꞌ, ñeñthpaꞌ ateth serrpareꞌtaterraneterr: —Eñall yakma poesheñarr ñeñth atarr ekhllayoreth. Ñapaꞌ echenan paꞌcheñer ñeñth poꞌtarwas peneꞌ oꞌch kowamphsan ora allpon ñeñth echyen pamoꞌmteꞌ. Ñamha ñach kellkëneꞌ poꞌpotantañ ñeñth allpon tebhaꞌyeññañet pamoꞌmteꞌ. Attheña allempoña poesheñaꞌtets acheñeneshaꞌpaꞌ aꞌmethampeñetaꞌ pamoꞌmtayesho, ateth otoñet pamoꞌmteꞌ: “Oꞌkaꞌye attha aꞌchenkatatsreꞌtaphña ñeñth penen ñeñthchaꞌ pekwamphsatsreꞌteneꞌ.”

San Lucas 16:19

Elloña Jesúspaꞌ ateth serrpareꞌtatanet: —Eñall poesheñarr ñeñth atarr ekhllayoreth ñeñth chorrenaya shetamoets atarr koxhneshareꞌ ñeñth atarr kowen apomotyesareth. Epayeꞌ koshatseꞌtatyeñ ñeñth allpon echyen. Eꞌñe poksheñothpaꞌ eꞌñe ellapeneꞌth rrallmeꞌchats.

Efesios 2:13

Tharraña theꞌ sapaꞌ oꞌ señoter Cristo Jesús ñeñth rromats ñamha sokpaꞌna. Ashatarethta poꞌrras amaꞌt samha soꞌchñarekpaꞌna. Ñeñthoꞌmarña yoten eꞌñe poꞌrrasoth atthoña oꞌ xhapaterres samha Yomporesho amaꞌt sa ñeñthes awath atarr allapharoꞌtsaꞌyenes Yomporeshoth.

Efesios 2:17

Ñeñthoꞌmarña Cristopaꞌ wapa. Ñach yeserrpareꞌtatoseꞌ kowen ñoñets attho ñapaꞌ ña amoꞌtstannaꞌtatañtetsa. Atthekma serrpareꞌtatosey alloweney, amaꞌt sa ñeñthes ama judioneshayayso ñeñthes atarr allapharoꞌtsaꞌyenes ateth entyenesña Yompor. Atthekma serrpareꞌtatosey amaꞌt yamha ñeñthey judioneshay ñeñthey eꞌñe allameꞌttsa entyeney Yompor.

2 San Pedro 2:13

Tharroꞌmar atthoch atsaꞌtatwarethterret allowen poꞌchñaret. Tharroꞌmar eꞌñech ellapeneteꞌth koshatseꞌtatset ñeñth ama pokteyaye. Amaꞌt attho rrallmeꞌchapretasetpaꞌ nanakchaꞌ penkatenset tharroꞌmar ñetpaꞌ nanak sosyareꞌ es penet. Eꞌñech poksheñeshaꞌ moeneñet oꞌch shekaset.