San Lucas 15:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Theꞌpaꞌ oꞌch noterrserr, elloña atarrchaꞌ nanak koshateret Yompor poꞌmhllañotheñreneshowen ñerraꞌm esempo amaꞌt poesheñarra acheñ ñeñth atarr ochñathpaꞌ oꞌch kothapeꞌcherret ello eꞌñe kowen Yomporekop.

San Lucas 15:10 Iomraidhean Croise

San Mateo 10:32

‘Elloña napaꞌ oꞌch noterrserr: Allowen amaꞌt erraꞌtsenchaꞌ ñeñthchaꞌ ama naꞌnasotenaye acheñeneshesho, napaꞌxhoꞌña Ñeñthen Acheñetosetspaꞌ amach naꞌnasotwerraneto namha Nomporesho all poeꞌntaño.

San Mateo 18:10

Jesúspaꞌ alla oterranerr poeyochreshaꞌ: —Eꞌñech señota, añepaꞌchña atarr asherben senten ñeñth ama ommoꞌchetso ñeñth ateth petsa ñerraꞌm cheshatholl ñeñthñapaꞌ eꞌñech poeñmañeshaꞌ yemtenna. Tharroꞌmarña theꞌpaꞌ oꞌch notas, ñeñth ama pommoꞌcheñotheyeꞌ nameꞌñenayo ñokpoetpaꞌ eñalletkaꞌyeña poꞌmhllañotheñer ñeñthchaꞌ kowampenawet. Ñeñthña poꞌmhllañotheñretpaꞌ xhokma Yomporeshoꞌtsenet allña eꞌñe kowen eꞌmhñotenanetña Yompor poeꞌntaño.

San Mateo 18:14

Atethkaꞌye penaña ñamha Sompor ñeñth poeꞌntañoꞌtsen; ñapaꞌxhoꞌña amakaꞌ moeno oꞌch chenka amaꞌt poesheñarrotholla acheñ.

San Lucas 12:8

Elloña napaꞌ oꞌch noterrserr, allowen amaꞌt erraꞌtsenchaꞌ ñeñthchaꞌ ama naꞌnasotenaye acheñeneshesho, napaꞌxhoꞌña Ñeñthen Acheñetosetspaꞌ amach naꞌnasotwerraneto namha Nomporesho alloꞌtsaꞌyen epoet poꞌmhllañotheñnaneshar.

San Lucas 12:9

Tharraña ñerraꞌm eseshaꞌ naꞌnasotenaya na arr patsro acheñeneshesho, napaꞌxhoꞌña naꞌnasoterranetchaꞌ Nomporesho alloꞌtsaꞌyen epoet poꞌmhllañotheñnaneshar.

San Lucas 13:5

Tharraña napaꞌ oꞌch notas: Amaꞌt allowenes samha ñerraꞌm amach eꞌñe kowen sokthapeꞌcherro ello Yomporekop, sapaꞌxhoꞌña atthekmach seperra sechenkaꞌwerrach eꞌñe poktakma.

San Lucas 15:11

Elloña Jesúspaꞌ alla tomaꞌntaterraneterr, ñeñthpaꞌ ateth oterraneterr: —Eñall poesheñarr acheñ echenan epsheña poechemer.

San Lucas 15:7

Ñeñthoꞌmarña theꞌpaꞌ notenes: Yamoꞌmteꞌ ñeñth poeꞌtañoꞌtsen atthekmach atarr nanak kosherrana amaꞌt poesheñarra acheñ ñeñth atarr ochñath ñerraꞌm esempoch oꞌch kothapeꞌcherret ello eꞌñe kowen ñokop. Elloch metanaꞌtwerran ñeñth attho koshenana poꞌpotantañ ñeñth shonteꞌ ñeñth eꞌñe pokteꞌ es phaꞌyenet ñokop amaꞌt ñetpaꞌ shontet ateth ñerraꞌm noventa nueve carnero ñamha ñetpaꞌ amaꞌt ama pallteneto oꞌch kothapeꞌcherret ello kowen.

San Lucas 15:9

Oꞌchña enterpaꞌ allempoñapaꞌ oꞌch agotan pamoꞌtseshaꞌ eꞌñe pakmaneshocheꞌ, atethchaꞌ otanet: “Theꞌpaꞌ oꞌch sokshapreterrna ñeñth poetallarr nekhllayor ñeñth naꞌchenkat, theꞌpaꞌ oꞌ nenter.”

San Lucas 7:47

Atthoña theꞌpaꞌ atarr orrtatosnan ñeñth attho morrentosna. Napaꞌ neñoteññañ amaꞌt shonteꞌ poꞌchñar theꞌñapaꞌ oꞌ eꞌñe aphretnaꞌwarethta. Tharraña poꞌpsheñeñ amaꞌt ama tama ochñatheyaye atthoña aphretnaꞌwarethta poꞌchñarpaꞌ ñañapaꞌ ama eꞌñeyeꞌ morrentapanoña ñeñth oꞌ peretnerrñañ poꞌchñar.

Los Hechos 11:18

Ñeñtha otwapaꞌ allempoñapaꞌ alla momaꞌwet allowenet. Allempoñapaꞌ oꞌ ayeꞌchoxhtatoñet Yompor, ateth otet: —Amaꞌt poꞌpoñ acheñ ñeñth ama judioneshayaye Yomporpaꞌ moeneñ oꞌch kothapeꞌcherret ello kowen alloch ñetpaꞌxhoꞌña korretsetach poksheñeshokmañen eꞌñe thayotheñ errponañowen. Allowa ñeñth ateth pha Pedro ñamha Cornelio.

Los Hechos 5:19

Tharraña amaꞌt abeꞌtharethtetpaꞌ tsapoñapaꞌ oꞌ wapanet Yompor poꞌmhllañotheñer ñeñth wetsa poeꞌntañoth oꞌ toramperranet, oꞌ xhapaterranet aꞌyenethpaꞌ ateth otanet:

2 Corintios 7:10

Tharroꞌmar ñerraꞌm esempo ateth yenteñ Yomporña ateth yellkateneꞌ ñeñthpaꞌ eꞌñech pokteꞌ yenteñ tharroꞌmar ñeñthpaꞌ alloch yokthapeꞌcherr kowen ñokop, allochñapaꞌ atthochña yekeshperra. Tharraña attho yellkëna arr patsro, ama Yomporekpayeꞌ yellkëno ñeñthpaꞌ ñeñthña alloꞌna aneney rromoeñtso, allchaꞌ yechenkërra poktakma.

Filemón 1:15

Ñamha oꞌch notaph ñatoꞌ tharrekpatheꞌ yetamphsapha mameꞌ atthoch eꞌñe parrokmaterreph eꞌñe thayotheñ errponañowen.

Hebreos 1:14

Yeñoteñ allowen mellañotheñnaneshaꞌpaꞌ añekpa allsensarethtenet ateth ñerraꞌm Yompor Poekamkëñ, ñetchaꞌ sherbenet Yompor. Atthochña ñetchaꞌ yenpoenet allowen ñeñthchaꞌ aꞌkeshphatarethterrtsa.