San Lucas 14:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Allempoña ñeñth awaꞌñarethneshaꞌ ñetñapaꞌ aña atarr moenenet oꞌch anorryesoset allekma anen ñeñth atarr amhchaꞌnaꞌtpoꞌ entyenet. Jesúsñapaꞌ entapanet ñeñth ateth moenenet ñet oꞌch xha ommoꞌchyesoset. Allempoñapaꞌ ateth otapanet:

San Lucas 14:7 Iomraidhean Croise

San Mateo 13:34

Ora allpon ñeñth ateth yexhatenan Jesús acheñeneshaꞌ, ñeñthpaꞌ attho es tomaꞌntatyenanet. Allempopaꞌ ama serrpareꞌtataneto eꞌñe attha, xhokmaña serrpareꞌtatenanet tomaꞌnteñtso.

San Mateo 23:6

Ñamha ñetpaꞌ ñerraꞌm xho rrallmeꞌchapretenetpaꞌ añakaꞌye atarr moenenet oꞌch anorrxhaꞌtyenet allekma anorryen ñeñth atarr amhchaꞌnaꞌtpoꞌ entyen allowen acheñeneshaꞌ. Ñamha ñetpaꞌ eꞌñe atthekma penet amaꞌt all judioneshaꞌ poꞌprawo.

San Lucas 11:43

‘Atarr llekëñtsoꞌtsaꞌyenes sa ñeñthes fariseoneshas tharroꞌmar sapaꞌ eꞌñe sommoꞌcheñoth atarr semneñ allowen acheñeneshaꞌpaꞌ oꞌch eꞌñe kowen entenset. Ñeñthoꞌmarña sapaꞌ aña atarr semnen oꞌch sanorrxhaꞌtyen judioneshaꞌ poꞌprawo allekma anorryen ñeñth atarr amhchaꞌnaꞌtpoꞌ enten allowen acheñeneshaꞌ. Ñamha sapaꞌ aña atarr semnen allowen acheñeneshaꞌpaꞌ oꞌch womhchaꞌtenset poemhchaꞌnañoth ñerraꞌm esempo sechopeñeꞌchen thoñoꞌmar allekma chopeñeꞌchyen allowen acheñeneshaꞌ.

San Lucas 20:46

—Amach semeñeꞌtapretatsche ommoñatheneshaꞌ pokthaphña ñeñthareta ñeñthet atarr etsotayenayeñ ñoñets ñeñth ateth anareth. Tharroꞌmar ñetpaꞌ añeꞌnaña atarr kowen entenet oꞌch chorrenet atarrom shetamoets oꞌch attha yormaꞌtatseꞌtenet paꞌshtam. Ñamha pommoꞌcheñothetpaꞌ atarrchaꞌ moeneñet oꞌch eꞌñe poemhchaꞌnaꞌteñoth eꞌñech kowen womhchaꞌtenanet acheñeneshaꞌ all chopeñeꞌchyenet. Ñamha ñetpaꞌ añeꞌnach atarr moenenet oꞌch anorrxhaꞌtyenet judioneshaꞌ poꞌprawo allekma anorryen ñeñth atarr amhchaꞌnaꞌtpoꞌ entyen allowen acheñeneshaꞌ ñamha eꞌñe atthekma penet ñamha all rrallmeꞌchapretenet.

Filipenses 2:3

Ñamha amach aña atarr sellkatsto ñeñth eꞌñe sokpa. Añchaꞌña poesheñaꞌttsospaꞌ sellkapreta ñeñth llekatyeneꞌ samoꞌts. Ñamha amach sañeña entatstatso ateth ñerraꞌmrratheꞌ ñeñthes nanak sherbets. Añchaꞌña ateth sent samoꞌts ateth ñerraꞌmrratheꞌ ñetña nanak sherbetset, phañapaꞌ amach es asherbenayeꞌ penteno.

3 San Juan 1:9

Oꞌch noterrperr poꞌpoñ. Oꞌ nekellkaꞌwa carta allowenakop ñeñth apxhetsa all phaꞌnetsro. Oꞌ notwanet ora allpon ateth notwaph arr necartoth, tharraña Diótrefespaꞌ xha achmhareꞌtey. Ñapaꞌ eꞌñe pommoꞌcheñoth eꞌñe ñañeñapaꞌ aña moenen oꞌch pomnaren phaꞌyenan acheñeneshaꞌ ñeñth oꞌ ameꞌñerrana Yompor, ñeñthoꞌmarña ama eꞌmhñotenye.