San Lucas 14:32 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³² Allempoña oꞌch ateth kothapeꞌchwapaꞌ ñerraꞌm ama erroth apenayeꞌ eñchepaꞌ allempo ama aponmarethtenetaꞌ ñañapaꞌ oꞌch moeñan allponsheña ñeñthchaꞌ ateth otosawet: “Yapaꞌ añekop yen oꞌch yaꞌpoktaterr ñoñets eꞌñe kowen eꞌñe attha, amach yekhllarannaꞌtatsto.”

San Lucas 14:32 Iomraidhean Croise

San Mateo 5:25

‘Ñamha ñerraꞌm esempo eseshaꞌ setmanteneꞌ oꞌch anmaset amhchaꞌtarethesho allchaꞌ saꞌpoktaterraꞌ señoñ, sañapaꞌ eꞌñech allorokma samoꞌtstera ñeñth seꞌmoñeꞌteneꞌ thayepaꞌtñapaꞌ ama sexhenaꞌ amhchaꞌtarethesho. Xhosachña amoꞌtsterraya ñeñth setmanteneꞌ theꞌt atthoth pomataterrset amhchaꞌtarethesho ñañapaꞌ oꞌch pomoensaꞌ guardiyesho ñeñthchaꞌ seyottamphseꞌ.

San Mateo 5:42

Ñamha ñerraꞌm eseshaꞌ es senamoeneꞌ, sañapaꞌ sapepaꞌch. Ñamha ñerraꞌm eseshaꞌch senamoeneꞌ oꞌch es sarchapaꞌ sañapaꞌ sarchepaꞌch.

San Lucas 12:58

Ñatoꞌ oꞌch netmaꞌntatasa ateth ñerraꞌmrratheꞌ eseshaꞌ setmanteneꞌ ñeñthchaꞌ sanmoeꞌ amhchaꞌtarethesho allchaꞌ saꞌpoktaterr señoñ. Añ poktetsa allempo ama sexhenaꞌ amhchaꞌtarethesho oꞌch phoch ñeñth petmanteneꞌ: “Oꞌch yaꞌpoktaterr yeñoñ eꞌñe kowen thayekma thayepaꞌtña ama yexhenaꞌ amhchaꞌtarethesho.” Tharroꞌmar ñeñth petmanteneꞌ ñerraꞌm oꞌch xhapataph amhchaꞌtarethesho, amhchaꞌtarethñapaꞌ xhatheꞌ pomaph policeyaneshesho, ñetñapaꞌ xhatheꞌ abeꞌthapet cárcelo allchaꞌ moeroxhtaterrpet.

San Lucas 14:31

Ñeñthara kothaphñatser oꞌch alla netmaꞌntacha poꞌpoñoneth. Ateth ñerraꞌmrratheꞌ poesheñarr amhchaꞌtareth ñerraꞌm añ kothapeꞌchen oꞌch kellaratan poꞌsolltarer epoet poꞌpsheñeñ amhchaꞌtareth poꞌsolltarer xhoch ñanom anorr allchaꞌ eꞌñe kowen kothapeꞌch. Allempopaꞌ atethchaꞌ ot: “Napaꞌ eꞌñekaꞌ xharraꞌ mila nechen nesolltarer; poꞌpsheñeñña amhchaꞌtarethpaꞌ echenan poꞌsolltarer epoch xharraꞌ mil. Taꞌm, pokteꞌtheꞌ oꞌch nemñe xharraꞌ mil nesolltarer ñeñthchaꞌ poktapoeꞌ epoch xharraꞌ mil solltarneshaꞌ ñeñthchaꞌ yewapoya. Taꞌmkaꞌye aꞌmchechatwettheꞌkaꞌye —shonteꞌ.”

San Lucas 14:33

Ñeñthoꞌmar notenes, ñerraꞌm eseshas ama eꞌñe pokteyeꞌ senteñe oꞌch seswanom ora ñeñth allpon sechen, nañapaꞌ amach errothenoth neyochreshaꞌ neperrso.

San Lucas 19:14

Tharraña patantarr acheñeneshaꞌ ñeñth paꞌnyoꞌmarneshaꞌ, ñetñapaꞌ atarr eꞌmoñeꞌteñet. Ñeñthoꞌmar allempo ta ñeñth anetsro, ñetñapaꞌ moeñet allponsheña ñeñthchaꞌ eñososets all sen oꞌch oteñetaꞌ alloꞌmarneshaꞌ: “Yapaꞌ ama yemno oꞌch seneꞌ añ acheñer oꞌch amhchaꞌtarethta yokop.”

Los Hechos 12:20

Allempoña Herodesñapaꞌ nanak eꞌmoñeꞌtenan tiroꞌmarneshaꞌ ñamha sidónoꞌmarneshaꞌ. Ñeñthoꞌmarña oꞌwañ apanet rreñets ñeñth nanak palltenet paꞌnyeto. Ñeñthoꞌmarña ñetpaꞌ moeneñet oꞌch alla amoꞌtsteret Herodes atthoch oꞌch alla apoerranet ñeñth palltenet. Ñeñthoꞌmarña waxhaꞌta shonteꞌ tiroꞌmarneshaꞌ ñamha sidónoꞌmarneshaꞌ oꞌch enteñetaꞌ Herodes. Añña Herodes paꞌtarwasañer añ paꞌsoꞌcheñ Blastopaꞌ eꞌñe kowen entapanet. Ñañapaꞌ oꞌ aꞌpoktatanet atthoch ñetpaꞌ serrpareꞌtet epoet amhchaꞌtareth.