San Lucas 14:24 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁴ Poꞌñoxh theꞌ napaꞌ oꞌch notas, ñeñth ñanom newaꞌñatyeseñpaꞌ ñetña theꞌñapaꞌ amaꞌt eꞌñe poesheñarrothetapaꞌ amach rrallmeꞌchapreterrneto atthoch kosherret nesho.”

San Lucas 14:24 Iomraidhean Croise

San Mateo 21:43

Ñeñthoꞌmarña sa ñeñthes judioneshaspaꞌ theꞌña Yomporpaꞌ poerratamperreschaꞌ poꞌkowenña ñeñth attho ayochreshathtena ña. Añchaꞌña apoerr elloneth poꞌpotantañ acheñeneshaꞌ ñeñth ama judioneshayaye ñeñthchaꞌ poꞌñoxh orrtaterreꞌ eꞌñe ña poꞌkowenña attho atarr ayochreshathtena ña.

San Mateo 22:8

Allothña amhchaꞌtarethpaꞌ ateth oterranerr poꞌpotantañ paꞌtarwasañreneshaꞌ: “Rreñtsoxhnoña poꞌñoxhpaꞌ epayeꞌkaꞌye. Tharraña ñeñthña awaꞌñarethpaꞌ ñetpaꞌ amakaꞌye kowenayeꞌ nentenaneto.

San Lucas 14:23

Pamoꞌmteꞌñapaꞌ ateth otererr: “Theꞌpaꞌ oꞌch alla awerrperr allampañoꞌmar all shonteꞌ thoñexhno allekma chopeñeꞌchyen acheñeneshaꞌ. Allñapaꞌ atarrchaꞌ photareꞌtyes acheñeneshaꞌ onetepaꞌ arr nepakllo atthoch eꞌñe chorra acheñeneshaꞌ arr nepakllo.

San Lucas 14:25

All oñemyen Jesúspaꞌ shonteꞌ acheñeneshaꞌ kothaꞌwaneneꞌ. Ñañapaꞌ kowaꞌnmanet alleneth shontenetpaꞌ ateth otnomanet:

San Juan 3:19

Ñañapaꞌ oꞌ wapa arr patsro atthoch yexhatosey ñeñth eꞌñe kowen enten Yompor, atthoña aꞌpoetarsamphsosnay yokthaphña. Tharraña shonteꞌ acheñeneshaꞌ ñetñapaꞌ ama moeneto oꞌch aꞌpoetarsamphsarethtet pokthaphñet. Ñetpaꞌ aña moenenet chekmeteꞌ tharroꞌmar amakaꞌye masosyayeꞌ kothapeꞌchyeneto. Ñeñthoꞌmarña ñetpaꞌ atthothchaꞌña amñarethterret koñcheñtso.

San Juan 3:36

Eseshaꞌch ameꞌñenaya Yompor Poechemer ñetpaꞌ korretsetach poksheñeshokmañen thayotheñ amaꞌt errponañowen. Añña ñeñth athpareꞌteneꞌ Yompor Poechemer ñetpaꞌ amach enterreto ñeñth korreñtsor. Ñetñapaꞌ xhachkaꞌye koñchaterranet Yompor.

San Juan 8:21

Allempoña Jesúspaꞌ ateth oterraneterr: —Napaꞌ oꞌch awerren, sapaꞌ seꞌnerrenchaꞌ. Sapaꞌ orach ochñarethes serromwa. Allchaꞌ neserrpaꞌ sañapaꞌ amach sexhapo.

San Juan 8:24

Napaꞌ oꞌ notas sapaꞌ orach ochñarethes serromwa tharroꞌmar ñerraꞌm amach sameꞌñerrno na ñeñthen peretneneꞌ ochñarets, poꞌñoxh sapaꞌ orach ochñarethes serromwa.

Los Hechos 13:46

Tharraña ama mechaꞌto Pablo ñamha Bernabé. Oꞌ serrpareꞌtet womenk, ateth otet: —Añ poktetsa oꞌch yeserrpareꞌtatas sanom Yompor poꞌñoñ, tharroꞌmar sapaꞌ judioneshas. Tharraña ñerraꞌm sapaꞌ ama semno, ñerraꞌm ama pokteyeꞌ señche atthoch sapaꞌ korretsasach eꞌñe thayotheñ errponañowen, amach erroth yephaso. Theꞌpaꞌ añach yeserrpareꞌtat ñeñth ama judioneshayaye.