San Lucas 14:18 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁸ Tharraña ñeñth awaꞌñarethexhnopaꞌ ñetñapaꞌ ama eseshaꞌ tatso. Ñewa, ñeñth ñanom poesheñarrpaꞌ ateth ot: “Napaꞌ theꞌpaꞌ oꞌkaꞌye nerañtha pats, oꞌchkaꞌye awen oꞌch nekwaꞌyeñaꞌ. Photwerchaꞌ phamoꞌmteꞌ peretnerrnepaꞌ, napaꞌ amachkaꞌye neto.”

San Lucas 14:18 Iomraidhean Croise

San Lucas 14:17

Oꞌña xhap allempo eꞌñe aꞌpotatwan rreñetspaꞌ ñañapaꞌ moeñan paꞌtarwasañer ñeñthchaꞌ waꞌñaꞌyenayaꞌ allowen acheñeneshaꞌ ñeñth otarethtatsa awaña. Ñeñthña paꞌtarwasañerpaꞌ ateth otosan acheñeneshaꞌ: —Theꞌpaꞌ oꞌkaꞌye eꞌñe aꞌpotarethetwaña rreñets sonaxhaꞌt oꞌch serrallmeꞌchapretenaꞌ.

San Lucas 14:19

Poꞌpsheñeñpaꞌxhoꞌña ateth ot: “Napaꞌxhoꞌña oꞌkaꞌye nerañtha xharrana toro poꞌyuntowen eꞌñe epnaꞌttsokma; oꞌchkaꞌye awen oꞌch netpach tarwasateꞌ. Photwerchaꞌ phamoꞌmteꞌ peretnerrnepaꞌ, napaꞌ amachkaꞌye neto.”

San Lucas 18:24

Jesúsña eñch ñeñth ateth atarr llekapaꞌ ñañapaꞌ poellkapreteñothpaꞌ ateth ot: —Ñeñth atarr ekhllayorethpaꞌ atarr nanak echarr atthoch agapoñet Yompor poꞌkowenña ñeñth attho ayochreshathtena ña.

San Lucas 8:14

Ñamha poerets ñeñth xhapyesets ajmoꞌmar, ñeñthpaꞌ añ netmaꞌntatena poꞌpotantañ acheñeneshaꞌ ñeñth eꞌmhñotenayeñ Yompor poꞌñoñ. Amaꞌtchaꞌ xhapanetañ mameꞌ poeyoxhreto, tharraña ñetpaꞌ alloꞌnach senet aña atarr kothapeꞌchenet ñeñth llekaꞌyenet arr patsro ñeñth eꞌñe ñokpoeta. Añach moenenet oꞌch esokmañen es echyenet atthoch allo eꞌñe koshaꞌyenet. Atthoña ñetpaꞌ amach errothenoth orrtatoñeto ñeñth atarr sherbets Yomporekop. Ñetpaꞌ eꞌñe attheta ñerraꞌm narmets ñeñth xha kaꞌmatwerr ajmaꞌ amach errothenoth ellomhreꞌtyeseto.

San Juan 1:11

Amaꞌt arr xhapañ eꞌñe ña pamoꞌtseshesho, pamoꞌtseshaꞌñapaꞌ arepaꞌtchaꞌ kowenayeꞌ agapapeto.

San Juan 5:40

Sañapaꞌ amaña semnoña oꞌch sameꞌñerrna atthochña eꞌñe sokrrerrañ.

Filipenses 3:4

Ñewa, ñerraꞌm eseshaꞌ ñetpaꞌ xhatheꞌ otenapoetañ añtheꞌ poktetsa oꞌch yeyemtena ñeñth allo es yepenañ alloch yekeshperra eꞌñe yothothapaꞌ nokoppaꞌxhoꞌ eñalleñ shonteꞌ ñeñth neyemtenañ, tharroꞌmar ñeñth allpon oꞌ netsotatwenpaꞌ ello metanaꞌtwenan allowen poꞌpsheññexhno namoꞌtseshaxhno poetsotateñ.

2 Timoteo 4:10

Tharroꞌmar arr masheñ Demaspaꞌ oꞌ aꞌypoꞌñaꞌnerren arr napoeth, ñapaꞌ oꞌ awerr Tesalónico, tharroꞌmar ñapaꞌ aña nanak morrentena ñeñth patsoꞌmarekpa. Añpaꞌxhoꞌña masheñ Crescentepaꞌ oꞌ awoꞌ ñamha Galacio. Ñamha masheñ Titopaꞌ oꞌ awoꞌ anetso Dalmacio.

2 Timoteo 4:4

Allempopaꞌ amach eseshaꞌ moenerraye oꞌch eꞌmhñotet kothaphñats ñeñth eꞌñe poꞌñoxh. Attheñapaꞌ oꞌch aña eꞌñe kothapeꞌcherret ñeñth eꞌñe ñet poeserrparñet.

Hebreos 12:16

Ñamha señotannaꞌtnomoepaꞌch ñatoꞌtña eseshaꞌ chetenayaꞌña ñeñth ama poethaporeyaye. Amapaꞌ ñatoꞌtña attha es sepxhampenaꞌña ñamha ñeñth atarr sherbets Partsokop, ñeñth ateth pha awath Esaú. Ñapaꞌ eꞌñe paꞌchporrñotha pomwan ñeñth anareth ñokop Partseshoth. Ñeñthpaꞌ ñeñth oꞌpatacha pompor ñeñth metanaꞌtweneꞌ ñeñthchaꞌ allpon apaꞌnman poꞌpoñ poechemereshaꞌ tharroꞌmar ñapaꞌ ñeñth eꞌñe poꞌmother pen pompor. Tharraña Esaúpaꞌ ama esoyeꞌ enteñe ñeñth anareth ñokop Partseshoth ñeñthoꞌmar eꞌñe pomwan ñeñth oꞌpatacha pompor amaꞌt eꞌñe parrocha rrachet.