San Lucas 14:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Allempoña xherrerr pamtharr allempo amesenet. Jesúsñapaꞌ awoꞌ allchaꞌ rrallmeꞌchapretenanaꞌ poesheñarr fariseo ñeñth atarr amhchaꞌtarethtetsa. Xhap all paꞌpakllopaꞌ poꞌpotantañña fariseoneshaꞌ ñetñapaꞌ atarr kowanaꞌtyesapet Jesús.

San Lucas 14:1 Iomraidhean Croise

San Mateo 12:12

Ñewa, acheñpaꞌ ellokaꞌye metanenanña ñeñth attho sherben carnero. Ñeñthoꞌmarña napaꞌ notenes eꞌñe pokteꞌ oꞌch ateth yepha ñeñth kowentetsa amaꞌt añe yethro allempokma yamesen.

San Marcos 3:2

Fariseoneshaꞌña allpaꞌ Jesúsa atarr kowanaꞌtyenet atthoch eñchet ñatoꞌrraña aꞌkrratenanerrchaꞌ acheñ añe yethro allempokma amesenet. Ñerraꞌm oꞌch aꞌkrratenanerr amaꞌt poesheñarra añe yethro allempo amesenet, allempoñapaꞌ eshekchaꞌ aꞌmethampeñetaꞌ amhchaꞌtarethesho.

San Lucas 11:37

Oꞌ serrpareꞌtatwanet Jesúspaꞌ poesheñarrña fariseoneshaꞌpaꞌ waꞌñaꞌnerran Jesús oꞌch rrallmeꞌchapreteñaꞌ paꞌpakllo. Allempo xhap Jesús allpaꞌ beꞌthosos anorros allchaꞌ rrallmeꞌchapretosan ñeñth waꞌñeneꞌ.

San Lucas 14:2

Allñapaꞌ alloꞌtsen poesheñarr yakma ñeñth xha ananen.

San Lucas 17:20

Parrochña fariseoneshaꞌpaꞌ aꞌphthoꞌchet Jesús: —¿Esempoꞌtchaꞌ orrterraña Yompor poꞌkowenña allempoch atarr amhchaꞌtarethterra ña? Jesúsñapaꞌ ateth otanet: —Yompor poꞌkowenña attho ayochreshathtena ñapaꞌ ñeñthpaꞌ ama attheyaye ñerraꞌmrratheꞌ ñeñth es yentyen yeklloyoth.

San Lucas 20:20

Tharraña ñetpaꞌ aña atarr eꞌnenet atthoch amaꞌt parrochapaꞌ oꞌch eñorachet ñeñth ama pokteyaye amaꞌt ñamha gobiernokop, allochñapaꞌ atthoch rremoet oꞌch pomoeñetaꞌ amhchaꞌtarethesho ñeñth nen gobiernoꞌ Romoth ñeñth amhchaꞌtarethtetsa alloꞌmarekop. Attheña ñetñapaꞌ eꞌñe aꞌnawa moeñet allponsheña acheñ Jesúsesho ñeñth ottetsañ ñerraꞌmrratheꞌ atarr kowen acheñ, tharraña ñetpaꞌ añekpa amñarethtet atthoch eꞌñe poeshkëñoth poꞌñoñothetpaꞌ oꞌch eñorachet ñeñth ama kowenayaye.

San Lucas 6:7

Acheñeneshaꞌña ñeñth atarr etsotayenayeñ ñoñets ñeñth ateth anareth epoet ñamha fariseoneshaꞌ ñetña allpaꞌ Jesúsa atarr kowanaꞌtyenet atthoch enteñeterr ñatoꞌrraña oꞌch aꞌkrratenanerr acheñ añe yethro allempokma amesenet. Ñerraꞌm oꞌch aꞌkrratenanerr amaꞌt poesheñarra acheñ añe yethro allempo amesenet, allempoñapaꞌ eshekchaꞌ aꞌmethampeñetaꞌ amhchaꞌtarethesho.

San Juan 3:1

Allempopaꞌ eñall poesheñarr yakma ñeñth fariseo ñeñth sochetsa Nicodemo. Ñeñthñapaꞌ poesheñarr ñeñth amhchaꞌtarethtetsa judioneshakop.

Los Hechos 5:34

Allempoñapaꞌ añña poesheñarr fariseo ñeñth eꞌñe parro aꞌpoktatyeneꞌ ñoñetspaꞌ oꞌ thomos atthoch eños. Ñeñth thomosetspaꞌ añ paꞌsoꞌcheñ Gamaliel, ñapaꞌ ña ñeñth yexhatets ñoñets ñeñth ateth anareth, tharroꞌmar ñeñth poꞌtarwas pen. Ña allowen acheñeneshaꞌpaꞌ eꞌñe kowen enteñet. Gamalielñapaꞌ oꞌ moeñatwerran allsensarethneshaꞌ mameꞌ aꞌyeneth.