San Lucas 13:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Ñamha ñeñth xharraꞌ ñeñth poechetsa posoksheña ñeñth kollaꞌwatsa awaña ñeñth aꞌtpetseꞌt pokoll torrepoꞌ allempo mataꞌnerr Jerusaléño eꞌñe all oteñet Siloé. Ñewa, sapaꞌ xhatheꞌ sotenapañ ñeñth aꞌkllaterr torrepaꞌ ñetpaꞌ atarrtheꞌ athparñathet ellotheꞌ metanaꞌtweñet allowen poꞌpotantañ ñeñth attho athpareꞌtena jerusaléñoꞌmarneshaꞌ.

San Lucas 13:4 Iomraidhean Croise

San Mateo 18:24

Allempoña all eꞌñe aꞌpoktatyesanetpaꞌ allñapaꞌ wapatoñet poesheñarr paꞌcheñer ñeñth tebeneꞌ patoner kelle ñeñth allpon tebenpaꞌ ñeñth oteñet shonteꞌ millones.

San Mateo 6:12

Pephretnaꞌwonayepaꞌch Nompore allowen yoꞌchñar ñeñth ama pokteyeꞌ pentapretenye attho Nompore yapaꞌxhoꞌña yephretnannena ñerraꞌm esempo erroth yephannena.

San Lucas 11:4

Pephretnaꞌwonayepaꞌch Nompore allowen yoꞌchñar ñeñth ama pokteyeꞌ pentapretenye, attho Nompore yapaꞌxhoꞌña yephretnannena ñerraꞌm esempo erroth yephannena. Ñamha amach Nompore pemnatatsche sosyaꞌtañ oꞌch atarr topateney. Añchaꞌña xhoch Nompore phaꞌypoꞌñataterrey allowen sosyaꞌtsañexhno.

San Lucas 13:3

Tharraña napaꞌ oꞌch notas: Amaꞌt allowenes samha ñerraꞌm amach eꞌñe kowen sokthapeꞌcherro ello Yomporekop, sapaꞌxhoꞌña atthekmach seperra sechenkaꞌwerrach eꞌñe poktakma.

San Lucas 13:5

Tharraña napaꞌ oꞌch notas: Amaꞌt allowenes samha ñerraꞌm amach eꞌñe kowen sokthapeꞌcherro ello Yomporekop, sapaꞌxhoꞌña atthekmach seperra sechenkaꞌwerrach eꞌñe poktakma.

San Juan 9:11

Ñañapaꞌ ateth oterraneterr: —Añ yakmar ñeñth otenet Jesús ñakaꞌye aꞌxhaxhaꞌteꞌña paꞌsnomo patspaꞌ allokaꞌyeña aꞌyaklleꞌchen. Allempoñapaꞌ oten nepaklleꞌchenepaꞌtoꞌ oño Siloéso. Nañapaꞌ allña neꞌpaklleꞌchenaꞌ. Eꞌñe eꞌpaklleꞌchwatsanpaꞌ allenthepaꞌtchaꞌ nekwerr.

San Juan 9:7

Oꞌña aꞌyaklleꞌchwepaꞌ ateth och: —Theꞌpaꞌ orraph oño all apkoꞌsathtataretho ñeñthpaꞌ añ paꞌsoꞌcheñ Siloés. Allchaꞌ peꞌpaklleꞌcha. (Ñewa, añkaꞌye otenetña Siloés ñeñth oñ awaꞌñareth.) Ñañapaꞌ allentha awoꞌ oño allchaꞌ eꞌpaklleꞌchenaꞌ. Eꞌpaklleꞌchwatsapaꞌ eꞌñe errtsapaꞌ allenthepaꞌtchaꞌ kowenterraña paꞌklleꞌ eꞌñe kowen enterra.

Los Hechos 28:4

Acheñeneshaꞌ ñeñth yexhetsa allpaꞌ eñchet Pablo xha aꞌsopeꞌcheñ shecheph potothpaꞌ ateth otannaꞌtyeset: —Añ acheñpaꞌ amtsañtheꞌkaꞌye ñeñthoꞌmar theꞌpaꞌ amaꞌt oꞌ keshphaꞌwa saꞌpothpaꞌ theꞌña Yomporpaꞌ oꞌch tsaꞌtacha.