San Lucas 13:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Tharraña napaꞌ oꞌch notas: Amaꞌt allowenes samha ñerraꞌm amach eꞌñe kowen sokthapeꞌcherro ello Yomporekop, sapaꞌxhoꞌña atthekmach seperra sechenkaꞌwerrach eꞌñe poktakma.

San Lucas 13:3 Iomraidhean Croise

San Mateo 22:7

Amhchaꞌtarethñapaꞌ ñeñthña atarr atsrreꞌmateꞌ. Allempoñapaꞌ oꞌ moeñan ñamha poꞌsolltar-reneshaꞌ ñeñthchaꞌ aꞌkllatenayaꞌ ñeñth amtsañexhno, ñeñthchaꞌ aꞌpoyatatwenayaꞌ ñamha paꞌnetser.

San Mateo 3:2

Allñapaꞌ ateth otosanet: —Theꞌpaꞌ oꞌch sokthapeꞌcherr ello kowen Yomporekop tharroꞌmar oꞌ xhapmoch allempoch ayochreshathterra Yompor ñeñth poeꞌntañoꞌtsen.

San Lucas 13:2

Jesúsñapaꞌ ateth otanet: —Sapaꞌ xhatheꞌ sotenapañ ñeñth galileoꞌmarneshaꞌ allempo ateth apharethtet ñatoꞌ ñetpaꞌ atarrtheꞌ nanak ochñathet ellotheꞌ metanaꞌtweñet allowen poꞌpotantañ galileoꞌmarneshaꞌ poꞌchñaret. Xhatheꞌ sotenapañ ñeñthoꞌmartheꞌña ateth apharethtet ñeñth atarr sosey apenkoxhen.

San Lucas 13:4

Ñamha ñeñth xharraꞌ ñeñth poechetsa posoksheña ñeñth kollaꞌwatsa awaña ñeñth aꞌtpetseꞌt pokoll torrepoꞌ allempo mataꞌnerr Jerusaléño eꞌñe all oteñet Siloé. Ñewa, sapaꞌ xhatheꞌ sotenapañ ñeñth aꞌkllaterr torrepaꞌ ñetpaꞌ atarrtheꞌ athparñathet ellotheꞌ metanaꞌtweñet allowen poꞌpotantañ ñeñth attho athpareꞌtena jerusaléñoꞌmarneshaꞌ.

San Lucas 13:5

Tharraña napaꞌ oꞌch notas: Amaꞌt allowenes samha ñerraꞌm amach eꞌñe kowen sokthapeꞌcherro ello Yomporekop, sapaꞌxhoꞌña atthekmach seperra sechenkaꞌwerrach eꞌñe poktakma.

San Lucas 24:47

Atthochña serrpareꞌteret Cristo eꞌñe Jerusaléñotheñ errapharen ora allemeñ allowanen acheñenesheshoꞌmar. Atthothchaꞌña acheñeneshaꞌpaꞌ oꞌch kothapeꞌcherret ello eꞌñe kowen Yomporekop allochñapaꞌ atthochña oꞌch eꞌñe aphretnaꞌwarethterret allowenet poꞌchñaret.

Los Hechos 3:19

Ñeñthoꞌmarña theꞌpaꞌ añ poktetsa eꞌñe sa sellkëñothpaꞌ oꞌch sokthapeꞌcherr ello kowen Yomporekop. Oꞌch seswanom ñeñth awathotheñ sokthaphña. Atthothchaꞌ Yomporpaꞌ eꞌshowerrnaschaꞌ soꞌchñar.