San Lucas 13:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ Acheñeneshaꞌ allowen ñeñth eꞌmoñeꞌteneꞌ ñetpaꞌ ñeñthña atarr penkatawet. Poꞌpotantañña acheñeneshaxhnopaꞌ ñetñapaꞌ atarr nanak koshenet. Atarr nanak kowen entenet ñeñth ateth pha Jesús.

San Lucas 13:17 Iomraidhean Croise

San Lucas 14:6

Ñetñapaꞌ ama errothenayeꞌ otenayeꞌ enteñeto amaꞌt eꞌñe poesheñarrotha.

San Lucas 18:43

Eꞌñepaꞌtchaꞌ allorokma eꞌñe kowen enterra. Eꞌñe kowerrtsapaꞌ xha kothaꞌnmoeꞌ ñamha Jesús, allentha atarr ayeꞌchoxhtatnoman Yompor all kothaꞌnenan Jesús. Atthoꞌ enteñ allowen acheñeneshaꞌ ñetpaꞌxhoꞌña eꞌñe kowen ayeꞌchoxhtatneññañet Yompor.

San Lucas 19:48

Tharraña ñetpaꞌ ama erroth peto tharroꞌmar allowen acheñeneshaꞌpaꞌ atarr yemteññañet Jesús attho atarr kowen serrpareꞌtatenanet Yompor poꞌñoñ. Ñetpaꞌ ñeñthña atarr kowen entyenet.

San Lucas 20:40

Ñeñthoꞌmar allempotheñpaꞌ amaꞌt poesheñarrothetapaꞌ ama eseshayeꞌ aꞌphthoꞌtenayeꞌ enterraye.

Los Hechos 4:21

Allempoñapaꞌ attha cheꞌptareꞌtwapoenanet poꞌpocheño, allothñapaꞌ aꞌrroyarethtenet. Amhchaꞌtarethneshaꞌpaꞌ amaꞌt moeneñetañ oꞌch castiganetañpaꞌ tharraña ama errotheno, tharroꞌmar allowen acheñeneshaꞌpaꞌ eꞌñe pokteꞌ enteñet. Acheñeneshaꞌpaꞌ nanak ayeꞌchoxhtatoñet Yompor añekop ñeñth oꞌ entwet attho Yompor orrtatanet poꞌpartsoña.

2 Timoteo 3:9

Tharraña ñet pokthaphñetpaꞌ amach allowenakmayeꞌ anetsoꞌmar epoerro tharroꞌmar esempopaꞌ ñatoꞌ allowen acheñeneshaꞌpaꞌ oꞌch eñotwet ñeñth ateth otatseꞌtyenetpaꞌ ñeñthpaꞌ shekëñtsa. Ñatoꞌ atethchaꞌ pha ateth pha awath epsheña yakma ñeñth moenatseñ oꞌch epatareꞌtaneñ Moisés.

Tito 2:8

Tharroꞌmar eꞌñe peyxhateñoth Yompor poꞌñoñ ñeñth eꞌñe paxharrpaꞌ amach errothenoth amaꞌt eseshapaꞌ oto añpaꞌ ama attheyaye. Ñamha amaꞌt ñeñth peꞌmoñeꞌtyeneꞌ ñerraꞌm eꞌñe peyxhateñoth eꞌñe kowenpaꞌ allempoña ñetpaꞌ oꞌch penkët, tharroꞌmar eꞌñe peyxhateñoth kowen paxharr. Allempoña ñetpaꞌ amach errothenoth alla sasareꞌterrpeterro.

1 San Pedro 3:16

Xhokmach eꞌñe señmañeshaꞌ seyoxhro eꞌñech kowenareꞌ es sepen. Allochñapaꞌ ñerraꞌm amaꞌt esempo sasareꞌtenyetpaꞌ ñeñthña attho eꞌñe pokteꞌ es yephaꞌyen Cristokoppaꞌ ñeñthpaꞌ ñeñthchaꞌña penkatawet.