San Lucas 12:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ Tharraña ñerraꞌm eseshaꞌ naꞌnasotenaya na arr patsro acheñeneshesho, napaꞌxhoꞌña naꞌnasoterranetchaꞌ Nomporesho alloꞌtsaꞌyen epoet poꞌmhllañotheñnaneshar.

San Lucas 12:9 Iomraidhean Croise

San Mateo 10:33

Tharraña ñerraꞌm eseshaꞌ naꞌnasotenaya na arr patsro acheñeneshesho, napaꞌxhoꞌña naꞌnasoterranetchaꞌ Nomporesho all poeꞌntaño.

San Mateo 25:12

Ñañapaꞌ ateth otapoerranet: “Theꞌ napaꞌ oꞌch notapoerres, sa amakaꞌye poꞌñoxhayeꞌ seyemtenno.”

San Mateo 25:31

Allempoch nowerra na Ñeñthen Acheñetosets, nowerrach eꞌñe nepartsoteñowen epan allowen nemhllañotheñnaneshar. Allempopaꞌ nanorrwerrchaꞌ nekonaño allchaꞌña eꞌñe nepartsotwerr eꞌñe nekowenteñeshaꞌ.

San Mateo 25:41

‘Allempoña ñeñth neꞌchkotherontheꞌtsenpaꞌ atethchaꞌ noterranet: “Sapaꞌ orrerres arroth, sapaꞌ aña soꞌpatenaya ñeñth atarr yoroxhen. Theꞌñapaꞌ orras all worten tsoꞌ errapharen ñeñth ama amayaño amaꞌt errponaña. Ñeñthña tsorpaꞌ añ oꞌpatateñet oneñeth eꞌñe poeyochreshowen.

San Mateo 7:23

Naña allempopaꞌ naꞌmethaꞌwerranetchaꞌ, notyerranetchaꞌ: “Amaꞌt awathapaꞌ ama nentarso, ama neyochreshayayso. Theꞌpaꞌ orrerres, sapaꞌ aña setsoten ñeñth ama kowenayeꞌ nenteno.”

San Marcos 8:38

Tharraña ñerraꞌm erraꞌtsenchaꞌ nepenkënaya na theꞌ, neñoñpaꞌxhoꞌña xha apenkoxhen entennanet, napaꞌxhoꞌña nepenkaꞌwerranetchaꞌ esempoch nowerra. Shonteꞌ acheñeneshaꞌ ñeñth korraꞌyetsa theꞌ arr patsro ñetñapaꞌ atarr ochñatheneshet tharroꞌmar ñetpaꞌ poꞌpoña poꞌyomporer phaꞌyenet. Tharraña ñerraꞌm eseshaꞌch poepenkëñothetan na amach aꞌmethenneto all, ñeñthña acheñerpaꞌ napaꞌxhoꞌña xhach nepenkaꞌwera ñerraꞌm esempoch nowerra. Poꞌñoxh napaꞌ Ñeñthen Acheñetosetspaꞌ nowerrach eꞌñe Nompor poꞌkowenñoth epan ñamha poꞌmhllañotheñnaneshar ñeñth eꞌñe thorraꞌyetsa Partsokop.

San Lucas 15:10

Theꞌpaꞌ oꞌch noterrserr, elloña atarrchaꞌ nanak koshateret Yompor poꞌmhllañotheñreneshowen ñerraꞌm esempo amaꞌt poesheñarra acheñ ñeñth atarr ochñathpaꞌ oꞌch kothapeꞌcherret ello eꞌñe kowen Yomporekop.

San Lucas 22:57

Tharraña Pedroña xha aꞌnasochapaꞌ ateth otanña koyaneshaꞌ: —Napaꞌ amakaꞌye nentare.

San Lucas 9:26

Tharraña ñerraꞌm erraꞌtsenchaꞌ nepenkënaya na theꞌ neñoñpaꞌxhoꞌña xha apenkoxhen entennanet, napaꞌxhoꞌña nepenkaꞌwerranetchaꞌ esempoch nowerra. Poꞌñoxh napaꞌ Ñeñthen Acheñetosets nowerrach eꞌñe na nekowenñoth, ñeñthara Nompor poꞌkowenña epan ñamha poꞌmhllañotheñnaneshar ñeñth eꞌñe thorraꞌyetsa Partsokop.

2 Timoteo 2:12

Ñamha ñerraꞌm xho yemoeroxhtaprecha Cristopaꞌ yaꞌmhchaꞌtarethtapreterach esempowañen. Tharraña ñerraꞌm xha yaꞌnasoteñapaꞌ, ñapaꞌxhoꞌña aꞌnasoterryach esempowañen.

1 San Juan 2:23

Allowen ñeñth aꞌnasotenaya Yompor Poechemer, ñetpaꞌ Pomporeꞌnaña ama agëññañeto. Tharraña allowen ñeñth otets, Jesúspaꞌ Yomporo Poechemer ñeñth Cristotets, ñetñapaꞌ eꞌñe agëññañet Pompor.

1 San Juan 2:28

Theꞌña nechemerneshachaꞌ alloꞌnepaꞌch sesen parrokmatenaya Cristo allochñapaꞌ ñerraꞌm esempoch werra ñapaꞌ ñachña eꞌñe seyemtapoerra atthoch sapaꞌ amach xha sepenkapoero ñerraꞌm esempoch werra.

El Apocalipsis 3:8

Cristopaꞌ theꞌpaꞌ ateth otenes sa: ‘Napaꞌ eꞌñe neñotwennas ñeñth ateth kowen es sephaꞌyen. Amaꞌt ama tama awamenkatheso Yomporekop, tharraña amaꞌt koñeꞌtha sewamenk sepen xhokma sameꞌñennana neñoñ ñamha xhokma saꞌmethen attho sameꞌñenna ama saꞌnasotenno. Ñeñthoꞌmar napaꞌ oꞌch netoramphsonas allchaꞌ saꞌpothennan neñoñ, ñamha amaꞌt eseshapaꞌ amach errothenoth alla yottamperrnaso.