San Lucas 12:58 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵⁸ Ñatoꞌ oꞌch netmaꞌntatasa ateth ñerraꞌmrratheꞌ eseshaꞌ setmanteneꞌ ñeñthchaꞌ sanmoeꞌ amhchaꞌtarethesho allchaꞌ saꞌpoktaterr señoñ. Añ poktetsa allempo ama sexhenaꞌ amhchaꞌtarethesho oꞌch phoch ñeñth petmanteneꞌ: “Oꞌch yaꞌpoktaterr yeñoñ eꞌñe kowen thayekma thayepaꞌtña ama yexhenaꞌ amhchaꞌtarethesho.” Tharroꞌmar ñeñth petmanteneꞌ ñerraꞌm oꞌch xhapataph amhchaꞌtarethesho, amhchaꞌtarethñapaꞌ xhatheꞌ pomaph policeyaneshesho, ñetñapaꞌ xhatheꞌ abeꞌthapet cárcelo allchaꞌ moeroxhtaterrpet.

San Lucas 12:58 Iomraidhean Croise

San Mateo 18:30

Ñañapaꞌ amaꞌt mameshapaꞌ ama pokteyeꞌ eñche, ñeñthapaꞌ anemh allchaꞌ yottamphsach. Allñapaꞌ allach esempowach eꞌñe tsaꞌtwerra ñeñth allpon teben.

2 Corintios 6:2

Ñewa, ñeñthpaꞌ ateth oteney Yompor poꞌñon ñeñth anwareth awathotheñ, ñeñthpaꞌ Yompor ateth otets: Allempo sexhoreꞌtenen napaꞌ eꞌñe neꞌmhñotenes ñeñth ateth sotenen, tharroꞌmar allempopaꞌ oꞌ xhap ñeñth poktetsa oꞌch sagërren. Nañapaꞌ oꞌch nagërres samha. Atthoña napaꞌ awoꞌt neyenpas tharroꞌmar allempopaꞌ oꞌ xhap ñeñth poktetsa atthoch naꞌkeshphaterres. Ñeñthoꞌmarña na theꞌpaꞌ oꞌch notas, oꞌ eꞌñe xhap allempo ñeñth poktetsa oꞌch sagër Yompor, tharroꞌmar theꞌpaꞌ oꞌ xhap allempoch aꞌkeshphaterrey.

1 San Pedro 3:19

Eꞌñe poekamkëñothpaꞌ arr awoꞌ alloꞌtsaꞌyen awathnaneshañ poekamkëñneshaꞌ ñeñth alla ayottamphsareth, ñeñth ama xhaꞌnetso. Ñaña poekamkëñ allñapaꞌ serrpareꞌtatosanet.

2 San Pedro 1:15

Allochñapaꞌ amach nemnatenso oꞌch sepoeswer amaꞌt errponaña. Amaꞌt allempoch oꞌ nerromoenpaꞌ sapaꞌ alloꞌnach seyerpoerra ñeñth ateth oꞌ notwanmas.

San Judas 1:3

Theꞌpaꞌ oꞌch notas, masheñneshachaꞌ ñamha noxhaneshachaꞌ napaꞌ atarr nemneñ oꞌtheꞌ nekellkonas atthoch neñotatas ñeñth eꞌñe errothenothchaꞌña aꞌkeshphatarethey eꞌñe alloweney ñeñthey ameꞌñenaya Jesucristo. Tharraña theꞌpaꞌ añ nenten ñeñth atarr palltetsa oꞌch notas, nankëpaꞌch semaꞌyoxhra añ ñeñth attho yameꞌñena atthochña eꞌñech kowen semoñena, atthoch amach semnateñe amaꞌt poesheñarra oꞌch aꞌpoꞌpoñetonaset ñeñth ateth yameꞌñeña Jesucristo.

El Apocalipsis 20:7

Allempoch metwa añ mil charpaꞌ allempochña aꞌrroyeret oneñeth all ayottamphsarethtena mil charowa.