San Lucas 12:53 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵³ Ñatoꞌ eꞌñe noꞌmarpaꞌ oꞌch ellopaꞌtetstatenet pokthaphña. Ñatoꞌ pompor oꞌch epatareꞌtenan poechemer, amapaꞌ ñatoꞌ poechemerñapaꞌ oꞌch epatareꞌtenan ñamha pompor, ñamha ñatoꞌ pachorpaꞌ oꞌch epatareꞌtenan poechoyor amapaꞌ poechoyor oꞌch epatareꞌtenan pachor, ñamha ñatoꞌ paꞌsoꞌmoe oꞌch epatareꞌtenan paꞌthoꞌñen amapaꞌ ñatoꞌ paꞌthoꞌñenñapaꞌ oꞌch epatareꞌtenan paꞌsoꞌmoe.

San Lucas 12:53 Iomraidhean Croise

San Mateo 10:35

Ñewa, ñeñth noten theꞌ amaꞌt ñeñth eꞌñe pamoꞌtsnaꞌtarekmoet ñatoꞌ noꞌmarach eꞌmoñeꞌtannerret. Tharroꞌmar ñatoꞌ eñallchaꞌ ñeñthchaꞌ nameꞌñerraya, pamoꞌtseshetñapaꞌ ñatoꞌ amach ameꞌñerrneto. Ñeñthoꞌmarña notenes eꞌñe noꞌmarpaꞌ ñatoꞌ poechemerpaꞌ oꞌch epatareꞌtenan pompor, ñamha ñatoꞌ poechoyorpaꞌ oꞌch epatareꞌtenan pachor, ñamha ñatoꞌ ñeñth paꞌthoꞌñen pen oꞌch epatareꞌtenan ñamha paꞌsoꞌmoe.

San Mateo 24:10

Ñamha shonteꞌch acheñ allempo ñeñthchaꞌ kexhpoerreꞌ Yompor. Eꞌñe ñagattsetapaꞌ eꞌmoñeꞌtannaꞌterretchaꞌ atthothchaꞌ pomatatannaꞌtyerret.

San Lucas 12:52

Ñewa, ñeñth noten theꞌ eꞌñe thayotheñ ñatoꞌ all yexhena amnarsheña poepawarro pokollopaꞌ ñatoꞌ ñetpaꞌ oꞌch ellopaꞌtetstatet pokthaphña. Ñatoꞌ alloꞌtsen maꞌpsheña ñeñthchaꞌ nameꞌñerraya, ñatoꞌ epsheñañapaꞌ amach moeno oꞌch ameꞌñerrnet. Amapaꞌ ñatoꞌ epsheñach alloꞌtsen ñeñthchaꞌ nameꞌñerraya, maꞌpsheñañapaꞌ amach moeno oꞌch ameꞌñerrnet.