San Lucas 12:37 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁷ Atarr kosheñtsoꞌtsaꞌyen poeyochreshaꞌ ñerraꞌm esempoch werret pamoꞌmteꞌ allñapaꞌ entwenanet xho atarr eñoseꞌrteñet. Poꞌñoxhpaꞌ napaꞌ oꞌch notas, ñachkaꞌyeña sherbhaꞌweneꞌña ñeñth poeyochreshaꞌ pen ña. Oꞌch chanaꞌwena ñamhapaꞌ oꞌch anorrxhaꞌtatwenanet allchaꞌ rrallmeꞌchatwenanet.

San Lucas 12:37 Iomraidhean Croise

San Mateo 24:42

‘Ñeñthoꞌmarña theꞌpaꞌ oꞌch notas: Xhokmoepaꞌch señoseꞌrtenna tharroꞌmar sapaꞌxhoꞌña ama señotenno esempoch nowerra na ñeñthen eꞌñe Separtseshar sepen.

San Lucas 12:43

Ñeñthña atarwasañpaꞌ atarrchaꞌ koshatweñ pamoꞌmteꞌ; ñerraꞌm esempoch werrapaꞌ alla entwenan paꞌtarwasañer ama xho kaxhpoenano ñeñth poꞌtarwas apaꞌnemh awañmoꞌchotheñ.

San Lucas 17:8

Elloña ñeñthapaꞌ oꞌchxhoꞌ alla sotapoererr: “Theꞌñapaꞌ oꞌch peptareꞌtwerren ñeñthchaꞌ nerraꞌnen, allothñapaꞌ oꞌch phaꞌkowenetwerr peshtam atthoch eꞌñe kowen pesherbhaꞌwerren xhophchaꞌña napwerreꞌ nerrar ñeñthchaꞌ nerraꞌnen. Oꞌchña nerrwanen napaꞌ allempoñapaꞌ xhophchaꞌña rrallmeꞌchnets phamha.”

San Lucas 21:36

Añchaꞌña sapaꞌ xhokmachña señoseꞌrtena ñamha añchaꞌña senamoen Yompor atthoch saꞌwantaꞌwanom allowen ñeñthchaꞌ sewapoya paꞌnamen moeroxhteñtsoxhno allochñapaꞌ sañapaꞌ eꞌñech señmañeshaꞌ sathomwerr nesho na Ñeñthen Acheñetosets.

San Lucas 22:27

Ñewa, yeñoteñ acheñeneshaꞌ arr patsro añkaꞌye atarr amhchaꞌnaꞌtpoꞌ entenet ñeñth eꞌñe koweno anorrxhaꞌtyets all rrallmeꞌchenet, amaña añeyeꞌña amhchaꞌnaꞌtpoyeꞌ enteneto ñeñth poesherbeñoth epatyeneꞌ rreñets ñeñth anorrxhets ñeñth rrallmeꞌchets. Tharraña napaꞌ oꞌch notas: Ñeñthekopkaꞌyeña nowapaña sesho atthoch nemaꞌyoxhrena thorraya ñeñthchaꞌ poꞌñoxh atarr sherberrets sokop.

San Juan 12:26

Ñerraꞌm eseshaꞌ moenats oꞌch thorrenet nokop, kothaꞌnetepaꞌ atthochña eꞌñe neyochreshaꞌ neperranet. Tharroꞌmar ñerraꞌm erroꞌtsenenchaꞌ na ñeñth thorretsa nokop ñetpaꞌxhoꞌña alloꞌtsenetchaꞌ ñamet. Eꞌñe allowen erraꞌtsenchaꞌ thorrerrtsa nokop, Nomporñapaꞌ atarrchaꞌ kowentaterranet.

1 Corintios 2:9

Tharroꞌmar ateth anwarethta Yompor poꞌñoñ awath, ñeñthpaꞌ ateth oten: Amaꞌt awatha ya ñeñthey arromñatheypaꞌ ama yentare ñeñth oꞌpatatenya Yompor ñeñth koxhneshaꞌtetsa yokop, ñamha ama yeꞌmare, ñamha ama xhaponayeꞌthe yeyoxhro ñeñth oꞌpatatenya Yompor ñeñtheychaꞌ morrenterraya ña.

Filipenses 1:21

Tharroꞌmar napaꞌ allpon nokrrena arr patsropaꞌ ñeñthpaꞌ eꞌñe ora Cristokop. Ñamha amaꞌt xho nerromapaꞌ ñeñthpaꞌ elloña nanak kowen nokop.

Filipenses 1:23

Ñeñth nanak thorrapoꞌ nenten oꞌch notas ñeñth atarr kowen nenten, ñatoꞌ oꞌch nerroma amapaꞌ korretsanach. Napaꞌ nemneñeñ oꞌwañchaꞌ nokrra añe patsro allochñapaꞌ oꞌch nexhap thekma Cristesho, tharroꞌmar ñeñthpaꞌ elloña nanak kowen nokop.

2 San Pedro 1:11

Allochña sapaꞌ sexherrchaꞌ all amhchaꞌtarethtena Yepartseshar Jesucristo ñeñth Yaꞌkeshphatañer yepen. Allñapaꞌ oꞌch agërres eꞌñe poksheñeshokmañen all partsoten. Ña poꞌpartsoñapaꞌ ñeñthpaꞌ amach awañañathterro amaꞌt eꞌñe errponaña.

2 San Pedro 3:14

Ñewa, masheñneshachaꞌ ñamha noxhaneshachaꞌ oꞌch sekwameꞌteñ. Sekwameꞌteñothpaꞌ oꞌch semaꞌyoxhrena atthoch entwerres Yompor eꞌñe pokteꞌ, atthoch amach eñalle ñeñthchaꞌ sepenkateꞌ. Oꞌch kowen sentannena epas samoꞌtseshaꞌ.

El Apocalipsis 14:13

Allempoña na allpaꞌ neꞌmoerrerr ñoñets arroth wena entoth, ñeñthpaꞌ ateth oten: —Theꞌpaꞌ oꞌch pekellkaꞌ añ ñoñets: “Theꞌñapaꞌ atarrchaꞌ kosheñtsoꞌtsaꞌyen allowen ñeñthchaꞌ rromayets eꞌñe pameꞌñeñothet Yepartseshar Jesucristo.” Poꞌñoxh ateth oten Yompor Poekamkëñ, ñetpaꞌ amesatarethterretchaꞌ. Theꞌpaꞌ amach alla thorrerreteꞌthe tharroꞌmar ñeñth allpon oꞌ thorraꞌyenet añ patsro, ñeñthpaꞌ eꞌñe eñotwareth all Yompor poeꞌntaño.

El Apocalipsis 3:21

Ñeñth metanaꞌtweꞌ allowen paꞌnamen topateñtsoxhno ñeñth ama nepoerramperraye, ñetñapaꞌ nemnatanetchaꞌ oꞌch amhchaꞌtarethtapreterrnet eꞌñe all nekonaño. Eꞌñech atthet ñerraꞌmrratheꞌ na, napaꞌ eꞌñe nemhtanaꞌtwa allowen paꞌnamen topateñtsoxhno. Ñeñthoꞌmarña napaꞌ naꞌmhchaꞌtarethtapreteña Nompor eꞌñe all poꞌkonaño.

El Apocalipsis 7:17

Tharroꞌmar Cristo ñeñth atmaꞌntatareth Carnero ñeñth alloꞌtsen all Yompor poꞌkonaño, ñachña kowampenawet eꞌñe ateth ñerraꞌmrratheꞌ carnero eꞌñech kowampeñ pamoꞌmteꞌ. Ñapaꞌ xhapatanetchaꞌ all poten oñ ñeñthchaꞌ apawet atthoch korrenet errponañowen. Yomporña ñach aꞌwañamphsawet poellkëña amaꞌt awathapaꞌ amach yawerreteꞌthe.