San Lucas 12:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Ñeñthpaꞌ ateth otanet tomaꞌnteñtso: —Eñall poesheñarr acheñ atarr nanak ekhllayoreth. Allña poꞌpatsñopaꞌ shonteꞌ nanak aton aꞌyexhkaten.

San Lucas 12:16 Iomraidhean Croise

San Mateo 13:8

Poꞌpotantañexhno ñeñthñapaꞌ arr xhapyes all eꞌñe kowen patso. Ñeñthñapaꞌ eꞌñe kowen chepares. Allempoña ateshaꞌtwapaꞌ ñeñthñapaꞌ atarr aton ellomhreꞌtyes —poechaꞌtetspaꞌ xharroch xharraꞌ poeꞌllomer, poꞌpchañexhnopaꞌ pechapoch xharraꞌ poeꞌllomer, poꞌpchañexhnopaꞌ maꞌpoch xharraꞌ poeꞌllomer.

San Mateo 5:45

Atthochña sapaꞌ eñotenset poꞌñoxh poechemer penes Yompor ñeñth poeꞌntañoꞌtsen tharroꞌmar sapaꞌ añ sorrtatyen kowen amaꞌt eꞌñe allowenakop eꞌñe ateth pena Sompor ñapaꞌ eꞌñe kowenareꞌ es orrtatyen amaꞌt allowenakop. Ateth ñapaꞌ xhokma wapataꞌmoenaneꞌth poꞌpoetarenña allowenakop amaꞌt atsrreꞌmñathekop ñamha ñeñth kowenakop acheñer. Ñamha ñapaꞌ xhokma watateñ añekop ñeñth eꞌñe pokteꞌ es pets amaꞌt ñamha añekop ñeñth ama pokteyeꞌ es phaꞌyetso.

San Lucas 12:15

Alla oterraneterr Jesús: —Eꞌñech señota sañeña, amaꞌt seyoxhrapaꞌ amach es seyeꞌchapretannaꞌtatsto amaꞌt eꞌñe koñeꞌtha tharroꞌmar attho yokrrena arr kowen añe patsropaꞌ ñeñthpaꞌ ama añekpayaye alloch esokmañen es yechyerr ñeñthchaꞌ atarr yokshaterreꞌ tsapathoneth.

San Lucas 12:17

Ñeñthña ekhllayorethpaꞌ ateth kothapeꞌchen poeyoxhropaꞌ ateth oten: “Errothwachkaꞌye nephaꞌña, ñeñth atarr nanak aton nethotaten amakaꞌye eñalleña allchaꞌ eꞌñe naññoꞌtwe.”

Los Hechos 14:17

Tharraña ama aꞌypoꞌñano acheñeneshaꞌ. Xhokma apaneteꞌth atthoch eñochet poꞌñoxh eñall Yompor. Xhokma moeraneteꞌth ñeñthoꞌmarña xhokma watacheꞌth ñokpoet atthoth yexhkaneteꞌth poenarmet, attho eñalleteteꞌth poerraret attho kosheteꞌth. Añpaꞌ ñeñtha ñeñth ateth otan Pablo allowen acheñeneshaꞌ.