San Lucas 11:48 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁸ Sapaꞌ eꞌñe señoteññañ saꞌtañneshañ attho ñetpaꞌ moetsanacheteꞌth ñeñth aꞌmhtaꞌyesayeꞌth Yompor poꞌñoñ tharraña sapaꞌxhoꞌña ñeñthaña eꞌñe pokteꞌ senten samha ñeñthoꞌmar theꞌpaꞌ eꞌñe saꞌkowentampenanet all apamparethtenet.

San Lucas 11:48 Iomraidhean Croise

San Mateo 23:27

‘Atarr nanak llekëntsoꞌtsenes fariseoneshachaꞌ ñamha sa ñeñthes eꞌñe etsotayenayeñ ñoñets ñeñth ateth anareth judioneshakop. Sapaꞌ eꞌñe atthes ñerraꞌm apampaña ñeñth aꞌwallamaꞌthtampenet. Enothpaꞌ eꞌñech kowen orrtenañ. Oꞌponothñapaꞌ eꞌñech chorren arromñathap ñamha paꞌnamen ñeñth nanak sosey.

San Mateo 23:31

Ñeñth ateth sotyeneñpaꞌ theꞌña eꞌñe sa señoñothpaꞌ oꞌ saꞌmethamphsa eꞌñe sañeña poꞌñoxh sapaꞌ poꞌmhrenñeskaꞌye ñeñth moetsanatayeꞌth awath ñeñth aꞌmhtaꞌyesayeꞌth Yompor poꞌñoñ.

San Lucas 11:47

‘Llekëñtsa ñamha sokop tharroꞌmar sa theꞌpaꞌ sathomaten enoth ñeñth atarr kowen senten sa all pampaꞌyeseteꞌth ñeñth aꞌmhtaꞌyesayeꞌth Yompor poꞌñoñ awath ñeñth moetsanatyeseꞌth ñeñth satañneshañ sepeꞌth.

San Lucas 11:49

‘Amaꞌt Yompor awath, eꞌñe poeñoteñothpaꞌ ateth oteꞌth: “Napaꞌ oꞌch nemñe acheñeneshesho ñeñthchaꞌ aꞌmhteneꞌ neñoñ ñamha ñeñth nellsensarneshaꞌ nephaꞌyen. Tharraña patantarrña acheñeneshaꞌñapaꞌ xha moetsanatanet, poꞌpotantaññapaꞌ xha kothareꞌtyeset.”

Romanos 1:32

Ñeñth phatseꞌtyetsa atethpaꞌ amaꞌt eñoteñetañ eꞌñe Yomporeshoth anarethetwa amaꞌt koñcheñets añekop ñeñth phatseꞌtyetsa atethpaꞌ tharraña ñetñapaꞌ ñeñtharach ateth phatseꞌtyesnenet. Amaꞌt pamoꞌtseshetpaꞌ ñerraꞌm eꞌñe atthekma phowenet ñametpaꞌ chemerrña allempopaꞌ ñeñthach erronayeꞌ koshapretannenet.

Santiago 5:10

Oꞌch masheñneshachaꞌ ñamha noxhaneshachaꞌ sokthapeꞌch ñeñth ateth phaꞌyeseꞌth awath ñeñth aꞌmhtaꞌyesayeꞌth Yompor poꞌñoñ. Tharroꞌmar ñetpaꞌ nanak awanteteꞌth attho nanak amoeroxhtatarethteteꞌth. Ñeñthoꞌmarña sapaꞌxhoꞌña atethchaꞌ sepha samha.