San Lucas 11:42 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴² ‘Atarr llekëñtsoꞌtsenes sa ñeñthes fariseoneshas tharroꞌmar ama attheyeꞌ sepeno ñeñth ateth oꞌ notwas. Ora allowen ñeñth senaremh sepen amaꞌt xhokma sapoeñeñ Yompor allpon ñeñth poktetsa ñokop —mentapan ñamha rudapan. Tharraña añña ñeñth nanak sherbets Yomporekop eꞌñech pokteꞌ es yepeññañ poꞌpsheñeñ ñamha eꞌñech kowen yemorrenteña Yompor. Ñeñth atethpaꞌ sañapaꞌ ama sokthapeꞌcheñe amaꞌt mamesha. Sapaꞌ ñeñthña sepalltena oꞌch eꞌñe ateth sephowa. Tharraña ñeñth attho xhokma es sapaꞌyen Yomporekop ñeñthpaꞌxhoꞌña amach sekaxhpatsche.

San Lucas 11:42 Iomraidhean Croise

San Mateo 23:13

‘Atarr nanak llekëñtsoꞌtsenes fariseoneshachaꞌ ñamha samha ñeñthes eꞌñe etsotayenayeñ ñoñets ñeñth ateth anareth judioneshakop tharroꞌmar sapaꞌ sommoꞌcheñotheꞌna atarr seshkareꞌtyen. Tharroꞌmar amaꞌt sapaꞌ amakaꞌye senteññañeña Yompor poꞌkowenña, ellonethpaꞌxhoꞌña xhokma sepatareꞌteñña poꞌpotantañ ñeñth eꞌneneꞌ Yompor poꞌkowenña. Xha saꞌnpampeñña acheñeneshaꞌ atthoch ñetpaꞌxhoꞌña amach enterrñañeto Yompor poꞌkowenña ñeñth attho atarr ayochreshathtena ña poeꞌntañoth.

San Mateo 23:23

‘Atarr nanak llekëñtsoꞌtsenes fariseoneshachaꞌ ñamha sa ñeñthes eꞌñe etsotayenayeñ ñoñets ñeñth ateth anareth judioneshakop tharroꞌmar sapaꞌ sommoꞌcheñotheꞌna atarr seshkareꞌtyen. Ora allowen ñeñth senaremh sepen amaꞌt xhokma sapoeñeñ Yompor allpon ñeñth poktetsa ñokop —mentapan, anísopan, cominopan— sapaꞌ xha sepsenña ñeñth ñoñtsor ñeñth ateth anareth ñeñthkaꞌyeña ello nanak sherbets. Ñeñthpaꞌ atthoch eꞌñe kowen es sephaꞌyeññañ poꞌpotantañ. Ñeñthña sapaꞌ xhaña sepseñ. Ñamha atthoch semoerannaꞌta ñeñthpaꞌxhoꞌña sañapaꞌ xhakaꞌyeña sepseñ. Ñamha atthoch poꞌñoxh eꞌñe kowen sameꞌñañathtena Yomporekop ñeñthpaꞌxhoꞌña sañapaꞌ xhakaꞌyeña sepseñ. Sapaꞌ eꞌñe ñeñthaña sepalltena. Ñamha attho xhokma es sapaꞌyen Yomporekop ñeñthpaꞌxhoꞌña xhokmach ateth sepena amach xha sepsatstere.

San Mateo 23:27

‘Atarr nanak llekëntsoꞌtsenes fariseoneshachaꞌ ñamha sa ñeñthes eꞌñe etsotayenayeñ ñoñets ñeñth ateth anareth judioneshakop. Sapaꞌ eꞌñe atthes ñerraꞌm apampaña ñeñth aꞌwallamaꞌthtampenet. Enothpaꞌ eꞌñech kowen orrtenañ. Oꞌponothñapaꞌ eꞌñech chorren arromñathap ñamha paꞌnamen ñeñth nanak sosey.

San Lucas 18:12

Napaꞌ patheꞌtets semanapaꞌ epochchaꞌ nethoreꞌtena, Nompore, phokop, ñamha amaꞌt ora ñeñth allpon nagën xhokma napoeneph allpon poktetsa phokop amaꞌt nediezmo, Nompore.” Allowa wañ ateth maꞌyochena fariseo.

San Juan 5:42

Tharroꞌmar napaꞌ neñotenes sapaꞌ amaꞌt mameshapaꞌ ama semorrenteño Yompor amaꞌt seyoxhra.

1 San Juan 4:20

Ñerraꞌm eseshaꞌ otets, ñapaꞌxhoꞌña eꞌñoꞌ kowen morrentenana Yompor, tharraña ñerraꞌm xha eꞌmoñeꞌtyenan pamoꞌts, ñeñthña ateth otetspaꞌ atthakaꞌye shekën. Attho ama morrentenano pamoꞌts amaꞌt ñeñthpaꞌ eꞌñe enteñ, amach errothenoth morrentanoña ñamha Yomporñaꞌ tharroꞌmar ñeñthpaꞌ amakaꞌye xhoyeꞌ enteñe.