San Lucas 11:40 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁰ Xha sottena ñerraꞌm erraꞌtsen poesheñarr acheñ ñeñth ama es eñoteno. Amaꞌt señoteñeña Yomporña ñeñth yexhkatyeneꞌ allowen ñeñth allpon yentyen arr patsro, ñeñth aꞌyotheꞌtsaꞌyen yeshoth ñeñthara Yompor ñeñth yexhkateꞌ ñamha yeyoxher alloch eꞌñe kowen yokthapeꞌchen oꞌpono yeyoxhro.

San Lucas 11:40 Iomraidhean Croise

San Mateo 23:17

Sapaꞌ atarr otatsñathes, ama añeyeꞌña sexhenoyoña seyoxhro ñeñth kowen enten Yompor. Xhakaꞌye sottena ñerraꞌmrratheꞌ aporoꞌyethekmas. Amaꞌt señoteñeña ateth sherben oropaꞌ eꞌñekaꞌye atthekma sherbenña ñamha Parets paꞌpakëll. Tharroꞌmar allempo neteꞌth oro Parets paꞌpakllo, ñeñthña oropaꞌ añkaꞌye eꞌñe kowen aꞌpoktatayeꞌth Partsokop ñeñthara Partsopoꞌ.

San Mateo 23:26

Ñeñthes fariseoneshas, sapaꞌ ama añeyeꞌ sexhenoyoña seyoxhro ñeñth kowen enten Yompor. Xhakaꞌye sottena ñerraꞌmrratheꞌ eꞌñe aporoꞌyethekmas. Sokoppaꞌ añkaꞌyeña poktetsa, ñanomchaꞌña oꞌponoth seꞌpameꞌtña setaza, seplatopaꞌxhoꞌña ñanomchaꞌña oꞌponoth seꞌpatach. Allochñapaꞌ oꞌch eꞌñe kowenta emoshemhtoꞌmar.

San Lucas 12:20

Tharraña ñeñth acheñerpaꞌ Yomporpaꞌ ateth och: “Phapaꞌ atarr otatsñatheph, ama es peñoteno amaꞌt mamesha. Theꞌpaꞌ añe tsaprokmach oꞌch perromoen. Ñeñthña shonteꞌ oꞌ phaññoꞌtwapaꞌ theꞌñapaꞌ eseshaꞌwachñakaꞌye oꞌpaterraya.”

San Lucas 24:25

Jesúsñapaꞌ alla otnerraneterr: —Sapaꞌ ama es sexhenoyoña seyoxhro, atarr seꞌcharrtaten seyoxher atthoch eꞌñe sameꞌñaꞌwaña ora ñeñth ateth eñosyeseteꞌth Cristokop allowen ñeñth aꞌmhtaꞌyesayeꞌth Yompor poꞌñoñ awathotheñ.

1 Corintios 15:36

Sapaꞌ areꞌtña es señoteno. Ñewa, ñatoꞌ oꞌch netmaꞌntacha ateth: Yeñoteñ ñerraꞌm es yenareꞌt poeꞌllomerpaꞌ amach awen chopo. Xhoch ñanom poetsaꞌ paꞌtall eshekchaꞌña chop.

Hebreos 12:9

Elloña yeñoteñ allempo cheshenyaꞌ ñeñth yompor yepen arr patsro attho eꞌñe kowen kothapeꞌchatyesyeꞌth, ñeñthpaꞌ eꞌñe pokteꞌ yeñcheꞌth tharroꞌmar yeñoteñ ñeñthpaꞌ eꞌñe kowen yokop. Ñeñthoꞌmarña theꞌpaꞌxhoꞌña eꞌñepaꞌchña kowen yenteñ attho Yomporpaꞌ oꞌ kothapeꞌchaterrey kowen ñeñthara Yompor ñeñth poeꞌntañoꞌtsen ñeñth pamoꞌmteꞌ pen yekamkëñ atthoña yapaꞌ korretsayach.