San Lucas 11:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Pephretnaꞌwonayepaꞌch Nompore allowen yoꞌchñar ñeñth ama pokteyeꞌ pentapretenye, attho Nompore yapaꞌxhoꞌña yephretnannena ñerraꞌm esempo erroth yephannena. Ñamha amach Nompore pemnatatsche sosyaꞌtañ oꞌch atarr topateney. Añchaꞌña xhoch Nompore phaꞌypoꞌñataterrey allowen sosyaꞌtsañexhno.

San Lucas 11:4 Iomraidhean Croise

San Mateo 18:35

‘Sapaꞌxhoꞌña eꞌñe poesheñaꞌttsosña ñerraꞌm amach sephretnere samoꞌtspaꞌ eꞌñech atthekma perres samha Nompor ñeñth poeꞌntañoꞌtsen. Xhokmoepaꞌch eꞌñe kowen sephretnannenaña sa eꞌñe seyoxhrokmañen.

San Mateo 26:41

Eꞌñe señoseꞌrteñothpaꞌ xhoña semaꞌyochosa allochñapaꞌ atthoch amach sañeña aꞌpoerrataterro topateñets ñeñthchaꞌ sewapoya atarr womenk. Ñeñthpaꞌ amaꞌt atarr semneñeñ tharraña sechetsñapaꞌ amakaꞌye awamenkatheyeꞌ penso, ñeñthoꞌmarña notenes xhokmach semaꞌyochena.

San Lucas 11:5

Elloñapaꞌ alla yexhaterraneterr ñeñth attho eꞌñe yenamoeñoth Yompor apoeychaꞌ. Ñeñthpaꞌ ateth serrpareꞌtaterraneterr tomaꞌnteñtso. —Ñerraꞌm eñall poesheñarr ñeñth eꞌñe kowen yeyemtenaya, amaꞌt rroxh tsapo oꞌch awey paꞌpakllo yexhoreꞌteñothpaꞌ atethchaꞌ yotos: “Napaꞌ masheñchaꞌ añekop nowena oꞌch phapoen amaꞌt koñeꞌtha rreñets,

San Lucas 13:4

Ñamha ñeñth xharraꞌ ñeñth poechetsa posoksheña ñeñth kollaꞌwatsa awaña ñeñth aꞌtpetseꞌt pokoll torrepoꞌ allempo mataꞌnerr Jerusaléño eꞌñe all oteñet Siloé. Ñewa, sapaꞌ xhatheꞌ sotenapañ ñeñth aꞌkllaterr torrepaꞌ ñetpaꞌ atarrtheꞌ athparñathet ellotheꞌ metanaꞌtweñet allowen poꞌpotantañ ñeñth attho athpareꞌtena jerusaléñoꞌmarneshaꞌ.

San Lucas 22:46

Ñañapaꞌ ateth otwerranet: —Sapaꞌ esoꞌmareꞌtña xha atarr semanrraꞌten. Theꞌpaꞌ oꞌch setanterrapaꞌ xhoña semaꞌyochrraꞌta atthoch saꞌwantaꞌ ñeñthchaꞌ sewapoya topateñets atarr womenk.

San Lucas 8:13

Ñamha ñeñth xhapyesets mapoetroꞌmesoꞌmarpaꞌ ñeñthpaꞌ añ notenes acheñeneshaꞌ ñerraꞌm esempo eꞌmhñoteññañet Yompor poꞌñoñ eꞌñech poksheñeshaꞌ agërrñañetañ Yompor poꞌñoñ. Eꞌñech kowen ameꞌñeretañ tharraña ñetpaꞌ mamekpach ateth pet. Tharroꞌmar ñetpaꞌ ateth penet ñerraꞌmrratheꞌ narmets ñeñth chepoets mapyo amach eñalle poerexh. Tsapathonethña ñerraꞌm oꞌch wapanet topateñets, ñetñapaꞌ oꞌch alla kaxhpoerrñañet Yompor poꞌñoñ.

San Juan 17:15

Ama añeyeꞌ nenamoenpe atthoch phawenanetaꞌ añ patsroth, añña nenamoeneph oꞌch pekwamphsanet. Amach pemnatatsche oneñeth oꞌch alla aꞌpoerrataterranet.

1 Corintios 10:13

Tharroꞌmar alloweneypaꞌ xhokmach waponaya topateñets, ñeñthara topateñets ñeñth yexhenoya alloweney ñeñthey arromñathey. Tharraña Yomporpaꞌ xhokmach yeyomcha tharroꞌmar ñapaꞌ ama moenatenye oꞌch topatey atthoch metanonay yewamenk. Tharraña ñerraꞌm esempoch xhaponaya topateñetspaꞌ ñapaꞌ xhokmach orrtatonay atthoch yaꞌwanteꞌ atthoch amach metanonaye yewamenk.

Colosenses 3:13

Ñamha eꞌñepaꞌchña kowen es saꞌwantannena ñerraꞌm esempoch señch poꞌpsheñeñ ñeñth ama pokteyeꞌ orrtateno sokop, sapaꞌ eꞌñechña kowen sephretnannena. Attho Yepartseshar Cristopaꞌ oꞌ peretnaꞌwerres sa, sapaꞌxhoꞌña xhokmachña sephretnannena samha.

2 Tesalonicenses 3:3

Tharraña Yepartsesharpaꞌ ñachña atarr yeyemtena, ñachña awamenkath sepeneꞌ, ñach sekwampeneꞌ, ñach saꞌnataya, amach moenatano oꞌch xhaponasa ñeñth ama kowenayaye.

2 Timoteo 4:18

Ñeñthoꞌmarña theꞌpaꞌ neñoteñ Yepartsesharpaꞌ xhokmach aꞌkeshphaterren arroth all ama kowenayaye, ñamha napaꞌ neñoteñ xhokmach kowampenen, atthochña xhapaterren all amhchaꞌtarethtena ña poeꞌntaño. Ñeñthoꞌmarña xhokmoepaꞌch yaꞌyeꞌchoxhtatoñ errponowañen. Ñeñthpaꞌ atthetepaꞌch.

Santiago 2:13

Ñamha sapaꞌ señochepaꞌch ñeñth ama morrentenayo theꞌ pamoꞌtspaꞌ ñapaꞌxhoꞌña esempowañen allempoch eñotatyeswerrey Yompor eꞌñe errothenchaꞌ entyeswerrey, ñapaꞌxhoꞌña allempopaꞌ amach eseshayeꞌ morrenterrayo. Añña ñeñth morrentenaya theꞌ pamoꞌtspaꞌ esempowañenña allempoch eñotatyeswerrey Yompor eꞌñe errothenchaꞌ entyeswerrey, allempoña ñapaꞌ nanakchaꞌ amoerarethterra.

El Apocalipsis 2:10

Amach yoreꞌtatstaso moeroxhteñets ñeñthchaꞌ awen sewapoya. Tharroꞌmar ñeñthchaꞌ seyottamphseꞌ patantaꞌttsos, ñeñthpaꞌ oneñetheshoth wena añekopña atthoch topatwas ñerraꞌm poꞌñoxhtheꞌ sameꞌñena. Poesheñaꞌttsos moeroxhtatasetchaꞌ eꞌñe xharramat. Amaꞌtchaꞌ moetsasetpaꞌ añ pokteꞌ oꞌch serromapes attho sameꞌñena. Allochña napaꞌ napwerreschaꞌ ñeñth noꞌpatatensa alloch sokrraꞌwerra eꞌñe soksheñeshokmañen. Ñeñthpaꞌ ñeñthara noten poꞌpoñ ñoñtso napwerreschaꞌ sepremio ñeñthchaꞌ sokshatwerreꞌ eꞌñe poktakma.

El Apocalipsis 3:10

Sapaꞌ eꞌñe kowen akopha setsoton allpon neñoñ, ama saꞌypoꞌñenno na, ñeñthoꞌmarña napaꞌxhoꞌña amach naꞌypoꞌñaso. Oꞌch nekwamperres tharrempowa allempoch moeroxhteñtsopoterra ñeñthchaꞌ topaterreꞌ ora allowen acheñeneshaꞌ ñeñth yexhaꞌyetsa añe patsro.