San Lucas 11:27 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁷ Jesús allempo ateth serrpareꞌtatenan acheñeneshaꞌpaꞌ poesheñarrña koyaneshaꞌpaꞌ machayothepaꞌtchaꞌ rrana, ñeñthpaꞌ ateth ot: —Amaꞌt ñeñth phachor pepen phapaꞌ atarr kosheñtsoꞌtsen tharroꞌmar ñapaꞌ ñeñth peꞌñalletateꞌ pha ñeñtheph atarr kowen es peyexhkaten ñamha ñapaꞌ eꞌñe kowen kowamphsaph allempo cheshathollenphaꞌ.

San Lucas 11:27 Iomraidhean Croise

San Lucas 1:28

Mellañotheñña allempo xhap eꞌñe ñeshopaꞌ ateth otos: —Oꞌch noxha newomhchaꞌtoseph. Yompor eꞌñe poemoereñotheph phapaꞌ atarrchaꞌ koshaterreph, ñapaꞌ eꞌñe peshoꞌtsen. Yomporpaꞌ atarr bensareꞌtampeneph. Ello pemhtanaꞌtweñ allowen phakmaneshaꞌ attho bensareꞌtampenanet ñet.

San Lucas 1:42

Ñeñthña eñorateneꞌ, poksheñeshokmañen eñorena womenkpaꞌ ateth otapan María: —Phapaꞌ oꞌ atarr koshaterreph Yepapar. Phapaꞌ oꞌ eꞌñe pemhtanaꞌtwe ora allowen yakmaneshaxhno attho koshatenanet ñet Yepapar. Ñamha Yepaparpaꞌ atarrchaꞌ bensareꞌtampennaph pechoyoretholl.

San Lucas 1:48

Yepapar eꞌñe poemoereñothen ñapaꞌ entenen ama esoyayno, añana ñeñthen thorretsa ñokop. Tharraña theꞌpaꞌ allowen acheñeneshaꞌ ñeñthchaꞌ mererrtsa arr patsro ñetñapaꞌ atarrchaꞌ koshapreterrnet attho Yepaparpaꞌ oꞌ atarr koshaterren na.

San Lucas 11:26

Allempoñapaꞌ oꞌch alla awerr alloꞌtsaꞌyen pamoꞌtseshaꞌpaꞌ oꞌch enanaꞌ poꞌpoñ kanxherrsheña oneñethexhno ñeñth nanak sosyareꞌ, ñeñth ello metanaꞌtweneꞌ ñeñth ateth sosyaten ñeñth waꞌñeneꞌ oꞌch yexhaprecha. Allowenetñapaꞌ oꞌch chorreñet ñeñth acheñer. Allempoña tsapathonethpaꞌ alloꞌnach sen ñeñth acheñer sosyatnomoets womenk. Elloch metanerran ñeñth ateth phatseꞌtyeseꞌth ñenmath.

San Lucas 23:29

Tharroꞌmar esempopaꞌ xhokmach waponasa ñeñthchaꞌ atarr sellkaterreꞌ. Allempoña koyaneshaꞌ ñeñth ama achoyoreꞌtñepaꞌ ñokpoetñapaꞌ eꞌñech kowen entarethterret allempo tharroꞌmar ñetpaꞌ ama eñalleto poechoyoreshet ñeñthchaꞌ atarr moeroxhterrtsa. Ñeñthoꞌmarña allempopaꞌ otyerrchaꞌ allowen acheñeneshaꞌ: “Oꞌ atarr kosheñtsoꞌtsenterra moexhophnaneshaꞌ, amaꞌt allowen ñeñth ama achoyoreꞌtñe, amaꞌt allowen ñeñth ama es momaꞌyeneto.”