San Lucas 11:20 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁰ Poꞌñoxhkaꞌye Yompor poꞌwamenkoth nekaxhpatateñña oneñethexhno acheñeneshaꞌ ñeñthchaꞌña señotateꞌ theꞌpaꞌ oꞌ nexhapatonas Yompor poꞌkowenña ñeñth attho poꞌñoxh atarr ayochreshathtena ña.

San Lucas 11:20 Iomraidhean Croise

San Mateo 12:28

Poꞌñoxhkaꞌye Yompor eꞌñe Poekamkëñoth ñeñthña awamenkath nepeneꞌ atthoth nekexhpateñña oneñethexhno acheñeneshaꞌ, ñeñthchaꞌña señotateꞌ theꞌpaꞌ oꞌ nexhapatonas Yompor poꞌkowenña ñeñth attho poꞌñoxh atarr ayochreshathtena ña.

San Mateo 3:2

Allñapaꞌ ateth otosanet: —Theꞌpaꞌ oꞌch sokthapeꞌcherr ello kowen Yomporekop tharroꞌmar oꞌ xhapmoch allempoch ayochreshathterra Yompor ñeñth poeꞌntañoꞌtsen.

San Mateo 4:24

Attheñapaꞌ eꞌmareꞌtwet errapharen amaꞌt Sirioꞌmar. Wapatyesoñet allowen ñeñth moeroxhtatyen atsnañets. Wapatyesoñet ñeñth osyen paꞌnamen atsnañets ñamha ñeñth atserrphañaxhno. Wapatyesoñet ñamha ñeñth chorraꞌyena oneñeth ñamha ñeñth othañaxhno ñamha echarrtañaxhno. Allowenetpaꞌ ñañapaꞌ eꞌñe aꞌkrratyeswerranet.

San Lucas 10:11

“Amaꞌt pats ñeñth oꞌ cheta yetko arr saꞌnetsro, theꞌñapaꞌ oꞌch yepaꞌshetkaꞌtyesnoma atthoch señoch sapaꞌ amaꞌt mameshapaꞌ ama pokteyeꞌ entenso Yompor. Tharraña amaꞌt attheñpaꞌ theꞌpaꞌ oꞌch neñotatnomoes Yompor poꞌkowenña awtsa xhaponasañ ñeñth attho ayochreshathtena ña.”

San Lucas 10:9

Allñapaꞌ saꞌkrratyesoschaꞌ ñamha ñeñth atsnaꞌtyets. Allchaꞌ seserrpareꞌtatyesosanet, atethchaꞌ sotos: “Theꞌpaꞌ oꞌ yexhapatonas Yompor poꞌkowenña ñeñth attho ayochreshathtena ña. Aña palltetsa oꞌch sameꞌñera atthoch eꞌñe xhaponasa seyoxhro.”

San Lucas 11:21

‘Ñeñthpaꞌ oꞌ eꞌñe notwas ateth tharroꞌmar yeñoteñ ñeñth atarr awamenkathtetsa attho atarr awamenkathtena oneñeth, ñañapaꞌ eꞌñe poꞌwamenkoth kowampesyenan allowen eꞌñe kowen ñeñth paꞌpakëll phaꞌyen. Ñapaꞌ poꞌwamenkokmañen naꞌyenan ñeñthchaꞌ eꞌñe kowampeneꞌ all amhchaꞌtarethtena ña.

Los Hechos 20:25

Oꞌ alla oterraneterr Pablo: —Theꞌpaꞌ neñoteñ sapaꞌ amach senterrno poꞌpocheño, amaꞌt allowenes alloꞌ nechopeñeꞌchwanom serrpareꞌtnomoeꞌ Yompor poꞌkowenña. Aña neñoten amach senterrno.

2 Tesalonicenses 1:5

Ñewa, yapaꞌ yeñoteñ Yomporpaꞌ eꞌñe pokteꞌ es phaꞌyen. Ñeñthoꞌmarña yeñoteñ sapaꞌ eꞌñe sameꞌñeñoth ña, ñañapaꞌ eꞌñekaꞌye pokteꞌ entenes allochñapaꞌ atthoch sexherr all amhchaꞌtarethtena ña, sapaꞌ ñeñthekopña atarr saꞌmoeroxhtatarethtenaña theꞌ.