San Lucas 11:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Poꞌpotantañ acheñeneshaꞌ ñetñapaꞌ xha moeneñet oꞌch topachet Jesús. Ñetpaꞌ ateth ochet: —Yapaꞌ añ yemnen oꞌch pegatey pepartsoña entoth allochñapaꞌ atthoch yeñotaph poꞌñoxh phapaꞌ Parets Poechemereph.

San Lucas 11:16 Iomraidhean Croise

San Lucas 11:29

Allempoña acheñeneshaꞌ emchorreñet Jesús, ñañapaꞌ ateth otanet: —Acheñeneshaꞌ ñeñth korraꞌyetsa theꞌ ñetñapaꞌ ama kowenayeꞌ kothapeꞌchyeneto. Tharroꞌmar ñetpaꞌ aña eꞌnenet awoꞌch norrtatanet nepartsoteña atthoꞌchña eñotnet napaꞌ poꞌñoxhoꞌtheꞌ Parets Poechemeren ñeñthenoꞌtheꞌ Cristotosets. Tharraña amach es norrtataneto. Napaꞌ añach patherr neñotatanet ateth eñotataneꞌth Jonás awath nínivoꞌmarneshaꞌ allempo aꞌmhtaneꞌth Yompor poꞌñoñ.

San Juan 6:30

Ñetñapaꞌ ateth otereterr: —Errothenothwachkaꞌ pegateyña pepartsoña ñeñthchaꞌ yentpaꞌ atthothchaꞌ yameꞌñapha. Phapaꞌ eswañakaꞌ petsoten.

San Juan 8:6

Ñeñthpaꞌ tharroꞌmara ateth otoset ñatoꞌrraña eñorachet ñeñth ama pokteyaye allochñapaꞌ atthoch aꞌmethampeñetaꞌ. Jesúsñapaꞌ allentha moꞌkapaꞌ oꞌ kellkan pats potapho.

1 Corintios 1:22

Ñerraꞌm esempo yeserrpareꞌtach judioneshaꞌ attho Cristo rroma yokop, ñetñapaꞌ amach asherbenayeꞌ entenetoña yokthaphña tharroꞌmar ñetpaꞌ añach moenet yorrtatanetepaꞌtoꞌ Cristo poꞌpartsoña. Ñamha ñerraꞌm esempo yeserrpareꞌtateñ ñeñth ama judioneshayeyeto attho Cristo rroma yokop ñetpaꞌxhoꞌña amach asherbenayeꞌ entonayetoña yokthaphña tharroꞌmar ñetpaꞌ añach moenet yorrtatanetepaꞌtoꞌ ñeñthchaꞌ eñotatawet eꞌñetheꞌ poꞌñoxh ateth yoten.