San Lucas 10:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Ñeñthe pokollro allchaꞌ eꞌñe kowen agapaset allach saꞌposa. Ñeñth rrenet ñet ñeñthchaꞌ rratapaset, ñeñthach serros samha. Tharroꞌmar ñeñthes thorretsa eꞌñe pokteꞌ atethchaꞌ tsaꞌtenset. Amach sommareꞌtyesatsto allemeñ pokolloꞌmar, allach eꞌñe sommosa poepawarro.

San Lucas 10:7 Iomraidhean Croise

San Marcos 6:10

Alla oterraneterr: —Amaꞌt errach pokollro sexhap allach sommosa allponmat esempowach awerrserr poꞌpoñ anetso.

San Lucas 10:6

Tharraña ñerraꞌm ñetña ama eꞌneññañeto Yompor paꞌnateñapaꞌ Yomporñapaꞌ oꞌch alla apoerres sa paꞌnateña.

San Lucas 9:4

Alla oterraneterr: —Amaꞌt errach pokollro sexhap allach sommosa allponmat esempowach awerrserr poꞌpoñ anetso.

Los Hechos 16:15

Lidiaña pameꞌñeñothpaꞌ allentha apatarethta, ñamha oꞌ apatarethta ñeñth parro yexhenet pokollo. Ñañapaꞌ oꞌxhoꞌ waꞌñaꞌnerrey paꞌpakllo, ateth ot: —Ñerraꞌm eꞌñe pokteꞌ sentenen attho nameꞌñera Yepapar, oꞌch sewapa nepakllo ñatoꞌ allchaꞌ sommosa. Ñañapaꞌ otareꞌtey yonepaꞌtoꞌ ñeñthoꞌmarña yapaꞌ oꞌ awey.

Los Hechos 16:34

Aꞌtapatanet paꞌpakllopaꞌ rratanet. Pameꞌñeñoth Yompor atarr nanak kosha. Ñamha allowen ñeñth paꞌpaklloꞌtsenpaꞌ atarr koshet ñamet.

Los Hechos 16:40

Allempoña xhaꞌnenet cárcelothpaꞌ awanerret oꞌch alla abhcheretaꞌ Lidia. Allempoñapaꞌ serrpareꞌtwerret parro ñeñth ameꞌñetsa, kothapeꞌchatwaneret kowen, allempoñapaꞌ awanerret alloth.

Gálatas 6:6

Ñamha theꞌpaꞌ oꞌch notas poꞌpoñ: Ñeñth eꞌmhñoteneꞌ Yompor poꞌñoñpaꞌ añ pokteꞌ oꞌch es kowen apaꞌyeset ñeñth yexhatenawet Yompor poꞌñoñ.

1 Timoteo 5:13

Ñamha ñatoꞌ oꞌch attha nanak kellaꞌ, ñatoꞌ poꞌkhllañothpaꞌ ñatoꞌ oꞌch attha taꞌyesa poꞌpoñ pokolloꞌmar serrpareꞌtatseꞌtyesets paꞌnamen ñoñets, ñamha ñatoꞌ oꞌch attha aꞌmethareꞌtyesan ñeñth ateth phaꞌyena poꞌpsheññexhno amaꞌt ñeñth ama otenayaye.

2 Timoteo 2:6

Oꞌch netmaꞌntatererr poꞌpoñ. Ñeñth nanak tarwasets paꞌmropaꞌ ñapaꞌ ñanomchaꞌ rreꞌ ñeñth nareꞌten. Ñeñthpaꞌ añ tomaꞌntena ñeñth nanak thorretsa Yomporekop ñapaꞌxhoꞌña nanakchaꞌ koshateñ poꞌtarwas ñeñth ateth thorrena Yomporekop.