San Lucas 10:41 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴¹ Jesúsñapaꞌ ateth och: —Noxha Marta, shonteꞌ paꞌnamen ñeñth pethorraꞌyena, phapaꞌ ñeñthaña atarr pellkateneꞌ.

San Lucas 10:41 Iomraidhean Croise

San Marcos 4:19

Amaꞌtchaꞌ xhapanetañ poeyoxhreto tharraña ñetpaꞌ alloꞌnach senet eꞌñech aña atarr kothapeꞌchenet ñeñth llekaꞌyenet arr patsro ñeñth eꞌñe ñokpoeta. Añach moenenet oꞌch esokmañen es echyenet tharraña ñeñthpaꞌ xhakaꞌye shekënanet. Atthach paꞌnamen yeꞌchatseꞌtyenet. Atthoña wenanet topateñets ñeñthoꞌmarña ñetpaꞌ amach errothenoth orrtatoñetoña ñeñth eꞌñe kowen enten Yompor. Ñetpaꞌ eꞌñe attheta ñerraꞌm narmets ñeñth xha kaꞌmateñ ajmaꞌ ñeñthoꞌmarña amach errothenoth meꞌteneto oꞌch ellomhreꞌtyeset.

San Lucas 10:38

All oñen Jesúspaꞌ oꞌ xhap patherr anetso. Allña poesheñarr koyaneshaꞌ añ paꞌsoꞌcheñ Marta, ñañapaꞌ eꞌñe kowen agapapan Jesús paꞌpakllo.

San Lucas 10:40

Paꞌmoꞌnerrña Martapaꞌ aña eꞌñe maꞌyoxhrena aꞌthoramphseꞌ all poetareꞌtallmeꞌchen. Ñañapaꞌ ponmana Jesúspaꞌ ateth otos: —Ayochreshathe, amatheꞌ pokteꞌ penteñe naptha neptareꞌtallmeꞌchen; nemoꞌnerrñapaꞌ ama yenpoenno. Theꞌpaꞌ oꞌch phoch aꞌthoramphsapretnepaꞌ nathar.

San Lucas 12:22

Allempoña Jesúspaꞌ alla oterranerr poeyochreshaꞌ: —Ñeñthoꞌmarña theꞌpaꞌ oꞌch noterrserr, amach aña sellkatsto ñeñth attho yeyxhena arr patsro. Amaꞌt seyoxhra amach sotatsto, eswachkaꞌye yerrerrerrtheꞌ tsapathoneth. Ñamha amach aña sellkatsto ñeñth eꞌñe sechtsokpa, amach sotatsto, eswachkaꞌye yechorratheꞌ.

San Lucas 21:34

‘Tharraña theꞌpaꞌ oꞌch notas, sapaꞌ xhokmachña eꞌñe señotnoma atthoch sapaꞌ amach aña sokthapeꞌchatsto ñeñth sosyaꞌtsañexhno, posaꞌtareꞌteñets, ñamha attho eꞌñe kowen sokrrena añ patsro. Tharroꞌmar ñerraꞌm ñeñtha eꞌñe sokthapeꞌchenpaꞌ machayothach waponasa añ yether

San Lucas 8:14

Ñamha poerets ñeñth xhapyesets ajmoꞌmar, ñeñthpaꞌ añ netmaꞌntatena poꞌpotantañ acheñeneshaꞌ ñeñth eꞌmhñotenayeñ Yompor poꞌñoñ. Amaꞌtchaꞌ xhapanetañ mameꞌ poeyoxhreto, tharraña ñetpaꞌ alloꞌnach senet aña atarr kothapeꞌchenet ñeñth llekaꞌyenet arr patsro ñeñth eꞌñe ñokpoeta. Añach moenenet oꞌch esokmañen es echyenet atthoch allo eꞌñe koshaꞌyenet. Atthoña ñetpaꞌ amach errothenoth orrtatoñeto ñeñth atarr sherbets Yomporekop. Ñetpaꞌ eꞌñe attheta ñerraꞌm narmets ñeñth xha kaꞌmatwerr ajmaꞌ amach errothenoth ellomhreꞌtyeseto.

San Juan 11:1

Allempo atsnaꞌten poesheñarr yakma ñeñthpaꞌ añ paꞌsoꞌcheñ Lázaro ñeñth yexhetsa anetso Betania epoet epsheñoꞌmar poꞌxh, poesheñarrpaꞌ María, poꞌpsheñeñpaꞌ Marta.

San Juan 11:5

Jesúspaꞌ amaꞌt atarr morrentenanañ Marta ñamha paꞌmoꞌnerr ñamha Lázaro,

San Juan 12:2

Allñapaꞌ all rrallmeꞌchatneñet. Martañapaꞌ ña nenawet rreñets. Lázaroñapaꞌ ña rrets epoet Jesús ñamha poꞌpotantañexhno.

Filipenses 4:6

Amach es sellkatsto amaꞌt eꞌñe mamesha. Añchaꞌña amaꞌt errothenoꞌtsenes eꞌñe semaꞌyocheñothpaꞌ xhokmoepaꞌch sotwe Yompor ñeñth sellkatyeneꞌ ñamha eꞌñe soksheñoth Yomporpaꞌ xhokmoepaꞌch senamyeñ ñamha ñeñth sepalltaꞌyena.