San Lucas 10:40 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁰ Paꞌmoꞌnerrña Martapaꞌ aña eꞌñe maꞌyoxhrena aꞌthoramphseꞌ all poetareꞌtallmeꞌchen. Ñañapaꞌ ponmana Jesúspaꞌ ateth otos: —Ayochreshathe, amatheꞌ pokteꞌ penteñe naptha neptareꞌtallmeꞌchen; nemoꞌnerrñapaꞌ ama yenpoenno. Theꞌpaꞌ oꞌch phoch aꞌthoramphsapretnepaꞌ nathar.

San Lucas 10:40 Iomraidhean Croise

San Mateo 14:15

Attheñapaꞌ ellerren poeyochreshaꞌñapaꞌ oteñetaꞌ Jesús: —Theꞌpaꞌ arroꞌtseney all ama acheñempañoyaye ñamha oꞌkaꞌye ellerren. Theꞌpaꞌ oꞌch phoch acheñeneshaꞌ awanemyerretepaꞌ anetsoꞌmar allchaꞌ rañthaꞌyeswerret poerraret ñeñthchaꞌ rraꞌyeswerret.

San Mateo 16:22

Pedroñapaꞌ allentha anemh aꞌyenethpaꞌ allñapaꞌ ateth otos: —Arepaꞌchña Partseshachaꞌ attheyeꞌ perrpeto amaꞌt errponaña. Yomporepaꞌchña eꞌñe pekwampeneꞌ.

San Marcos 3:21

Allempo eꞌmareꞌch Jesús pamoꞌtseshaꞌ ateth phaꞌyenapaꞌ ñetñapaꞌ waxhaꞌtet oꞌch eretaꞌ Jesús tharroꞌmar ñetpaꞌ otenapoetañ ñatoꞌ xhotheꞌ oꞌ mospaña Jesús.

San Lucas 10:38

All oñen Jesúspaꞌ oꞌ xhap patherr anetso. Allña poesheñarr koyaneshaꞌ añ paꞌsoꞌcheñ Marta, ñañapaꞌ eꞌñe kowen agapapan Jesús paꞌpakllo.

San Lucas 10:41

Jesúsñapaꞌ ateth och: —Noxha Marta, shonteꞌ paꞌnamen ñeñth pethorraꞌyena, phapaꞌ ñeñthaña atarr pellkateneꞌ.

San Lucas 12:29

Amach eꞌñe pathrra seꞌneno ñeñth attho serren ñamha ñeñth attho es sorryen. Amach ñeñthaña eꞌñe patherr sellkaꞌyesatsto.

San Lucas 9:55

Jesúsñapaꞌ attha kowanetpaꞌ ateth otanet: —Ñeñth ateth sokthapeꞌchatseꞌtyenpaꞌ amaꞌt mameshapaꞌ ama pokteyaye. Amaꞌt señoteñeña Yomporpaꞌ ama attheyeꞌ kothapeꞌchatenyeña Poekamkëñoth. Ñeñth semnen sapaꞌ poꞌpoña kothaphñats.

San Juan 11:1

Allempo atsnaꞌten poesheñarr yakma ñeñthpaꞌ añ paꞌsoꞌcheñ Lázaro ñeñth yexhetsa anetso Betania epoet epsheñoꞌmar poꞌxh, poesheñarrpaꞌ María, poꞌpsheñeñpaꞌ Marta.

San Juan 11:5

Jesúspaꞌ amaꞌt atarr morrentenanañ Marta ñamha paꞌmoꞌnerr ñamha Lázaro,

San Juan 12:2

Allñapaꞌ all rrallmeꞌchatneñet. Martañapaꞌ ña nenawet rreñets. Lázaroñapaꞌ ña rrets epoet Jesús ñamha poꞌpotantañexhno.

San Juan 6:27

Theꞌpaꞌ oꞌch notas, sapaꞌ amach aña semaꞌyoxhratsto yokrramh ñeñth eꞌnwapoꞌ. Añchaꞌña semaꞌyoxhra sokrramh ñeñth ama eꞌnwapawoyaye; ñeñthña alloch sapaꞌ korretsasach soksheñeshokmañen eꞌñe thayotheñ amaꞌt errponañowen. Ñeñthña sokrramhpaꞌ nach sapoerreꞌ Ñeñthen Acheñetosets tharroꞌmar Apapaꞌ oꞌ llesenserren na Ñeñthen Acheñetosets arr patsro.