San Lucas 10:34 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁴ Allentha ponmosya, shosñañ olivoseꞌ ñamha vino allo partosñañ all atserrpeñet. Allempoñapaꞌ wankërrñañ all atserrpeñet. Tantaterpaꞌ montacha pashanoropaꞌ anemh allchaꞌ mos. Allñapaꞌ all kowamphsos.

San Lucas 10:34 Iomraidhean Croise

San Marcos 14:8

Añ koyanesharpaꞌ añkaꞌye apoenen ñeñth allpon echyen. Ñeñth attho shosnan theꞌ eñmosath nechtso, ñeñthpaꞌ añekpaꞌnakaꞌye sherben tharrempowa allempoch aꞌyanaꞌterrnaneterr ñeñthchaꞌ epoet pampaꞌpesnet.

San Lucas 10:33

Allempoña thematerrerr oꞌ wapa ñamha poesheñarr ñeñth ama judioneshayaye ñeñthpaꞌ samarioꞌmarneshaꞌ. Ñapaꞌ ñeñth pamoꞌtseshaꞌ pen ama amoꞌtstenano judioneshaꞌ. Tharraña ñapaꞌ allempo entosan poesheñarr judioneshaꞌ ñeñth atserrpenetpaꞌ atarr moerosya.

San Lucas 10:35

Tsapathñapaꞌ chetaꞌmoenan epa denario apaꞌmoenan apakllatheshaꞌ ateth otaꞌmoeñ: “Theꞌpaꞌ pekwampeschaꞌ, errponchaꞌ phaꞌgastaꞌ ello pekhllayor, napaꞌ netsaꞌtwerrphach esempoch newerra.”

San Lucas 2:7

Alla emareꞌt, ñeñthña poeꞌmarethollpaꞌ asheñorrotholl ñeñth eꞌñe poꞌmother phaꞌ. Epeꞌ poꞌñoꞌmopaꞌ alla phanatholleꞌch wakshepawo allothekma apoeñet wakësh poerrar. Ñewa, tharroꞌmar alla emareꞌtos wakshepawoñaꞌ moetsopawopaꞌ ama eseshaꞌ epatso eꞌñe poktakma eshepena acheñ ñeñth manrraꞌtosets all.

Romanos 12:20

Añchaꞌña ateth sephoñ ñeñth seꞌmoñeꞌteneꞌ ñeñth eꞌñe ateth oteney Yompor poꞌñoñ. Ñewa, ñeñthpaꞌ ateth oten: “Ñeñth seꞌmoñeꞌteneꞌ ñerraꞌm esempo cheporrenapaꞌ sañapaꞌ sapepaꞌch ñeñthchaꞌ rraꞌ. Ñamha ñerraꞌm esempo oñpaꞌten sañapaꞌ sapepaꞌch ñeñthchaꞌ orr. Ñerraꞌm atethchaꞌ sepeꞌpaꞌ ñañapaꞌ oꞌch penkëna nanak. Atarrchaꞌ atserr eꞌman attho penkëna. Allempoñapaꞌ ñatoꞌ eꞌñe poepenkëñothpaꞌ ñeñthchaꞌña kothapeꞌchaterreꞌ kowen.”

1 Tesalonicenses 5:15

Ñamha sapaꞌ xhokmoepaꞌch eꞌñe kowen señotena allochñapaꞌ ñerraꞌm poꞌpsheñeñ erroth phonaspaꞌ sapaꞌ amaꞌt eꞌñe poesheñarrothesa amach setsaꞌtatatsche amaꞌt koñeꞌtha. Añchaꞌña eꞌñechña kowen sepeñ samoꞌts amaꞌt ñamha allowen poꞌpotantañ acheñeneshaꞌ.