San Lucas 10:28 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁸ Jesúsñapaꞌ ateth och: —Atethkaꞌye eꞌñe ateth photen. Ñerraꞌm atethchaꞌ eꞌñe pephowapaꞌ phañapaꞌ korretsaphach eꞌñe thayotheñ amaꞌt errponañowen.

San Lucas 10:28 Iomraidhean Croise

San Mateo 19:17

Jesúsñapaꞌ ateth otaph: —Esoꞌmareꞌt photenenña napaꞌ atarroꞌ kowen acheñren. Arr arromñatheneshaꞌ amaꞌt eꞌñe poesheñarrapaꞌ ama eñalleña ñeñth eꞌñe kowen acheñer. Ñapthaña Yompor ñeñth eꞌñe poꞌñoxh kowen. Ñerraꞌm añtheꞌ pemnen atthoch phapaꞌ korretsaphach eꞌñe thayotheñ amaꞌt errponañowen añ poktetsa phokop oꞌch eꞌñe pephowoñ ñeñth ateth oten Yompor.

San Marcos 12:34

Jesúsñapaꞌ ateth eñch ñapaꞌ atarr eñotenan ñeñth atarr sherbets Yomporekop, ñeñthoꞌmarña ateth otererr: —Phapaꞌ amakaꞌye atarr atonayeꞌ pepallteno atthoch eꞌñe phagapwerrñañ Yompor poꞌkowenña attho ayochreshathtena ña. Allempoñapaꞌ amaꞌt poesheñarrothetapaꞌ ama eseshayeꞌ aꞌphthoꞌtenayeꞌ enterrayeña Jesús.

San Lucas 7:43

Simónñapaꞌ alla anapoerranerr Jesús, ateth otererr: —Ñewa, añtheꞌkaꞌye atarr morrentenaya ñeñth ap shonteꞌ kelle, tharroꞌmar ñapaꞌ shonteꞌ oꞌ attha aphretnarethterra ñeñth allpon shonteꞌ teben. Jesúsñapaꞌ alla otererr: —Atethkaꞌye masheñe.

Romanos 10:4

Tharroꞌmar theꞌpaꞌ oꞌ wapa Cristo ñamha ateth oteney Yompor ñerraꞌm yameꞌñerrñaña Poechemer ñeñth Cristotetspaꞌ atthochña eꞌñech pokteꞌ enterreyña, amaꞌt erraꞌtsena ñeñthchaꞌ ameꞌñerraya. Allochñapaꞌ oꞌwañchaꞌ aña yeyemtena oꞌch ateth yephowen eꞌñe kowen ora allpon ñoñets ñeñth ateth anareth atthochña pokteꞌ enterryeñ Yompor.

Romanos 3:19

Ñamha yapaꞌ yeñoteñ ñeñth ateth otyen Yompor poꞌñoñ ñeñth akellkaꞌwareth awathotheñpaꞌ añekopña oten ñeñth echeneꞌ poꞌñoñ, amaña añekpayaye ñeñth ama echayeꞌthe poꞌñoñ allempo. (Ateth ñerraꞌm judioneshaꞌpaꞌ amaꞌt awathotheñ echeññañet Yompor poꞌñoñ, ñeñthara ñoñets ñeñth oꞌ notwanmas ñorraꞌ arr.) Ñeñthoꞌmarña amaꞌt poesheñarrothesa sa amaꞌt ñeñthes judioneshaspaꞌ amatheꞌ errothenoth soto, sapaꞌ eꞌñoꞌ kowen entenes Yompor. Atthoña yeñoteñ amaꞌt alloweney ñeñthey korretsa añe patsropaꞌ ama pokteyeꞌ entenye Yompor ñeñth ateth yephaꞌyena.

Romanos 7:10

Ñamha añ ñeñthara ñoñets ñeñth ateth anareth alloꞌch yokrrenañ eꞌñe kowenpaꞌ tharraña arepaꞌt attheyaye, naña noꞌchñar allo nathpareꞌten ñoñets ñeñth ateth anareth ñeñthach nanmayeñ rromoeñtso.

Gálatas 3:12

Tharraña ñeñth ñoñets ñeñth ateth anareth judioneshakoppaꞌ ama attheyeꞌ oteno, ñeñthpaꞌ ateth oten: “Ñerraꞌm yephowenchaꞌ eꞌñe poktakma ñeñth ateth anarethpaꞌ eshekchaꞌ ello yokrrerra errponowañen.”