San Lucas 10:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Ama awanenetaꞌ Jesúsñapaꞌ ateth otanet: —Shonteꞌ narmets ñeñth nanak ellomhreꞌtets ñeñthchaꞌ aꞌyapaxhetañ. Tharraña atarwasañña ñeñthchaꞌ aꞌyapaxheꞌpaꞌ ama atarr atonayaye. Theꞌpaꞌ añchaꞌña sanamoñ pamoꞌmteꞌ moeñanepaꞌña ñeñthchaꞌ aꞌyapaxherrets paꞌmro. Ñeñthpaꞌ ateth tomaꞌntatanet Jesús attho atarr shonteꞌ acheñeneshaꞌ ñeñthchaꞌ ameꞌñerrtsañ tharraña ñeñthchaꞌ ameꞌñaterrawetpaꞌ ama atarr atonayaye. Añchaꞌña yenam Yompor ñeñth Yamoꞌmteꞌ yepen moeñanepaꞌña paꞌtarwasañer ñeñthchaꞌ thorraꞌyerrtsa ñokop allemeñ anetsoꞌmar.

San Lucas 10:2 Iomraidhean Croise

San Mateo 20:1

‘Yompor poꞌkowenña ñeñth attho ayochreshathtena ña poeꞌntañoth, ñeñthpaꞌ añ tomaꞌntena ñeñth ateth pena poesheñarr aneꞌtañ. Ñañapaꞌ awathekma awaꞌmoen eꞌnyenayaꞌ acheñ ñeñthchaꞌ tarwasat paꞌmro oꞌch thoteññañetaꞌ poenaremh.

San Marcos 13:34

Ñeñthpaꞌ eꞌñe ateth ñerraꞌmrratheꞌ poesheñarr yakma ñerraꞌm esempo ta bhaxhayopaꞌ oꞌch naꞌnman paꞌtarwasañrexhno paꞌpakllo ñeñthchaꞌ apaꞌyesnom tarwas eꞌñe poesheñaꞌttsokmoet. Ñamha poꞌpoñ paꞌtarwasañer ñeñthchaꞌ kowets yetarroth ñapaꞌ atethchaꞌ otnomh pamoꞌmteꞌ: “Phapaꞌ xhokmach peñoseꞌretna.”

San Marcos 16:15

Allempoña Jesúspaꞌ ateth oterraneterr: —Theꞌpaꞌ oꞌch awyeses ora errapharen allowanen añ patser, seserrpareꞌtach allowen acheñeneshaꞌ añ kowen ñoñets alloch aꞌkeshphatarethterret.

San Marcos 16:20

Poeyochreshaꞌñapaꞌ awanomyeset, serrpareꞌtyesnomoet errapharen. Partseshaꞌ Jesúspaꞌ xhokma thorrapretenanet, orrtatenanet poꞌpartsoña atthoch acheñeneshaꞌ eꞌñech eñotenanet ñeñth ateth serrpareꞌtyenet, ñeñthpaꞌ eꞌñe poꞌñoxh Parets poꞌñoñ. Ñeñthpaꞌ atthetepaꞌch Nompore. Allowa.

San Lucas 9:1

Allempo xhapaꞌmoen allempo Jesús agotaꞌmoenan poeyochreshaꞌ xharrasheña ñeñth poechetsa epsheña. Eꞌñe apxhaꞌwet ñeshopaꞌ ñañapaꞌ atarr awamenkath phaꞌyesanet, atthoña apanet ñamha llesens atthoch kaxhpatatyeret oneñeth acheñeneshaꞌ amaꞌt erraꞌtsena ñeñth atarr moeroxhtatyenawet. Ñamha awamenkath phanet atthoch aꞌkrratyeset acheñeneshaꞌ amaꞌt erraꞌtsena ñeñth osyenawet.

Los Hechos 11:19

Allempo moetset Estebanpaꞌ allempotheñña orrta moeroxhteñets. Nanak moeroxhtacheteꞌth ñeñth ameꞌñetsa. Ñeñthoꞌmarña yetrraꞌtyeset allemeña, parratseꞌtyeset poꞌpoñ anetsoꞌmar. Poesheñaꞌtetspaꞌ awanmoet Fenicioꞌmar, poꞌpotantaññapaꞌ awanmoet Chipro, poꞌpotantañpaꞌ awanomyeset Antioquío. All chopeñeꞌchyesnomoetpaꞌ all serrpareꞌtyesnomoet Yompor poꞌñoñ, tharraña aña serrpareꞌtatnomoet ñapoeth judioneshaꞌ.

Los Hechos 13:2

Allempo xhokma kowentatoñeteꞌth Yompor, ñamha errothenopaꞌ xhoch thoreꞌteteꞌth. Attheña añña Parets Poekamkëñpaꞌ eñotatanet, ateth otanet: —Añ pokteꞌ oꞌch seneꞌ Bernabé ñamha Saulo ñetpaꞌ oꞌch senanet nokop. Napaꞌ oꞌch napanet ñeñthchaꞌ poꞌtarwas pet nokop.

Los Hechos 13:4

Allsensarethtet eꞌñe Parets Poekamkëñothpaꞌ awanmoet Seleucio. Seleuciothñapaꞌ awamphset boto, oꞌ xhapoet Chipro.

Los Hechos 20:28

Allempoñapaꞌ alla oterraneterr ñeñth pomporneshaꞌ penet: —Theꞌpaꞌ señotaꞌthach. Theꞌpaꞌ añ pokteꞌ oꞌch sekwampeñ kowen allowen ñeñth ameꞌñenaya Yompor. Atethchaꞌ sepha ateth ñerraꞌm ñeñth kowampeneꞌ poꞌcarneror. Sapaꞌxhoꞌña atethchaꞌ sepha samha oꞌch sekwampeñ ñeñth ameꞌñetsa. Ñeñthchaꞌ setarwas sephaꞌ ateth llesensenes Parets Poekamkëñoth. Tharroꞌmar Yepartseshar Jesúspaꞌ oꞌ rroma ñokpoet ñamet.

Los Hechos 22:21

Oꞌ alla oterrnerr Yepartseshar: “Amaꞌt atethpaꞌ theꞌpaꞌ oꞌch aweph oꞌch nemñaph allaphar alloꞌtsaꞌyen acheñeneshaꞌ ñeñth ama judioneshayayeto.”

Los Hechos 8:4

Añña ñeñth yetrraꞌtatsa Jerusaléñothpaꞌ all xhapyeset, erra taꞌyenetpaꞌ allchaꞌ serrpareꞌteññañet Yompor poꞌñoñ.

1 Corintios 12:28

Ñamha alloweney eꞌñe yameꞌñeñoth Yomporpaꞌ eꞌñe poꞌpoñeꞌttsokma yethorraꞌyena Yomporekop. Tharroꞌmar Yomporpaꞌ attho naꞌyesonay paꞌnamen atthoch yethorraꞌyesa ñokop. Ñanompaꞌ awoꞌt nan poesheñaꞌtets allsensarethneshaꞌ. Allothpaꞌ awoꞌt nan poꞌpoñexhno ñeñthchaꞌ aꞌpotheꞌ poꞌñoñ. Allothpaꞌ awoꞌt nan ñamha poꞌpotantañ ñeñthchaꞌ yexhatenawet Yompor poꞌñoñ. Allothpaꞌ awoꞌt nan poꞌpotantañ ñeñthchaꞌ orrtateꞌ poꞌpartsoña. Allothpaꞌ awoꞌt nan poꞌpotantañ ñeñthchaꞌ thorratsa atthoch aꞌkrratyeset ñeñth atsnaꞌtyets. Poꞌpotantaññapaꞌ awoꞌt neꞌ ñeñthchaꞌ thorratsa yenpoeꞌ allowen acheñeneshaꞌ. Poꞌpotantaññapaꞌ awoꞌt neꞌ ñeñthchaꞌ yechenawet allowenet. Poꞌpotantaññapaꞌ awoꞌt neꞌ ñeñthchaꞌ eñosyesets paꞌnamen ñoñtso.

1 Corintios 15:10

Tharraña amaꞌt ateth nepeꞌthpaꞌ Yomporpaꞌ atarr morrentna. Eꞌñe poemoereñothpaꞌ atthoña aꞌpnaserren ñeñth nanak sherbets ñokop. Tharraña ama orrena morrentno Yompor, tharroꞌmar theꞌpaꞌ nanak nethorrena Yomporekop. Poꞌpotantañ allsensarethneshaꞌpaꞌ amaꞌt thorraꞌyenet Yomporekoppaꞌ tharraña napaꞌ ello nanak nethorrena ateth thorrenet ñet. Ñewa, amaꞌt noteneñ napaꞌ nethorrena Yomporekop, poꞌñoxhpaꞌ ama nayeꞌ thorretso, añña Yompor poemoereñothpaꞌ ñeñthña thorretsa na nechtsoth.

2 Corintios 6:1

Theꞌpaꞌ attho yethorraprecha Yompor, napaꞌ oꞌch notas, amach eꞌñe orrena sagapatstoñe Yompor poemoereña.

Filipenses 2:25

Ñamha oꞌch notas poꞌpoñ, eꞌñe pokteꞌ nenteñ theꞌpaꞌ oꞌch alla nemñer sesho masheñ Epafrodito ñeñth parro yetarwaseñothpaꞌ nanak yethorreꞌth Yomporekop. Ñeñthara masheñ Epafroditopaꞌ ñeñth semñon awaña ñach neyenpaꞌyesoseꞌ all es nepalltena ñeñthchaꞌ neyenposeꞌ arr.

Filipenses 2:30

Attho ñapaꞌ eꞌñe poemneññoth oꞌch thorra Cristokop xha atsnaꞌt amaꞌt xha moeneꞌ rromañ. Atarr yoreretsoth korrerra arr, tharraña ñapaꞌ ama ñeñthayaya mechaꞌto atthoch ñapaꞌ oꞌch yenposen, ñeñth sapaꞌ amatheꞌ erroth sepe atthoch sewaxhaꞌta bhaxhayoth eꞌñe poesheñaꞌttsos atthoch seyenpoennaꞌ arr.

Colosenses 1:29

Ñeñthoꞌmarña napaꞌ nanak nethorrena ñokop. Eꞌñe poꞌwamenko ñeñth atarr awamenkath nepeneꞌ atthoña napaꞌ xhokma atarr nethorraꞌyena ñokop.

Colosenses 4:12

Ñamha masheñ Epafras ñeñth parroꞌmarneshas, ñapaꞌxhoꞌña moeneñ oꞌch womhchaꞌtas ñamha. Ñapaꞌxhoꞌña nanak thorrena Cristokop. Eꞌñe poemaꞌyocheñoth womenkpaꞌ atarr thorrena sokop. Poemaꞌyocheñothpaꞌ xhokma enamatennas Yomporeshoth atthoch eꞌñe womenk sephaꞌnom seyoxher Yomporekop. Ñamha añ enamoennas atthoch eꞌñech poktakma xhaponasa seyoxhro ora allowen ñeñth ateth moenen Yompor.

1 Tesalonicenses 2:9

Ñeñth ateth yepena ya, amatheꞌ masheñneshachaꞌ xha sepsenye attho nanak yetarwaseꞌth yetho eꞌñe tsapomeꞌtets allempo alloꞌtseney sesho. Ñeñthpaꞌ añekop atarr yetarwaseꞌth allochñapaꞌ atthoch sa amaꞌt poesheñarrothesapaꞌ amach xha yaꞌtsrreꞌmoxhtanaꞌtaso allempo yeserrpareꞌtataseꞌth kowen ñoñets ñeñth Yompor poꞌñoñ.

1 Tesalonicenses 5:12

Oꞌch, masheñneshachaꞌ ñamha noxhaneshachaꞌ, notas poꞌpoñ, semhchaꞌnaꞌteñothpaꞌ eꞌñepaꞌch kowen semorrenteña allowen ñeñth thorraꞌyetsa Yomporekop sesho tharroꞌmar ñetpaꞌ eꞌñe Partsesheshoth anarethtenet ñeñthchaꞌ amhchaꞌtarethtatsa sokop, ñetchaꞌña sokthapeꞌchateneꞌña eꞌñe kowen.

2 Tesalonicenses 3:1

Masheñneshachaꞌ ñamha noxhaneshachaꞌ, theꞌña eꞌñe allowapaꞌ oꞌch notas: Sapaꞌ xhokmach semaꞌyochampesya yamha. Oꞌch senamoeñ Yompor atthoch epaꞌwerra thekma Yepartseshar poꞌñoñ errapharen, kowenepaꞌch entyeññañet poꞌñoñ eꞌñe ateth atarr kowen señch samha allempo xhap sesho.

1 Timoteo 4:10

Ñeñthoꞌmarña theꞌpaꞌ amaꞌt eꞌñe yemoeroxhteñothpaꞌ xhokma yethorrena Yomporekop, tharroꞌmar ñapaꞌ ñach yeyemterra eꞌñe poktakma, ñeñth Yompor ñeñth ama arromñatheshayaye, ñamha ñeñthara Yompor ñeñth Yaꞌkeshphatañer yepen alloweney añekop ñeñthey ameꞌñenaya.

2 Timoteo 4:5

Tharraña phapaꞌ añach patherr phokthapeꞌch ñeñth kowentetsa Yomporekop, ñamha xhokmach phaꞌwantaꞌ ñerraꞌm waponapha moeroxhteñets, ñamha añach patherr pemaꞌyoxhra serrpareꞌtatyesets kowen ñoñets alloch yekeshperra. Ñamha xhokmach pethorra ñeñth ateth petarwas apaph Yompor.

Filemón 1:1

Oꞌch, masheñe Filemóna, nekellkonaph añ carta, na Pablon epan masheñ Timoteo. Napaꞌ oꞌ yottampennet eꞌñe neserrpareꞌteñoth Cristo Jesús poꞌñoñ. Theꞌpaꞌ oꞌch masheñe yewomhchaꞌtaph pha ñeñtheph atarr yemorrentena ñeñtheph atarr yethorrapretenaya Yomporekop.

Hebreos 3:6

Ñapaꞌ añkaꞌyeña Poechemer pen Cristo ñeñthchaꞌ sherberrets tsapathoneth allowenakop ñeñthchaꞌ eꞌñe paꞌpakëll perr Pompor. Ñapaꞌ eꞌñe kowen etsoterran ñeñth eꞌñe Pomporekop. Alloweneypaꞌ eꞌñe paꞌpakëll phoweney Yompor allchaꞌ yexhena ña ñerraꞌm alloꞌnach womenk yeyemoetneña atthochña eꞌñe yoksheñeshokma yekwaꞌwanom ñeñth oꞌpatatenya.

El Apocalipsis 2:1

Ñeñth neserrpareꞌtateneꞌ ñapaꞌ alla oterrnerr, ñapaꞌ ateth oten: —An poktetsa oꞌch pekellkaꞌ carta añekop ñeñth kowampeneꞌ allowen ñeñth ameꞌñetsa all anetso Efeso, oꞌch photanet ateth: “Napaꞌ oꞌch nekellkonas carta atthoch neñotatas ñeñth ateth otenes Jesucristo ñeñth orreneꞌ kanxherr ranto eꞌñe all poto poꞌkowenroth, ñeñthara Cristo ñeñth chopeꞌchets rroxho eꞌñe alloꞌtsen ñeñth ayexhkatareth oroch all orratenet werare.