San Lucas 10:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ Eꞌñe allponmatatsapaꞌ oꞌ alla waxherra poeyochreshaꞌ ñeñth kanxhrroch xharrasheña. Ñetñapaꞌ eꞌñe poksheñeshokmañen waxhenet Jesúsesho. Ateth serrpareꞌtatweñet: —Partseshachaꞌ amaꞌt oneñethexhnopaꞌ eꞌñe yexhaꞌnmaxhaꞌtatwe eꞌñe yexhoreꞌteñoth pha pesoꞌchño.

San Lucas 10:17 Iomraidhean Croise

San Mateo 4:24

Attheñapaꞌ eꞌmareꞌtwet errapharen amaꞌt Sirioꞌmar. Wapatyesoñet allowen ñeñth moeroxhtatyen atsnañets. Wapatyesoñet ñeñth osyen paꞌnamen atsnañets ñamha ñeñth atserrphañaxhno. Wapatyesoñet ñamha ñeñth chorraꞌyena oneñeth ñamha ñeñth othañaxhno ñamha echarrtañaxhno. Allowenetpaꞌ ñañapaꞌ eꞌñe aꞌkrratyeswerranet.

San Marcos 16:17

Ñeñthchaꞌ nameꞌñerraya ñokpoetpaꞌ norrtaterranetchaꞌ nepartsoña. Eꞌñe na nesoꞌchñoch kexhpatyesetchaꞌ oneñethexhno, ñamha eñosyesetchaꞌ poꞌpoñeꞌttsokma ñoñtso.

San Lucas 10:1

Allempoña Partseshaꞌpaꞌ alla llesenserranerr poꞌpotantañ poeyochreshaꞌ kanxhrroch xharrasheña ñeñthchaꞌ otrraꞌtatsa oꞌch serrpareꞌtyesnomoet. Ñetpaꞌ atethchaꞌ phaꞌnmoet eꞌñech epsheñaꞌttsokma tet. Arrchaꞌ taꞌyeset ora allowen anetsoꞌmar ñamha amaꞌt allampañoꞌmar; allochñapaꞌ allchaꞌ oñem ñamha tsapathoneth Jesús.

San Lucas 10:20

Amaꞌt atarr awamenkatheseñ attho oꞌ saꞌmchechatyeswawe oneñethexhno, amachña ñeñtha atarr sokshatsto. Añchaꞌña eꞌñe sokshena attho akellkaꞌyesarethes sesoꞌcheñ Yomporesho ñeñth poeꞌntañoꞌtsen.

San Lucas 10:9

Allñapaꞌ saꞌkrratyesoschaꞌ ñamha ñeñth atsnaꞌtyets. Allchaꞌ seserrpareꞌtatyesosanet, atethchaꞌ sotos: “Theꞌpaꞌ oꞌ yexhapatonas Yompor poꞌkowenña ñeñth attho ayochreshathtena ña. Aña palltetsa oꞌch sameꞌñera atthoch eꞌñe xhaponasa seyoxhro.”

San Lucas 9:1

Allempo xhapaꞌmoen allempo Jesús agotaꞌmoenan poeyochreshaꞌ xharrasheña ñeñth poechetsa epsheña. Eꞌñe apxhaꞌwet ñeshopaꞌ ñañapaꞌ atarr awamenkath phaꞌyesanet, atthoña apanet ñamha llesens atthoch kaxhpatatyeret oneñeth acheñeneshaꞌ amaꞌt erraꞌtsena ñeñth atarr moeroxhtatyenawet. Ñamha awamenkath phanet atthoch aꞌkrratyeset acheñeneshaꞌ amaꞌt erraꞌtsena ñeñth osyenawet.

Romanos 16:20

Allochñapaꞌ Yomporpaꞌ awenchaꞌ aꞌwañamphsonas ñeñth attho atarr shekënes oneñeth, ñeñthara Yompor ñeñth eꞌñe kowen yokshateneꞌ yeyoxhro. Yepartsesharepaꞌchña Jesucristo eꞌñe saꞌnatenaya.

Efesios 5:24

Ñeñthoꞌmar añ pokteꞌ serrollarpaꞌ ñach pomnaren sepeneꞌ allowenakop, atthekmay yamha ñeñthey ameꞌñetsapaꞌ añchaꞌ pomnaren yepeneꞌ Cristo.