San Lucas 10:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Allempoña Jesúspaꞌ alla oterranerr poeyochreshaꞌ allempo ama senetaꞌ: —Poꞌñoxh theꞌpaꞌ oꞌch notas, esempowañen allempoch aꞌkrarethetwerra allowen acheñeneshaꞌpaꞌ añ anetsoꞌmarneshaꞌ ñeñth ama kowenayeꞌ sagapaye theꞌ, nanakchaꞌ yoroxhenoꞌtsenterret allempo. Amaꞌt sodomoꞌmarneshaꞌpaꞌ amach tama yoroxhenoꞌtsenterreto ateth ñerraꞌm ñeñth anetsoꞌmarneshaꞌ ñeñth ama kowenayeꞌ sagapaye theꞌ.

San Lucas 10:12 Iomraidhean Croise

San Mateo 10:15

Poꞌñoxh theꞌpaꞌ oꞌch notas: Esempowañen allempoch akrarethetwerra allowen acheñeneshaꞌpaꞌ añ anetsoꞌmarneshaꞌ ñeñthchaꞌ ama kowenayeꞌ sagapaye theꞌ, ñetñapaꞌ nanakchaꞌ aꞌkoñchatarethterretña allempo. Amaꞌt sodomoꞌmarneshaꞌ ñamha gomorroꞌmarneshaꞌ ñetpaꞌ amach tama aꞌkoñchatarethterreto ateth ñerraꞌm ñeñth anetsoꞌmarneshaꞌ ñeñthchaꞌ ama kowenayeꞌ sagapaye theꞌ.

San Mateo 11:24

Ñeñthoꞌmarña theꞌpaꞌ notenes: Esempowañen allempoch akrarethetwerra allowen acheñeneshaꞌpaꞌ sodomoꞌmarneshaꞌ ñetpaꞌ amach tama aꞌkoñchatarethterretoña allempo. Capernaumoꞌmarneshachaꞌ saña allempopaꞌ atarrchaꞌ aꞌkoñchatarethes.

San Marcos 6:11

Ñerraꞌm erra anetsro ñeñth alloꞌmarneshaꞌña ama kowenayeꞌ agapaseto ñerraꞌm amach moeneto oꞌch eꞌmhñotapasetpaꞌ oꞌch semhterrerr ñamha alloth. Ñerraꞌm allempo semhterrerr ñamha alloth, ñeñthña setkoꞌtsaꞌyen pañeꞌteꞌ patspaꞌ xhoch sepaꞌshetkaꞌtyesnomña setak. Atthochña alloꞌmarneshaꞌpaꞌ oꞌch señotatnomanet ñetpaꞌ amakaꞌye pokteyeꞌ entenanetoña Yompor. Poꞌñoxh oꞌch notas: Esempowañen allempoch akrarethetwerra allowen acheñeneshaꞌ, añña anetsoꞌmarneshaꞌ ñeñth ama sagapaye ñetñapaꞌ atarrchaꞌ aꞌkoñchatarethterret. Elloch metanaꞌtweret ñeñth attho aꞌkoñchatarethterra sodomoꞌmarneshaꞌ ñamha gomorroꞌmarneshaꞌ.