San Lucas 1:72 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷² Atthochña etsotaterrnay ñeñth ateth otaneꞌth awath yatañneshañ ñeñthchaꞌ attho xhokma moererrya. Attheña ñapaꞌ amach poeserrano ñeñth ateth aꞌpoktat awathotheñ yokop tharroꞌmar ñeñthpaꞌ eꞌñe Partseshoth aꞌpoktatarethta.

San Lucas 1:72 Iomraidhean Croise

Romanos 11:28

Tharraña theꞌ Yomporpaꞌ ateth entenanet ñerraꞌmrratheꞌ ñeñth eꞌmoñeꞌteneꞌ tharroꞌmar ñetpaꞌ ama moeneto oꞌch ameꞌñeññañet poꞌñoñ ñeñth alloch poꞌñoxh yekeshperra. Tharroꞌmar ateth pena allochñapaꞌ oꞌch saꞌkeshphatarethterra samha ñeñthes ama judioneshayayso. Tharroꞌmar Yomporpaꞌ awathotheñ akraneꞌth judioneshaꞌ ñeñthchaꞌ atarr morrentena tharroꞌmar ñeñth paꞌtañneshañ peteꞌthpaꞌ ña aꞌkraweteꞌth awath ñeñthchaꞌ atarr morrentena.

Romanos 9:4

Ñamha namoꞌtseshaꞌ judioneshaꞌ ñeñthara israelenaꞌtarneshaꞌ ñeñth akrañ Yompor awath ñeñthchaꞌ poechemereshaꞌ phañ, ñamha ñetpaꞌ xhokma entoñetañeꞌth Yompor poꞌpartsoña awath. Ñamha ñet Yomporpaꞌ xhokma aꞌpoktatanetañeꞌth awath atthoch xhokmach aꞌnatenanet. Ñamha ñetpaꞌ apanetañeꞌth Yompor poꞌñoñ awath, ñeñthña eñotataweteꞌth ñeñth ateth pokteꞌ enten Yompor. Ñamha ñeñthara judioneshaꞌ ñeñth eñotayeꞌth atthoch nanak eꞌñe koxhneshoth sherbeñetañ Yompor paꞌpakllo. Ñamha ñeñthara judioneshaꞌ Yompor awathpaꞌ awoꞌt otanetañ ñeñthchaꞌ ateth apoerranet esempowañen.