San Lucas 1:68 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁶⁸ —Ayeꞌchoxhtaterrapoꞌch Yompor, ñeñthara ñeñth Poꞌpartseshar pen allowen israelneshaꞌ, tharroꞌmar theꞌñapaꞌ oꞌ orrtaterrnay poemoereña ñeñthchaꞌ yaꞌkeshphaterreꞌ ñeñthey poechemer pen.

San Lucas 1:68 Iomraidhean Croise

San Lucas 1:71

Amaꞌt ñamha allowen allpon ñeñth yeꞌmoñeꞌteneꞌ ñeñth amhchaꞌnoxhetyetsa yokop, ñachña yaꞌrroyataterreꞌ.

San Lucas 19:44

Aꞌmataꞌtwerrnasetchaꞌ ora allowen saꞌnetser atthoch sepaklleꞌnachña eꞌñe saꞌtpetseꞌtwerreꞌ allowenes amaꞌt sakñetharetholleshowen. Allo sorraten sepakëll amaꞌt pathrra mapoeꞌpaꞌ amach aꞌpoerro, tharroꞌmar sapaꞌ ama semno oꞌch sagërrñañ Yompor poemoereña allempo moeneñeñ oꞌch yenpoerrsoñ samha.

San Lucas 2:38

Ñapaꞌxhoꞌña allempokma wapa all oꞌ xhapachet cheshatholl Jesús. Ñañapaꞌ maꞌyochosa, atarr parasyosoꞌtenan Yompor cheshathollekop. Ñeñthoꞌmarña ñapaꞌ atarr serrpareꞌtatosan acheñeneshaꞌ ñeñth cheshathollekop tharroꞌmar oꞌ wapa ñeñth atarr kowen allowen acheñeneshaꞌ ñeñthchaꞌ aꞌkeshphatoseꞌ israelneshaꞌ ñeñth paꞌnetser peneꞌ Jerusaléñ.

San Lucas 24:21

Tharraña yapaꞌ ñeñthkaꞌyeña atarr yemneneñ ñatoꞌ ñach yaꞌrroyatatosayeñña alloweney ñeñthey israelenaꞌtarey (attho amhchaꞌnoxhtanaꞌtenya romoꞌmarneshaꞌ ya yaꞌnetsro). Tharraña theꞌñapaꞌ xhaña oꞌ moetseret. Theꞌpaꞌ oꞌkaꞌye maꞌpamtaꞌmoen.

San Lucas 7:16

Acheñeneshaꞌñapaꞌ atarr nanak yorenet. Poꞌyorñothetpaꞌ atarr ayeꞌchoxhtateññañet Yompor. Ñetñapaꞌ ateth otyenet: —Theꞌpaꞌ oꞌ orrtonaya poesheñarr ñeñth atarr sherbets ñeñth aꞌmhteneꞌ Yompor poꞌñoñ. Yomporpaꞌ oꞌ yerpoerrya ñeñthey eꞌñe poeyochreshay peney.

Efesios 1:3

Theꞌpaꞌ ayeꞌchoxhtatpawepaꞌch Yompor ñeñth Pompor pen Yepartseshar Jesucristo. Eꞌñe yeparrokmateñoth epay Cristo, Pomporñapaꞌ eꞌñe paꞌnateñothey xhokma kothapeꞌchateney ora allpon ñeñth esokmañen koxhneshaꞌtetsa all poeꞌntaño ñeñth atarr sherbets yekamkëñekop.

Hebreos 9:12

Ñamha Cristo allempo beꞌthoswerr allowanen Partsopawesho ñeñthpaꞌ eꞌñe parrocha beꞌthoswerr all poeꞌntaño. Ñamha ñapaꞌ ama añeyeꞌ anmo eyarra poꞌrras —cabra amapaꞌ wakshetholl. Ñapaꞌ eꞌñe ñañeña poꞌrras pomwerr. Ñamha ñapaꞌ eꞌñe parrocha pomanña poꞌrras all amaꞌt allowen paꞌnamen acheñeneshakop poꞌchñarekop. Atthoña eꞌñe kowen aꞌpoktatonay atthothchaꞌ aꞌkeshphaterrey, ñamha ñeñthpaꞌ amach awañañathterro amaꞌt errponaña.

1 San Pedro 1:3

Theꞌñapaꞌ ayeꞌchoxhtaterrapoꞌch Yompor Parets ñeñth Yepartseshar Jesucristo Pompor ñeñthara ñeñth Poꞌyomporer pen, tharroꞌmar oꞌ yeꞌñalleterra etserra eꞌñe ña nanak poemoereñothey. Allempotheñña ya eꞌñe yeyemteñoth ña xhokmach yekwameꞌteñ esempowañen tharrempowa allempoch ama yaꞌrromñathterro. Attho Jesucristopaꞌ oꞌ tanterra, ñeñthoꞌmarña yapaꞌxhoꞌña yekwen yamha atthoch amach yaꞌrromñathterro.