San Lucas 1:52 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵² Ñamha ñeñth atarr awamenkath entyetsa ñañapaꞌ eꞌñech aꞌswatanrrortatwerranet alloth amhchaꞌtarethtenet. Tharraña ñeñth ama esosheꞌmayeꞌ entyetsopaꞌ ñetñapaꞌ Yepaparchaꞌ nowerrawet atthothchaꞌ amhchaꞌnaꞌtpoꞌ enter allowen acheñeneshaꞌ.

San Lucas 1:52 Iomraidhean Croise

San Marcos 6:3

Ñapaꞌ añakaꞌye ñeñth poꞌtarwas peneꞌ oꞌch thorrenana tsach atthoch es yexhkatyen paꞌnamen. Ñapaꞌ añakaꞌye María poechoyor. Paꞌmoꞌnasheñpaꞌxhoꞌña añakaꞌye Jacobo, José, Judas, ñamha Simón. Ñamha poꞌxhaneshaꞌpaꞌ eꞌñekaꞌye yechmeꞌtenanet, parroꞌmarneshayarramcheꞌ. Ñeñthoꞌmarña all eꞌñe ña paꞌnyopaꞌ ama eseshayeꞌ akwaꞌpenaye entenaye.

San Lucas 14:11

Tharroꞌmar allowen ñeñth eꞌñe kowen entetsa eꞌñe pommoꞌcheñoth ñetña tsapathonethpaꞌ amach esosheꞌmayeꞌ entereto. Tharraña allowen ñeñth ama esosheꞌmayeꞌ entetso theꞌ, ñeñthña tsapathonethpaꞌ atarrchaꞌ kowen enteret.

San Lucas 18:14

Jesúsñapaꞌ ateth oterraneterr: —Napaꞌ oꞌch notas, ñeñthña ateth aꞌmetheneꞌ poꞌchñar ñeñthña acheñerpaꞌ eꞌñe pokteꞌ enteñ Yompor. Ñeñthoꞌmarña allempo maꞌyochwapaꞌ oꞌ awerr paꞌpakllo eꞌñe kowen aphretnaꞌwarethterra poꞌchñar. Poꞌpsheñeñña fariseo ñeñth ama aꞌmethosaye poꞌchñar, Yomporñapaꞌ arepaꞌtchaꞌ pokteyeꞌ eñche. Tharroꞌmar allowen ñeñth eꞌñe kowen entetsa eꞌñe pommoꞌcheñoth ñeñthña tsapathonethpaꞌ amach esosheꞌmayeꞌ entereto. Tharraña allowen ñeñth ama esosheꞌmayeꞌ entetso theꞌ, ñeñthña tsapathonethpaꞌ atarrchaꞌ kowen enteret.

Santiago 4:10

Ñamha oꞌch saꞌmetherr soꞌchñar Yomporesho atthoch Yomporpaꞌ oꞌch alla tantaterres.