San Lucas 1:48 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁸ Yepapar eꞌñe poemoereñothen ñapaꞌ entenen ama esoyayno, añana ñeñthen thorretsa ñokop. Tharraña theꞌpaꞌ allowen acheñeneshaꞌ ñeñthchaꞌ mererrtsa arr patsro ñetñapaꞌ atarrchaꞌ koshapreterrnet attho Yepaparpaꞌ oꞌ atarr koshaterren na.

San Lucas 1:48 Iomraidhean Croise

San Lucas 1:28

Mellañotheñña allempo xhap eꞌñe ñeshopaꞌ ateth otos: —Oꞌch noxha newomhchaꞌtoseph. Yompor eꞌñe poemoereñotheph phapaꞌ atarrchaꞌ koshaterreph, ñapaꞌ eꞌñe peshoꞌtsen. Yomporpaꞌ atarr bensareꞌtampeneph. Ello pemhtanaꞌtweñ allowen phakmaneshaꞌ attho bensareꞌtampenanet ñet.

San Lucas 1:42

Ñeñthña eñorateneꞌ, poksheñeshokmañen eñorena womenkpaꞌ ateth otapan María: —Phapaꞌ oꞌ atarr koshaterreph Yepapar. Phapaꞌ oꞌ eꞌñe pemhtanaꞌtwe ora allowen yakmaneshaxhno attho koshatenanet ñet Yepapar. Ñamha Yepaparpaꞌ atarrchaꞌ bensareꞌtampennaph pechoyoretholl.

San Lucas 1:45

Phaña theꞌpaꞌ atarr kosheñtsoꞌtseneph tharroꞌmar phapaꞌ eꞌñe phameꞌñaꞌwoña ñeñth ateth otwenphaꞌ Yepapar. Ñeñthoꞌmarña ñeñthpaꞌ eꞌñech ateth etsoterra phokop.

San Lucas 1:49

Tharroꞌmar ñapaꞌ ñeñth atarr awamenkathtetsa atthoña oꞌ orrtaton ñeñth nanak sherbets, ñeñthara Yepapar ñeñth otenet Ñeñth atarr nanak Parets.

San Lucas 11:27

Jesús allempo ateth serrpareꞌtatenan acheñeneshaꞌpaꞌ poesheñarrña koyaneshaꞌpaꞌ machayothepaꞌtchaꞌ rrana, ñeñthpaꞌ ateth ot: —Amaꞌt ñeñth phachor pepen phapaꞌ atarr kosheñtsoꞌtsen tharroꞌmar ñapaꞌ ñeñth peꞌñalletateꞌ pha ñeñtheph atarr kowen es peyexhkaten ñamha ñapaꞌ eꞌñe kowen kowamphsaph allempo cheshathollenphaꞌ.