San Lucas 1:45 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁵ Phaña theꞌpaꞌ atarr kosheñtsoꞌtseneph tharroꞌmar phapaꞌ eꞌñe phameꞌñaꞌwoña ñeñth ateth otwenphaꞌ Yepapar. Ñeñthoꞌmarña ñeñthpaꞌ eꞌñech ateth etsoterra phokop.

San Lucas 1:45 Iomraidhean Croise

San Lucas 1:20

Tharraña phapaꞌ ama phameꞌñenno ñeñth ateth noteneph, ñeñthoꞌmarña theꞌ phapaꞌ oꞌch phoꞌpanat, amach eshek peꞌñorerro thayotheñ tharrempowach allempoch eñalleta pechemer, allempochña peꞌñorerra. Tharroꞌmar poꞌñoxh etsoterrach ñeñth ateth oꞌ notwaph oꞌch xhap allempo onañchareth. Arrpaꞌ allowa ñeñth ateth ot mellañotheñ.

San Lucas 1:44

Tharroꞌmar eꞌñe allempokma neꞌmaponaph peñoñ ateth pewomhchaꞌtosen, neꞌmarethollpaꞌ eꞌñe poksheñeshothpaꞌ allenthepaꞌtchaꞌ pella natho.

San Lucas 1:48

Yepapar eꞌñe poemoereñothen ñapaꞌ entenen ama esoyayno, añana ñeñthen thorretsa ñokop. Tharraña theꞌpaꞌ allowen acheñeneshaꞌ ñeñthchaꞌ mererrtsa arr patsro ñetñapaꞌ atarrchaꞌ koshapreterrnet attho Yepaparpaꞌ oꞌ atarr koshaterren na.

San Juan 11:40

Jesúsñapaꞌ otererr: —Amaꞌtña napaꞌ oꞌkaꞌye notwoseph ñerraꞌm phameꞌñaꞌnachpaꞌ pentoñchaꞌ Yompor poꞌpartsoña.

San Juan 20:29

Jesúsñapaꞌ alla otererr: —Phapaꞌ xho eꞌñe penterren ñeñthoꞌmaraña theꞌpaꞌ phameꞌñenna. Tharraña elloña añ atarr kosheñtsoꞌtsen ñeñth amaꞌt ama xho entennopaꞌ ameꞌñennet.