San Lucas 1:43 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴³ Amaꞌt na Yepaparpaꞌ atarr koshatenen attho pemoꞌtenen amaꞌt ñeñtheph pachor pen ñeñthchaꞌ Yepartseshar yeperr.

San Lucas 1:43 Iomraidhean Croise

San Mateo 12:46

Allempo ateth eñoranaꞌtenana acheñeneshaꞌpaꞌ oꞌ wapa Jesús pachor epoet ñamha paꞌmoꞌnasheñneshaꞌ. Oꞌ xhapoet allpaꞌ ñetñapaꞌ alla thomxhenet aꞌyoth. Añ moenenet awoꞌch serrpareꞌtatoset.

San Mateo 3:14

Juanñapaꞌ eñoratsa xha moeneñeñ oꞌch emman Jesús. Ñeñthpaꞌ ateth otaph: —Ama pokteyaye oꞌch napatapaph pha, añña poktetsa phachña napatoseꞌ. Phapaꞌ esoꞌmarwachñakaꞌye phonña nesho, phakaꞌyeña ñeñtheph atarr sherbets.

San Lucas 1:42

Ñeñthña eñorateneꞌ, poksheñeshokmañen eñorena womenkpaꞌ ateth otapan María: —Phapaꞌ oꞌ atarr koshaterreph Yepapar. Phapaꞌ oꞌ eꞌñe pemhtanaꞌtwe ora allowen yakmaneshaxhno attho koshatenanet ñet Yepapar. Ñamha Yepaparpaꞌ atarrchaꞌ bensareꞌtampennaph pechoyoretholl.

San Lucas 1:44

Tharroꞌmar eꞌñe allempokma neꞌmaponaph peñoñ ateth pewomhchaꞌtosen, neꞌmarethollpaꞌ eꞌñe poksheñeshothpaꞌ allenthepaꞌtchaꞌ pella natho.

San Lucas 2:11

Theꞌpaꞌ sokop oꞌ eñalleta ñeñthchaꞌ Saꞌkeshphatañer seperr ñeñthpaꞌ ñeñthchaꞌ Cristotats ñeñth Yepartseshar yepen. Ñeñthña cheshathollpaꞌ arr eñalleta David paꞌnetsro allara Beléño.

San Lucas 7:7

Napaꞌ ama kowenayayno ñeñthoꞌmarña aña nemñen poꞌpsheñeñ ñeñthchaꞌ nepoktatapaph, ñeñthchaꞌ photap korrerrepaꞌ naꞌtarwasañer, ñañapaꞌ akrrerrocheꞌch.

San Juan 13:13

Ñewa, sapaꞌ sotenen Maestro, ñamha sotenen Partseshaꞌ. Eꞌñe pokteꞌ poꞌñoxh sotenen tharroꞌmar poꞌñoxhpaꞌ ñeñthenkaꞌye.

San Juan 20:28

Allempoña Tomáspaꞌ ateth och: —¡Nepartseshare, theꞌña poꞌñoxhpaꞌ Neyomporer nepeneph!

Filipenses 2:3

Ñamha amach aña atarr sellkatsto ñeñth eꞌñe sokpa. Añchaꞌña poesheñaꞌttsospaꞌ sellkapreta ñeñth llekatyeneꞌ samoꞌts. Ñamha amach sañeña entatstatso ateth ñerraꞌmrratheꞌ ñeñthes nanak sherbets. Añchaꞌña ateth sent samoꞌts ateth ñerraꞌmrratheꞌ ñetña nanak sherbetset, phañapaꞌ amach es asherbenayeꞌ penteno.

Filipenses 3:8

Amaꞌt elloneth allowen poꞌpoñexhno ñeñth nenteꞌth ñeñthoꞌch sherbhatseñ nokoppaꞌ theꞌña eꞌñe neyemteñoth Cristopaꞌ ama asherbenayeꞌ nenteñe, amaꞌt koñeꞌtha, tharroꞌmar theꞌpaꞌ oꞌ neyemtera Yepartseshar Cristo Jesús ñeñth nanak sherbets. Ñapaꞌ ello metanaꞌtwenan allowen poꞌpoñexhno ñeñth ateth nenteꞌth na ñeñthoꞌña nanak sherbets. Ñeñthoꞌmarña nemorrenteñoth Cristo theꞌpaꞌ oꞌ nepoeswerr ora poꞌpoñexhno, nokop theꞌñapaꞌ ama esoyeꞌ nenteñe eshekchaꞌ theꞌpaꞌ eꞌñech noksheñeshaꞌ nokther Cristo.