San Lucas 1:41 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴¹ Ñañapaꞌ allempo eꞌmapan María ñeñth ateth womhchaꞌtospaꞌ poeꞌmarethollña ñeñth paꞌthoꞌtsenpaꞌ allenthepaꞌtchaꞌ pella. Pachorñapaꞌ eꞌñe chorreña Parets Poekamkëñ.

San Lucas 1:41 Iomraidhean Croise

San Lucas 1:15

Ñapaꞌ atarrchaꞌ asherben enteñ Yompor. Ñapaꞌ amach orrarñatheyaye, amaꞌt vinosapaꞌ amach orreñe. Amaꞌt ñamha paꞌnamen ñeñth aposaꞌtpotetsapaꞌ amach orreñe amaꞌt mamesha. Ñapaꞌ eꞌñech aña chorraya Parets Poekamkëñ. Amaꞌt allempotheñ pachor paꞌthoꞌtsen ñapaꞌ eꞌñech chorreña Parets Poekamkëñ.

San Lucas 1:42

Ñeñthña eñorateneꞌ, poksheñeshokmañen eñorena womenkpaꞌ ateth otapan María: —Phapaꞌ oꞌ atarr koshaterreph Yepapar. Phapaꞌ oꞌ eꞌñe pemhtanaꞌtwe ora allowen yakmaneshaxhno attho koshatenanet ñet Yepapar. Ñamha Yepaparpaꞌ atarrchaꞌ bensareꞌtampennaph pechoyoretholl.

San Lucas 1:44

Tharroꞌmar eꞌñe allempokma neꞌmaponaph peñoñ ateth pewomhchaꞌtosen, neꞌmarethollpaꞌ eꞌñe poksheñeshothpaꞌ allenthepaꞌtchaꞌ pella natho.

San Lucas 1:67

Cheshathollña pompor ñeñth Zacaríaspaꞌ añ chorrenaya Parets Poekamkëñ ñeñthña eñoraterreꞌ Yomporekop ñeñthchaꞌ ateth perra amaꞌt esempo. Ñeñthpaꞌ ateth ot Zacarías:

San Lucas 4:1

Allempoña Jesúspaꞌ oꞌ err Jordanasoth. Ñañapaꞌ añ eꞌñe chorrenaya Parets Poekamkëñ ñeñthña anmoeꞌña all amayo.

Los Hechos 2:4

Añña ñeñth xhapyesawet eꞌñe poesheñaꞌttsokmoetpaꞌ añepaꞌt Parets Poekamkëñ ñeñthchaꞌ chorrawet. Allempoñapaꞌ allorokma eñosyeset poꞌpoñ ñoñtso ñeñth ama eñoseteꞌthe awaña. Añña Parets Poekamkëñpaꞌ awoꞌ eñoratyesanet poꞌpoñeꞌttsokma atthoch serrpareꞌtachet paꞌnamen acheñ eꞌñe ñet poꞌñoñeto.

Los Hechos 4:8

Allempoña Pedro eꞌñe awamenkath poepeñoth Parets Poekamkëñpaꞌ ateth otanet: —Amhchaꞌtarethneshachaꞌ ñamha ñeñthes pomporneshaꞌ penet, theꞌpaꞌ oꞌch notas:

Los Hechos 6:3

Añña pokteꞌ masheñneshachaꞌ, oꞌch seꞌñ kanxherrsheña ñeñthara ñeñthey ameꞌñetsa arr parro —erraꞌtsentheꞌ kowen acheñ senten ñamha ñeñth chorrena Parets Poekamkëñ ñamha ñeñth atarr eñoteneꞌ ñeñth kowentetsa Yomporekop. Añ ñeñthara kanxherrsheña ñeñthchaꞌ poꞌtarwas pet atthoch epatyeset ñeñth palltaꞌyetsa rreñets.

Los Hechos 7:55

Allempo Estebanpaꞌ eꞌñe chorreña Parets Poekamkëñ. Ñañapaꞌ oꞌ kowaꞌ enoneth, allñapaꞌ all entan Yompor poꞌkowenña. Entan Jesús eꞌñe poꞌpartsoteñoth all then Pompor poꞌkowenroth.

Los Hechos 9:17

Allempoñapaꞌ oꞌ awoꞌ Ananías oꞌch entenanaꞌ Saulo. Xhap allpaꞌ oꞌ beꞌthosos pokollo alloꞌtsen Saulo. Oꞌ ponmosyapaꞌ oꞌ nosan pot eꞌñe ñesho. Nowan pot eꞌñe ñeshopaꞌ otosan Saulo, ateth och: —Masheñe Saule, Yepartseshar Jesús ñeñthkaꞌye phorrtoya allempo phoñen thoño. Theꞌpaꞌ añ ñeñthara Yepartseshar Jesús oꞌ moeñan na oꞌch non atthoch alla pekwerr, ñamha atthoch chorrapha Parets Poekamkëñ.

Efesios 5:18

Ñamha oꞌch notas, amach seposaꞌtatsto; ñeñthpaꞌ xhach kothapeꞌchatenes sosyaꞌtsañexhno atthoch aꞌpoerrataterres. Amach seposaꞌtatsto, añepaꞌchña sechorrenaya ñeñthchaꞌ sokshateneꞌ ñeñthara Parets Poekamkëñ.

El Apocalipsis 1:10

Pamtharr allempo xhapaꞌmoen añe yethro allempo xhokma yeyerpoeña Yompor napaꞌ neyerpoeñoth ñapaꞌ eꞌñe machayotha chorratna womenk Yompor Poekamkëñ. Allempoñapaꞌ machayotha neꞌm ñoñets wapa nechaꞌñoth. Atarr womenk eñen ateth ñerraꞌmrratheꞌ poktor eꞌmorrtetsa womenk. Ñeñthpaꞌ ateth oten añ ñoñets: