San Lucas 1:35 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁵ Mellañoteññapaꞌ alla otererr: —Paretschaꞌkaꞌye Poekamkëñ pexhapoya. Ñeñth Nanak Parets poꞌwamenkpaꞌ aꞌpomamphsosephchaꞌ ateth ñerraꞌmrratheꞌ os phaꞌpomampeneꞌ. Ñeñthoꞌmarña cheshatholl ñeñthchaꞌ peꞌñalletatpaꞌ ñapaꞌ añach eꞌñe maꞌyoxhrosa ñeñth ateth moenen Parets. Otyesetchaꞌ ñapaꞌ ña eꞌñe Yompor Poechemer.

San Lucas 1:35 Iomraidhean Croise

San Mateo 1:18

Theꞌpaꞌ oꞌch neserrpareꞌtatas attho allempo eñalleta Jesús. Allempoña María ñeñthchaꞌ pachor phaꞌ Jesúspaꞌ añkaꞌye oꞌpatenaya José ñoꞌch yoreꞌ. Ama yoreñaꞌpaꞌ Maríañapaꞌ awepaꞌt axhomenta Parets Poekamkëñoth.

San Mateo 1:20

Allempoña ateth kothapeꞌchenpaꞌ machayothoꞌ orrtoña Yompor poꞌmhllañotheñer. Ñeñth orrtoya poexhopoñopaꞌ ateth otos: —José Davidnaꞌtare, amach phaꞌllpatsto; pokteꞌkaꞌye oꞌch peyore María ñeñthchaꞌ pethapor pephaꞌ tharroꞌmar ñapaꞌ oꞌkaꞌye axhomenta Parets Poekamkëñoth.

San Mateo 14:33

Ñeñthña noñthoꞌtsaꞌyenpaꞌ allenthepaꞌtchaꞌ konkorpanrrortanaꞌtapetpaꞌ ateth otyeset: —Poꞌñoxhepaꞌt phapaꞌ eꞌñe Parets Poechemereph.

San Mateo 27:54

Eꞌñe allempo rroma Jesús, solltarneshaꞌña epoet poꞌkaphtaner ñeñth allpon kowampeneꞌ Jesús, ñetñapaꞌ eꞌñe enteñet ñeñth ateth phaꞌyesa allempo, attho pella pats. Ñeñthoꞌmarña ñetpaꞌ atarr yorenet. Allempoñapaꞌ ateth otet: —Poꞌñoxhwakaꞌye añmapaꞌ Partsepaꞌtkaꞌye Poechemer.

San Mateo 4:3

Allempoñapaꞌ wapoña oneñeth. Attho topatosan Jesúspaꞌ ateth otos: —Pha ñerraꞌm poꞌñoxhtheꞌ Parets Poechemerephpaꞌ oꞌch phot: Añ mapoeꞌ poenasepaꞌ pan.

San Marcos 1:1

Theꞌ arr napaꞌ oꞌch nekellkonas ñeñth eꞌñe kowen ñoñets alloch yekeshperra eꞌñe yameꞌñeñotha Jesucristo ñeñth Poechemer pen Yompor. Ñewa, ñeñth ñanom orrtatsa ñeñthpaꞌ eꞌñe ateth oꞌ perra eꞌñe ateth kellkëꞌth Isaías ñeñth aꞌmhtayeꞌth awath Yompor poꞌñoñ. Isaíaspaꞌ ñapaꞌ añkaꞌye kellkëꞌth ñeñth ateth Yomporpaꞌ otan Poechemer ñeñthara Cristo, ñeñthpaꞌ ateth och: Theꞌpaꞌ peñochepaꞌch napaꞌ nemñerrnaphchaꞌ poesheñarr ñeñthchaꞌ photamperraya. Eꞌñe ña poeserrpareꞌteñothpaꞌ aññoꞌterrnaphchaꞌ allchaꞌ phoñmos phamha esempo.

San Marcos 1:24

—Esoꞌmareꞌtchaꞌña erroth pephosey Jesúso, pha ñeñtheph nazaretoꞌmarneshaph. ¿Añekoptheꞌ pewena oꞌch phaꞌchenkaterrey? Napaꞌ oꞌ neñotapaph. Phapaꞌ atarr Partsoph añ pellsenseneꞌ Phompor ñeñth atarr nanak Parets.

San Lucas 1:27

Allempoña xhap Nazareto, allñapaꞌ orrtosana poesheñarr shopsheshaꞌ ñeñth ama aꞌphllaretheyaye. Ñewa, ñeñth shopsheshaꞌpaꞌ añ oꞌpatenaya yakma ñeñthpaꞌ añ paꞌsoꞌcheñ José, ñoꞌch yoreꞌ. Ñeñthña shopsheshaꞌ arroth eñalletña David poꞌmhrenñoth; ñeñthpaꞌ añ paꞌsoꞌcheñ María.

San Lucas 1:34

Maríañapaꞌ ateth otapan mellañotheñ: —Taꞌm ¿errothenothchaꞌña nechyoreꞌtña? Napaꞌ amaꞌt poesheñarra enkaneshaꞌ amarramtso yorennaꞌ.

San Lucas 1:36

Ñamha Elisabetña ñeñth phamoꞌts pepen, ñapaꞌxhoꞌña oꞌ thotana asheñorrotholl, amaꞌt oꞌ poꞌnmeꞌten. Ñamha amaꞌt oteñet moexhophpaꞌ theꞌñapaꞌ oꞌ pechapmha arrorr oꞌ axhomenta.

San Juan 1:34

Na poꞌñoxhpaꞌ oꞌkaꞌye neñch ñeñthoꞌmar theꞌpaꞌ neñotatenes ñeñthkaꞌyeña Yompor Poechemer.

San Juan 1:49

Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 20:31

Allpon ñeñth akellkarethtatsa arr libro ñeñthpaꞌ añekop anareth ñeñthchaꞌ sameꞌñateꞌ poꞌñoxh Jesúspaꞌ ñeñth Cristotets, ña poꞌñoxh Yompor Poechemer. Tharroꞌmar eꞌñe sameꞌñeñotha Cristo sañapaꞌ korretsasach thayotheñ eꞌñe errponañowen.

Los Hechos 8:36

Allña alleneth matampenetpaꞌ oꞌ entoset oñ, ateth ot etiopoꞌmarneshaꞌ: —Taꞌm, ¿pokteꞌtheꞌ theꞌ oꞌch napatarethta Partsokop?

Romanos 1:4

Tharraña Parets Poekamkëñothpaꞌ nanak awamenkathtacheꞌth añekop ñeñth kowenetyetsa Partsokop. Ñamha chemerrña allempo Pomporpaꞌ awoꞌt tantater poꞌrromñothpaꞌ allempoña eꞌñe eñotwarethta ñapaꞌ poꞌñoxh Yompor Poechemer ñeñthara Jesucristo ñeñth Yepartseshar yepen.

Gálatas 2:20

Ñeñthoꞌmarña yapaꞌ oꞌ yekexhpaꞌwerr ateth moenatseꞌtatyesyeꞌth yechets. Ñeñthoꞌmarña oꞌ eꞌñe ateth yeperra ñerraꞌmrratheꞌ oꞌ korsoꞌtamperryet epay Cristo. Theꞌpaꞌ amaꞌt ora yokrrenañpaꞌ tharraña ama yayeꞌ korretso, añña Cristo ñeñth yechorrenayapaꞌ ñeñthña korretsa theꞌ yechtso. Theꞌpaꞌ eꞌñe yeyemteñoth Yompor Poechemerpaꞌ yokrrena eꞌñe kowen arr patsro, tharroꞌmar ña yemorrenterraya, ñamha ña rromats yokop.

Efesios 2:3

Ñewa, amaꞌt alloweney awathpaꞌ eꞌñe atthekma yeyxheꞌth. Aña yokthapeꞌchyeseꞌth ñeñth eꞌñe ateth yemnatseꞌtyen ya, ñeñth ateth moenatseꞌtateney ya yechets ñamha ñeñth kowen yenteꞌth eꞌñe yañeña yokthaphñoth. Eꞌñe ya yokthaphñoth ñeñth ateth yeyxheꞌthpaꞌ ñeñthaña eꞌñe yokthapeꞌchatseꞌtatyesayeꞌth. Ñeñthoꞌmarña Yomporpaꞌ aña oꞌpatatyeꞌth atthoch koñchaterrey. Ñewa, amaꞌt allowen poꞌpotantañ acheñeneshaꞌ ñeñth ateth phatseꞌtyeseteꞌthpaꞌ Yomporñapaꞌ eꞌñe atthekma oꞌpatataneteꞌth ñeñthara koñcheñets. Ñerraꞌm allempokmach yerromañpaꞌ eꞌñech yechenkaꞌwerrañ,

Hebreos 4:15

Tharroꞌmar Jesús ñeñth Yekorneshar yepen ñapaꞌ eꞌñe eñoteñ atthoch eꞌñe kowen llekapretenya allempo ama eꞌñeyeꞌ womenkayeꞌ yenteno yeyoxhro. Tharroꞌmar ñapaꞌxhoꞌña atthekma wapoñeꞌth allowen paꞌnamen topateñets, eꞌñe ateth yepena ya theꞌ xhokma wennaya paꞌnamen topateñets. Tharraña ñapaꞌ amaꞌt paꞌnamen wapoyeꞌth topateñets, ñapaꞌ amaꞌt parrocha ama phano ñeñth ama pokteyeꞌ enteno Pompor.